Yeremi 20:9 - Bibeli Gusunɔn Gari

⁹ Nɑ̀ n nɛɛ, kon nun deriwɑ, nɑ ǹ mɑɑ wunɛn ɡɑri kpɑrɑmɔ, n dɑ n sɑ̃ɑwɑ nɡe dɔ̃ɔ u wɑ̃ɑ nɛn wɑsi sɔɔ u nɛn kukunu mɛnimɔ. Kpɑ n kookɑri ko n kɑ tii mɑrisi, ɑdɑmɑ nɑ ku rɑ kpĩ.

Yeremi 20:9 ပူးပေါင်းရင်းမြစ်များ

Womusu 39:3

Nɑ rɑɑ mɑɑri, nɑ ǹ ɡɑ̃ɑnu ɡeruɑ, mɑ nɑ deemɑ n kuɑ kɑm, domi nɛn nɔni swɑ̃ɑru tɑ sosiwɑ.

Yeremi 23:29

Nɛn ɡɑri kun sɑ̃ɑ nɡe dɔ̃ɔ ro? Yi ǹ sɑ̃ɑ nɡe mɑtɑlɑkɑ ye yɑ rɑ kperu kɔre ro?

Yeremi 23:9

Ǹ n sɔmɔbun sɔ̃n nɑ, nɛn ɡɔ̃ru ɡɑ sɑnkirɑ too, mɑ nɑ diirimɔ sere kɑ nɛn kukunɔ. Nɑ sɑ̃ɑ nɡe wi tɑm mu ɡoomɔ Yinni Gusunɔ kɑ win ɡɑri dɛɛrin sɔ̃, yi u mɑn sɔ̃ɔwɑ u nɛɛ,

Yeremi 4:19

Yeremi u nɛɛ, nɛn nuki mɑn wuririmɔ mɑ nɛn tororɑ kɑrɑ. Nɑ ǹ kpɛ̃ n nɔɔ mɑri wɑhɑlɑ yenin sɔ̃. Nɑ tɑbun kɔbɑ nɔɔmɔ. Bu wee.

Yeremi 6:11

Yinni Gusunɔ, wee, nɑ kɑ tɔn be mɔru mɔ̀ wunɛn sɔ̃. Nɑ kpɑnɑ n tii nɛnɛ. Mɑ Yinni Gusunɔ u nɛɛ, ɑ de mɔru ye ɑ mɑn kuɑmmɛ mi, yu wɔri bibu sɔɔ be bɑ dweemɔ dɑ̃ɑ sɑɑnɔ, kɑ sere mɑɑ ɑluwɑɑsibɑn wuunu sɔɔ. Domi kurɔbu kɑ durɔbu kɑ tɔkɔnu, kpurowɑ bɑ koo ɡurɑ bu kɑ doonɑ.

Esekiɛli 3:14

Gusunɔn Hunde wi u nùn suɑ mi, u kɑ nùn doonɑ, mɑ win dɑm nùn nɛnuɑ. Mɑ Esekiɛlin mɔru seewɑ u burisinɑ.

Esekiɛli 3:3

Mɑ u nɛɛ, tɔnun bii, ɑ wunɛn nukuru yibio kpɑ ɑ wunɛn wɑsi diisiɑ kɑ tire te nɑ nun wɛ̃ mi. Ye u tire te temɑ, mɑ tɑ nùn dore nɡe tim.

Amɔsu 3:8

Gbee sunɔ ɡɑ̀ n ɡbɑ̃rɑ, wɑrɑ ku rɑ nɑnde. Nɛ, Yinni Gusunɔ nɑ̀ n ɡɑri ɡeruɑ, nɛn sɔmɔ wɑrɑ kun yi kpɑrɑmɔ.

Yonɑsi 1:2

Yonɑsi, ɑ seewo ɑ dɑ Ninifu wuu mɑro bɔkɔ ɡen mi. Kpɑ ɑ nɔɔɡiru suɑ ɑ bu ɡerusi. Domi ben nuku kɔ̃suru tɑ bɑndɑ sere tɑ mɑn ɡirɑri.

Yonɑsi 1:3

Adɑmɑ Yonɑsi u seewɑ u dukɑ suɑ u Tɑɑsisin swɑɑ wɔri, u wɑ u kɑ Yinni Gusunɔ tondɑ. Mɑ u dɑ Yɑfoɔ u ɡoo nimkuu duɑ. Mɑ u yen dɑɑbun ɡobi kɔsiɑ. Nɡe mɛyɑ u kɑ Tɑɑsisin swɑɑ wɔri wi kɑ tɔn be bɑ dɔɔ Tɑɑsisi mi sɑnnu u wɑ u kɑ Yinni Gusunɔ tondɑ.

Luku 9:62

Yesu u nùn sɔ̃ɔwɑ u nɛɛ, bɑɑwure wi u tebo nɔmu sɔndi, mɑ u biru sĩirɑ, u ǹ mɑɑ ɑrufɑɑni ɡɑɑ mɔ bɑn te Gusunɔ u koo swĩi sɔɔ.

Gɔrobun Kookoosu 17:16

Sɑnɑm mɛ Pɔlu u bu mɑrɑ Atɛniɔ, win bwɛ̃rɑ kun kpunɛ domi u wɑ bũu turɑnu yibɑ wuu mi.

Gɔrobun Kookoosu 18:5

Sɑnɑm mɛ Silɑsi kɑ Timɔte bɑ tunumɑ sɑɑ Mɑsedɔnin di, Pɔlu u win tii wɛ̃ u kɑ wɑɑsu ko sɑɑ kpuro, u Yuubɑ sɔ̃ɔmɔ mɑ Yesu sɑ̃ɑwɑ Kirisi wi kɑ ɡem.

Gɔrobun Kookoosu 4:20

Domi bɛsɛ sɑ ǹ kpɛ̃ sɑ kun ɡeruɑ ye sɑ wɑ kɑ ye sɑ nuɑ.