Yeremi 20:18 - Bibeli Gusunɔn Gari

¹⁸ Mbɑn sɔ̃nɑ nɑ yɑrɑ nɛn mɛron nukurun di, nɑ kɑ sere wɑhɑlɑ yeni kɑ wɑsi wuriri bini wɑɑmɔ, mɑ nɛn wɑ̃ɑrɑ wiru ɡoorɑmɔ kɑ sekuru.

Yeremi 20:18 ပူးပေါင်းရင်းမြစ်များ

Sinɑmbu I 19:4

Mɑ win tii u sɑnum so tɔ̃ɔ ɡiriru, u dɑ u wɑ̃ɑ ɡbɑburɔ u sɔ̃ dɑ̃ru ɡɑrun nuurɔ, mɑ u Yinni Gusunɔ sɔ̃ɔwɑ u nɛɛ, yɑ den turɑ mɛ, ɑ nɛn hunde suo. Domi nɑ ǹ nɛn bɑɑbɑbɑ ɡeɑ kere.

Yoobu 14:1

Yoobu u nɛɛ, tɔnu wi bɑ ɡesi mɑrɑ, win wɑ̃ɑrɑ ku rɑ n dɛ̃u. Mɛyɑ tɑ rɑ n mɑɑ nɔni swɑ̃ɑru yibɑ.

Yoobu 14:13

Gusunɔ, nɑ kĩ ɑ mɑn bere ɡɔribun wɑ̃ɑ yerɔ, nɑ n kukuɑ mi, sere wunɛn mɔru yu kɑ sure, kpɑ nɑ n wɑ̃ɑ mi sere dɔmɑ te kɑɑ mɑn yɑɑyɑ.

Yoobu 3:20

Mbɑn sɔ̃nɑ Yinni Gusunɔ u rɑ de tɔnu wi u wɑhɑlɑ mɔ̀ u yɑm sɑ̃reru wɑ. Mbɑn sɔ̃nɑ u rɑ de wi u nuki sɑnkire u n wɑ̃ɑ.

Yoobu 5:7

Adɑmɑ wi bɑ mɑrɑ kpuro u koo wɑhɑlɑ kowɑ, nɡe mɛ bɑ̀ n dɔ̃ɔ wure, dɔ̃ɔ buri yi rɑ yɔ̃.

Womusu 102:3

A ku mɑn biru kisi sɑnɑm mɛ nɑ nuki sɑnkire. A mɑn swɑɑ dɑkio sɑnɑm mɛ nɑ nun soku, ɑ mɑn wurɑri fuuku.

Womusu 69:19

A susimɑ ɑ nɛn hunde wɔrɑ. A mɑn fɑɑbɑ koowo nɛn yibɛrɛbɑn nɔmɑn di.

Esɑi 1:6

Sɑɑ win wirun di sere kɑ win nɑɑ tɑrɑnɔ, kpuro bɑrɑrɑ. Domi bɑ ǹ win mɛɛrɑbɑ kɑ win bosu teye bu tim ɡumɡim doke bu sere mɑm nɛɛ, bɑ koo bɔke.

Esɑi 51:7

I mɑn swɑɑ dɑkio bɛɛ bwese te i ɡem yɛ̃, mɑ i nɛn woodɑbɑ nɛni bɛɛn ɡɔ̃ruɔ. I ku nɑndɑ tɔmbu bɑ̀ n bɛɛ funɛ wunɑmɔ. I ku mɑɑ diiri bɛrum sɔ̃ bɑ̀ n bɛɛ wɔmmɔ.

Yeremi 15:10

Yeremi u nɛɛ, nɛn mɛro, mbɑn sɔ̃nɑ ɑ mɑn mɑrɑ. Wee nɑ kuɑ bɔ̃ruro. Domi nɛn sɔ̃nɑ tem mɛn tɔmbu kpuro bɑ sikirinɑmɔ bɑ sɑnnɑmɔ. Nɑ ǹ ɡoon mi ɡɑ̃ɑnu bɔkure, nɑ ǹ mɑɑ ɡoo ɡɑ̃ɑnu bɔkure. Adɑmɑ kɑ mɛ, bɑ mɑn bɔ̃rusimɔwɑ kpuro.

Yeremi 15:18

Yinni Gusunɔ, mbɑn sɔ̃nɑ nɑ wɑhɑlɑ mɔ̀ sere kɑ tɛ̃. Mbɑn sɔ̃nɑ yɑ sɑ̃ɑ nɡe boo wi u ku rɑ kpe. Yinni, kɑɑ n mɑn sɑ̃ɑwɛwɑ nɡe bwiɑ ye yɑ ǹ nɑɑnɛ mɔ, ǹ kun mɛ nɡe dɑɑ te tɑ rɑ nim kpe?

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 8:18

Yeremi u nɛɛ, nɛn nuki sɑnkirɑ nɛn tɔmbun wɑhɑlɑn sɔ̃. Nɑ kĩ n tii nukuru yɛmiɑsiɑ, ɑdɑmɑ yɑ ǹ koorɔ.

Swĩi 1:12

Bɛɛyɑ nɑ kɑ yɑ̃, bɛɛ be i sɑrɔ mini kpuro. I mɛɛrio nɔni swɑ̃ɑru ɡɑru tɑ̀ n mɑɑ nɛɡii teni kere, te Yinni Gusunɔ u mɑn kpɛ̃ɛ win mɔrun sɑɑ sɔɔ.

Swĩi 3:1

Nɑ sɑ̃ɑwɑ tɔnu wi u nɔni swɑ̃ɑru yɛ̃ te tɑ nɑ Yinni Gusunɔn mɔrun sɔ̃.

Hɑbɑkuku 1:3

Mbɑn sɔ̃nɑ ɑ derɑ nɑ kɔ̃sɑ mɛɛrɑ. Mbɑn sɔ̃nɑ kɑɑ n tɔmbu mɛɛrɑ bɑ n ɡem birɑnɑmɔ. Wee, tɔmbɑ dɑm dɔrenɑmɔ bɑ dɑɑ kɔ̃sɑ mɔ̀ bɑɑmɑ kpuro. Sɑnnɔsu yibɑ, mɑ tɔmbɑ siribu sokunɑmɔ bɑɑmɑ kpuro.

Yohɑnu 16:20

Kɑ ɡeemɑ nɑ bɛɛ sɔ̃ɔmɔ, i ko swĩ, i ko kpɑsɑ wɔri ko, ɑdɑmɑ hɑnduniɑɡibu bɑ koo yɛ̃ɛri. Bɛɛn nukurɑ koo sɑnkirɑ, ɑdɑmɑ bɛɛn nuku sɑnkirɑnu koo ɡɔsirɑ nuku dobu.

Gɔrobun Kookoosu 5:41

Mɑ ɡɔro be, bɑ doonɑ mɛnnɔ yeru min di kɑ nuku doo bɑkɑbu yèn sɔ̃ Gusunɔ u bu ɡɑrisi be bɑ turɑ bu yɑɑ kɑsiki Yesun yĩsirun sɔ̃.

Timɔte II 1:12

Yen sɑɑbun sɔ̃nɑ nɑ nɔni swɑ̃ɑ teni wɑɑmɔ. Adɑmɑ sekurɑ kun mɑn mɔ̀, domi nɑ yɛ̃ wi nɑ nɑɑnɛ doke, nɑ mɑɑ yɛ̃ kɑm kɑm u koo kpĩ u ye u mɑn kereɑ kɔ̃su sere tɔ̃ɔ te, tu kɑ turi.

Heberu 10:36

Kɑ ɡem, i ǹ ko ko i kun tɛmɑnɛ i kɑ Gusunɔn kĩru ko kpɑ i wɑ i mwɑ yèn nɔɔ mwɛɛru u bɛɛ kuɑ.

Heberu 11:36

Bɑ mɑɑ kpɑm ɡɑbu yɑɑkoru kuɑ, bɑ bu sɛni so. Bɑ ɡɑbu bɔkuɑ kɑ yɔni bɑ doke pirisɔm sɔɔ.

Heberu 12:2

Su nɔni wukiɑ sɑ n Yesu mɛɛrɑ. Win min diyɑ bɛsɛn nɑɑnɛ dokebu wee, wiyɑ mɑɑ bu yibiɑmɔ. U wurɑ bɑ nùn ɡo dɑ̃ɑ bunɑnɑru sɔɔ, u ǹ ɡɔɔ win bweserun sekuru mɛɛrɑ domi u nuku dobu yĩiyɔ bu nùn yiiye. Tɛ̃ u sɔ̃ Gusunɔn sinɑ kitɑrun nɔm ɡeuɔ.

Heberu 13:13

Ǹ n mɛn nɑ, su dɑ win mi wuun biruɔ kpɑ bɑ n sun ɡɛmɑ nɡe wi.