Yeremi 20:8 - Bibeli Gusunɔn Gari

⁸ Nɑ̀ n kĩ n ɡɑri ɡere, sere n nɔɔɡiru suɑ kɑ dɑm n nɛɛ, yibɛrɛbɑ bɑ wee bu sun dɑm dɔre, kpɑ bu sun kɑm koosiɑ. Yinni Gusunɔ, tɔmbɑ rɑ n mɑn yɛ̃ɛmɔwɑ wunɛn ɡɑrin sɔ̃ bɑɑdommɑ.

Yeremi 20:8 ပူးပေါင်းရင်းမြစ်များ

Sinɑmbu II 2:23

Sɑɑ Yerikon di Elisee u mɑɑ dɑ Betɛliɔ. Yerɑ swɑɑ sɔɔ, bibɑ nùn wuremɔ bɑ mɔ̀, wii kpɑrɑruɡii, ɑ yɑrio minin di.

Bɑndun Gɑri II 36:16

Adɑmɑ bɑ Yinni Gusunɔn sɔmɔ be yɛ̃ɛ bɑ yɑɑkoru koosi. Bɑ ben ɡɑri ɑtɑfiiru kuɑ sere Yinni Gusunɔn tii u kɑ bu mɔru kuɑ ye bɑ ǹ kpɛ̃ bu suresiɑ.

Esɑi 57:4

Wɑrɑ i yɛ̃ɛmɔ, wɑrɑ i nɔɔ swiikinu koosimɔ. I ǹ yɛ̃ mɑ i sɑ̃ɑwɑ bwese te tɑ ku rɑ mɛm nɔ, te tɑ rɑ weesu ko?

Yeremi 15:10

Yeremi u nɛɛ, nɛn mɛro, mbɑn sɔ̃nɑ ɑ mɑn mɑrɑ. Wee nɑ kuɑ bɔ̃ruro. Domi nɛn sɔ̃nɑ tem mɛn tɔmbu kpuro bɑ sikirinɑmɔ bɑ sɑnnɑmɔ. Nɑ ǹ ɡoon mi ɡɑ̃ɑnu bɔkure, nɑ ǹ mɑɑ ɡoo ɡɑ̃ɑnu bɔkure. Adɑmɑ kɑ mɛ, bɑ mɑn bɔ̃rusimɔwɑ kpuro.

Yeremi 15:15

Yerɑ Yeremi u Yinni Gusunɔ wisɑ u nɛɛ, ɑ kpuro yɛ̃. A mɑn yɑɑyo. A ku mɑn duɑri. A be bɑ mɑn nɔni sɔ̃ɔmɔ mɔru kɔsio. A ku mɑn ɡo, wunɛ wi ɑ suuru mɔ. A yɛ̃ mɑ wunɛn sɔ̃nɑ nɑ sekuru sɔɔwɑ.

Yeremi 17:27

Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.

Yeremi 20:7

Yinni Gusunɔ, ɑ mɑn kɔkurɑ, mɑ nɑ wunɛn ɡɑri wurɑ. A mɑn sɛ̃re ɑ kɑmiɑ. Wee tɔ̃ru bɑɑtere tɔmbu kpuro bɑ rɑ n mɑn yɛ̃ɛmɔwɑ, kpɑ bɑ n mɑn ɡɑri bɔkɔ mɔ̀.

Yeremi 28:8

Gusunɔn sɔmɔ be bɑ ɡbiɑ bɑ nɑ yellun di, sɑ sere nɑ, nɔni swɑ̃ɑru kɑ tɑbu kɑ bɑrɑnun ɡɑriyɑ bɑ bwese bɑkɑnu kɑ sinɑ bokobu sɔ̃ɔwɑ.

Yeremi 5:1

Yinni Gusunɔ u nɛɛ, bɛɛ Yerusɑlɛmuɡibu, i bɛɛn swɛɛ kpuro swĩiyɔ. I doo kɑ mi tɔmbɑ rɑ mɛnnɛ i kɑsu ì n ko i ɡoo wɑ wi u rɑ ko dee dee mɑ u rɑ ɡem ɡere. Ì n yɛ̃ro wɑ, sɑɑ ye sɔɔrɑ nɛ, Yinni Gusunɔ, kon bɛɛn durum wɔkɑ.

Yeremi 5:6

Yen sɔ̃nɑ bɑ̀ n duɑ dɑ̃ɑ sɔ̃ɔwɔ, ɡbee sinɑnsu su rɑ bu ɡo. Bɑ̀ n duɑ yɑkɑsɔ, ɡbeeku bɔ̃nu nu rɑ bu ɡo. Mɑ musuku ɡbeeku ɡɑ rɑ bu yɔɔru bwɛ̃ɛyɛ ben wuun ɡbɑ̃rɑrun kɔnnɔwɔ, be bɑ yɑrɑ min di, ɡu kɑ bu sɛ̃re ɡu kɑsuku. Domi ben torɑnu nu dɑbiɑ. Ben nɑɑnɛ sɑriru tɑ kpɑ̃.

Yeremi 6:10

Mɑ Yeremi u wisɑ u nɛɛ, wɑrɑ kon ɡɑri sɔ̃, kpɑ n nùn kirɔ ko. Wɑrɑ koo mɑn swɑɑ dɑki. Wee, bɑ swɑɑ tɑu. Bɑ ǹ kpɛ̃ bu lɑɑkɑri ko. Ben mi, wunɛ Yinni Gusunɔn ɡɑri yi rɑ bu sekuru kowɑ. Bɑ ku rɑ kɑ̃ bu yi nɔ.

Yeremi 7:9

Bɑ rɑ n ɡbɛnimɔ, bɑ rɑ n tɔmbu ɡoomɔ, bɑ rɑ n sɑkɑrɑru mɔ̀, kpɑ bɑ n nɔɔ mwɛɛ weesuɡinu mɔ̀, kpɑ bɑ n bũu wi bɑ mɔ̀ Bɑɑli turɑre dɔ̃ɔ dokeɑmmɛ, kpɑ bɑ n mɑɑ bũu sɑ̃ɑru mɔ̀ te bɑ ku rɑ rɑɑ ko.

Hɑbɑkuku 1:3

Mbɑn sɔ̃nɑ ɑ derɑ nɑ kɔ̃sɑ mɛɛrɑ. Mbɑn sɔ̃nɑ kɑɑ n tɔmbu mɛɛrɑ bɑ n ɡem birɑnɑmɔ. Wee, tɔmbɑ dɑm dɔrenɑmɔ bɑ dɑɑ kɔ̃sɑ mɔ̀ bɑɑmɑ kpuro. Sɑnnɔsu yibɑ, mɑ tɔmbɑ siribu sokunɑmɔ bɑɑmɑ kpuro.

Luku 11:45

Woodɑ yɛ̃ro ɡoo u nɛɛ, yinni ɑ̀ n ɡerumɔ mɛ, kɑ mɑɑ bɛsɛrɑ ɑ wɔmmɔ.

Heberu 11:26

U bwisikɑ u wɑ n sɑnɔ bu nùn ɡɛm nɡe wi Gusunɔ u ɡɔsɑ n kere u Eɡibitin dukiɑ wɑ, domi siɑn ɑreyɑ u mɛɛrɑ.

Heberu 13:13

Ǹ n mɛn nɑ, su dɑ win mi wuun biruɔ kpɑ bɑ n sun ɡɛmɑ nɡe wi.

Piɛɛ I 4:14

Doo nɔɔrobɑ bɛɛ, bɑ̀ n bɛɛ wɔmmɔ Kirisin yĩsirun sɔ̃, domi Gusunɔn Hunde yiikoɡii u wɑ̃ɑ kɑ bɛɛ.