Yeremi 22:18 - Bibeli Gusunɔn Gari

¹⁸ Yen biru, Yeremi u mɑɑ nɛɛ, wee ye Yinni Gusunɔ u ɡerumɔ Yoyɑkimu, Yosiɑsin bii, Yudɑbɑn sinɑ bokon sɔ̃. U nɛɛ, ù n ɡu, bɑ ǹ nùn ɡɔɔ swĩiyɑmmɛ bu nɛɛ, wɑiyo nɛn mɔɔ! Wɑiyo nɛn sesu! Wɑiyo nɛn yinni!

Yeremi 22:18 ပူးပေါင်းရင်းမြစ်များ

Sɑmuɛli II 1:26

Yonɑtɑm nɛn kĩnɑsi, nɑ nuku sɑnkirɑ bɑkɑnu mɔ wunɛn sɔ̃. A rɑ n sɑ̃ɑwɑ ɡɑ̃ɑ bɑkɑnu nɛn nɔni sɔɔ. Wunɛn kĩi te ɑ mɑn kĩɑ tɑ tɔn kurɔɡiru kere.

Sinɑmbu I 13:30

Ye bɑ ɡoo te sikuɑ bɑ kpɑ, mɑ bɑ ɡɔɔ wuri kuɑ bɑ nɛɛ, wɑnyo, wɑnyo, nɛn kĩnɑsi!

Sinɑmbu II 23:36

Wɔ̃ɔ yɛndɑ nɔɔbuwɑ Yoyɑkimu u mɔ sɑnɑm mɛ u bɑndu di. Mɑ u kuɑ wɔ̃ɔ wɔkurɑ tiɑ bɑn te sɔɔ. Win mɛron yĩsirɑ Sebudɑ, Pedɑyɑ Rumɑɡiin bii.

Sinɑmbu II 23:6

U mɑɑ derɑ bɑ bwɑ̃ɑroku ɡe bɑ kuɑ Asitɑɑten sɔ̃ yɑrɑ sɑ̃ɑ yerun di. Mɑ u ɡu yɑrɑ Yerusɑlɛmun di u ɡu dɔ̃ɔ mɛni Sedoronin wɔwɑɔ. Mɑ u ɡen torom suɑ u wisi mi bɑ rɑ tɔmbu sike.

Sinɑmbu II 24:6

Yenibɑn biru u kpunɑ u ɡu. Mɑ bɑ nùn sikɑ win bɑɑbɑbɑn sikɑɔ. Mɑ win bii Yoyɑkini u bɑndu kɔsire kuɑ.

Bɑndun Gɑri I 3:15

Be bɑ sɑ̃ɑ Yosiɑsin bibu, be wee. Yohɑnɑniwɑ u sɑ̃ɑ ɡbiikoo. Mɑ Yoyɑkimu u sɑ̃ɑ yiruse. Mɑ Sedesiɑsi u sɑ̃ɑ itɑse. Mɑ Sɑlumu u sɑ̃ɑ nnɛse.

Bɑndun Gɑri II 35:25

Yeremi u ɡɔɔ swĩ Yosiɑsin sɔ̃. Mɑ wom kowobu, tɔn durɔbu kɑ tɔn kurɔbu bɑ Yosiɑsi doke ɡɔɔ swĩin womusu sɔɔ sere kɑ ɡisɔ. Su kuɑ wororu Isireliɔ. Womu si, su wɑ̃ɑ ben ɡɔɔ swĩin womusun tireru sɔɔ.

Bɑndun Gɑri II 36:5

Yoyɑkimu u mɔwɑ wɔ̃ɔ yɛndɑ nɔɔbu sɑnɑm mɛ u bɑndu di Yudɑɔ, mɑ u kuɑ wɔ̃ɔ wɔkurɑ tiɑ bɑndu sɔɔ. Kɔ̃sɑ u kuɑ Gusunɔ win Yinnin nɔni sɔɔ.

Yeremi 16:4

Bɑrɑrɑ tɑ koo bu ɡo. Bɑ ǹ bu ɡɔɔ swĩiyɑmmɛ. Bɑ ǹ mɑɑ bu sikumɔ. Bɑ koo kowɑ tɑɑki tem sɔɔ. Be bɑ tiɑ kpɑ bu bu ɡo tɑbu sɔɔ, ǹ kun mɛ, ɡɔ̃ɔru tu bu ɡo, kpɑ ɡbeeku yɛɛ kɑ ɡunɔsu ben ɡonu di.

Yeremi 16:6

Dɑmɡibu kɑ bwɛ̃ɛbwɛ̃ɛbu bɑ koo ɡbiwɑ. Bɑ ǹ bu sikumɔ, bɑ ǹ mɑɑ ben ɡɔɔ wooru sinɑmɔ. Goo kun tii muririmɔ, ɡoo kun mɑɑ kɔnimɔ ben ɡɔɔn nuku sɑnkirɑnun sɔ̃.

Yeremi 21:11

Yinni Gusunɔ u nɛɛ, ɑmɛniwɑ wunɛ Yeremi kɑɑ Yudɑbɑn sinɑ bokon bweseru sɔ̃. A nɛɛ, bu nɛ, Yinni Gusunɔn ɡɑri nɔɔwɔ.

Yeremi 22:10

Bɛɛ Yudɑbɑ, i ku wuri ko Yosiɑsi wi u ɡun sɔ̃. I ku mɑɑ win ɑrio ko. Adɑmɑ i wuri koowo Sɑlumun sɔ̃, wi bɑ yoru mwɑ bɑ kɑ dɑ tem tukumɔ. Domi u ǹ mɑɑ wee. Mɛyɑ u ǹ mɑɑ tem mɛ wɑsi mi bɑ nùn mɑrɑ mini.

Yeremi 22:12

U koo ɡbiwɑ dɛsiru sɔɔ mi bɑ kɑ nùn dɑ mi, u ǹ mɑɑ tem mɛ wɑsi.

Yeremi 34:5

u koo ɡbiwɑ bɔri yɛndu sɔɔ kpɑ bu win ɡɔɔ ko nɡe mɛ bɑ win sikɑdo sinɑm be bɑ nùn ɡbiiyeɡii kuɑ. Bɑ koo nùn turɑre dɔ̃ɔ dokeɑ kpɑ bu nùn ɡɔɔ wuri yini kuɑ bu nɛɛ, wɑnyo! Sinɑ boko u ɡu! Nɛ, Yinni Gusunɔwɑ nɑ yeni ɡeruɑ.

Yeremi 36:30

Yen sɔ̃nɑ, nɛ, Yinni Gusunɔ nɑ wi sinɑ boko Yoyɑkimu sɔ̃ɔmɔ, mɑ win ɡoo kun mɑɑ sinɑmɔ Dɑfidin sinɑ ɡɔnɑ sɔɔ. Mɛyɑ bɑ koo mɑɑ win tiin ɡoru deri tɔɔwɔ sɔ̃ɔ sɔɔ kɑ wɔ̃kuru tɑ n sɔ̃ɔ kɑ purɑ soorɑmɔ.