Yeremi 20:11 - Bibeli Gusunɔn Gari

¹¹ Adɑmɑ nɑ yɛ̃ mɑ wunɛ Yinni Gusunɔ, ɑ wɑ̃ɑ kɑ nɛ nɡe tɑbu durɔ dɑmɡii. Yen sɔ̃nɑ be bɑ mɑn nɔni sɔ̃ɔmɔ bɑ koo sokurɑ. Bɑ ǹ kpɛ̃ bu mɑn kɑmiɑ. Yen sɔ̃nɑ bɑ koo sekuru wɑ kpɑ bɑ n tu yɑɑye sere kɑ bɑɑdommɑɔ.

Yeremi 20:11 ပူးပေါင်းရင်းမြစ်များ

Womusu 129:2

Bɑ sun nɔni sɔ̃ɔwɑ bɛsɛn bweserun toren di. Adɑmɑ bɑ ǹ nɑsɑrɑ wɑ bɛsɛn wɔllɔ.

Womusu 35:26

A de be, be bɑ nuku dobu mɔ̀ nɛn wɑhɑlɑn sɔ̃, be kpuro bu sekuru wɑ sɑnnu sɑnnu. A de be, be bɑ mɑn seesimɔ, bu sekuru wɑ tɑ n kpɑ̃.

Womusu 40:14

Yinni Gusunɔ, ɑ mɑn wɔro, ɑ nɑ fuuku ɑ mɑn fɑɑbɑ ko.

Womusu 47:2

Bɛɛ hɑnduniɑn bwesenu, i tɑki koowo, kpɑ i kuuki ko kɑ nuku dobu Yinni Gusunɔn mi.

Womusu 6:10

U nɛn weeweenu nuɑ. U nɛn kɑnɑru mwɑ.

Womusu 65:5

Doo nɔɔruɡiiwɑ wi ɑ ɡɔsɑ u nun susi u wɑ̃ɑ wunɛn sɑ̃ɑ yerɔ. Wunɛn wɑ̃ɑ yerun nuku dobu koo de su debu wunɛn sɑ̃ɑ yee dɛɛrɑrɔ.

Womusu 66:5

I nɑ i Gusunɔn sɔmɑ mɛɛri ye u kuɑ. U nɑnum mɔ ù n sɔmburu mɔ̀ tɔmbun suunu sɔɔ.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 45:16

Gusunɔ u Isirelibɑ fɑɑbɑ kuɑ ye yɑ ǹ nɔru mɔ. Bɑ ǹ sekuru wɑsi sere kɑ bɑɑdommɑɔ. Adɑmɑ be bɑ bwɑ̃ɑrokunu sekumɔ, bɑ koo tukɑ kɑ sekuru.

Yeremi 1:18

Wee tɛ̃, Yudɑbɑn sinɑmbu kɑ ben wiruɡibu kɑ ben yɑ̃ku kowobu kɑ sere tɔn be bɑ tie kpuro bɑ koo kɑ mɑn tɑbu ko. Adɑmɑ bɑ ǹ kpɛ̃ bu mɑn kɑmiɑ. Domi sɑɑ ye sɔɔ, u koo mɑn dɑm wɛ̃ nɡe wuu ɡe bɑ ɡbɑ̃rɑru toosi, ǹ kun mɛ nɡe ɡbere ye bɑ kuɑ kɑ sisu, ǹ kun mɛ nɡe ɡbɑ̃rɑ te bɑ kuɑ kɑ sii ɡɑndu. U ko n wɑ̃ɑwɑ kɑ nɛ u kɑ mɑn wɔrɑ ben nɔmɑn di. Wi, Yinni Gusunɔwɑ u yeni ɡeruɑ.

Yeremi 1:8

N ku ben bɛrum ko. Domi u ko n kɑ mɑn wɑ̃ɑ, kpɑ u mɑn wɔrɑ kɑrin di. Wi, Yinni Gusunɔwɑ u yeni ɡeruɑ.

Yeremi 15:15

Yerɑ Yeremi u Yinni Gusunɔ wisɑ u nɛɛ, ɑ kpuro yɛ̃. A mɑn yɑɑyo. A ku mɑn duɑri. A be bɑ mɑn nɔni sɔ̃ɔmɔ mɔru kɔsio. A ku mɑn ɡo, wunɛ wi ɑ suuru mɔ. A yɛ̃ mɑ wunɛn sɔ̃nɑ nɑ sekuru sɔɔwɑ.

Yeremi 15:20

Kon de ɑ n dɑm mɔ nɡe ɡbɑ̃rɑ te bɑ kuɑ kɑ sii ɡɑndu. Bɑ koo kɑ nun tɑbu ko, ɑdɑmɑ bɑ ǹ nun kɑmiɑmɔ. Domi ko nɑ n kɑ nun wɑ̃ɑ n nun fɑɑbɑ ko.

Yeremi 17:18

A de be bɑ mɑn nɔni sɔ̃ɔmɔ bu sekuru wɑ. Kpɑ nɛ, nɑ kun tu wɑ. A de bu diiri, kpɑ nɛ, nɑ n wɑ̃ɑ kɑ toro sindu. A de nɔni swɑ̃ɑru tu bu deemɑ, kpɑ ɑ bu sɛɛyɑsiɑ n kpɑ̃.

Yeremi 22:22

Tɛ̃, bɛɛn kpɑrobu bɑ koo kɑ woo doonɑ kpɑ be i kɑ ɑrukɑwɑni bɔkuɑ bu bu yoru mwɛɛri bu kɑ dɑ tem tukumɔ. Sɑɑ ye sɔɔrɑ i ko i sekuru wɑ, bɛɛn kom kɔ̃sum sɔ̃.

Yeremi 23:40

Kon mɑɑ bu seku bɑkɑru doke te tɑ ǹ duɑrirɔ sere kɑ bɑɑdommɑɔ. Kpɑ bɑ kun mɑɑ bɛɛrɛ mɔ tɔmbun nɔni sɔɔ.

Yeremi 32:18

A rɑ bwesenu durom kue sere kɑ nin bibun bibɔ. Adɑmɑ bɑɑbɑbɑ bɑ̀ n torɑ, ɑ rɑ ben bibu sɛɛyɑsie torɑ nin sɔ̃. Gusunɔ, ɑ sɑ̃ɑwɑ Yinni boko, mɑ ɑ dɑm mɔ. Wunɛn yĩsirɑ wɔllu kɑ tem Yinni.

Dɑniɛli 12:2

Dɑbiru be bɑ dò sikirɔ, bɑ koo dom yɑndɑ. Ben ɡɑbu bɑ koo se bu kɑ wɑ̃ɑru te tɑ ku rɑ kpe wɑ. Gɑbu bɑ koo mɑɑ se bu kɑ sekuru kɑ nɔni swɑ̃ɑru wɑ sere kɑ bɑɑdommɑɔ.

Romu 8:31

Ǹ n mɛn nɑ, mbɑ sɑ ko ɡere kɑ ɡɑri yi. Gusunɔ ù n sɑ̃ɑ bɛsɛɡii, wɑrɑ koo kɑ sun yibɛrɛ tɛɛru ko.

Timɔte II 4:17

Adɑmɑ, Yinni kɑ mɑn yɔ̃rɑ u mɑn dɑm kɑ̃ nɑ kɑ kpĩɑ nɑ Lɑbɑɑri ɡeɑ wɑɑsu kuɑ tɔn tukobu kpuron wuswɑɑɔ. Nɑ mɑɑ yɑrɑ ɡbee sunɔn nɔɔn di.