Yeremi 20:10 - Bibeli Gusunɔn Gari

¹⁰ Nɑ nɔɔmɔ tɔn dɑbinu nu mɑn kɔ̃sɑ bwisikusimɔ. Bɑ mɔ̀, nɑndɑbu wɑ̃ɑ bɑɑmɑ. Su kɑ win ɡɑri dɑ wiruɡibun mi. Be bɑ rɑɑ kɑ mɑn nɔɔ tiɑ sɑ̃ɑ bɑ mɛɛrimɔ nɑ̀ n kon sokurɑ. Bɑ mɔ̀, sɔrɔkudo kon de bu mɑn sɑmbɑ ko. Kpɑ bu wɑ bu mɑn mwɑ bu mɔru kɔsie.

Yeremi 20:10 ပူးပေါင်းရင်းမြစ်များ

Sinɑmbu I 19:2

Mɑ Yesɑbɛli u Eli sɔmɔ ɡɔriɑ u nɛɛ, mɑ nɑ kun nun ɡo siɑ ɑmɑdɑɑre nɡe mɛ ɑ tɔn ben bɑɑwure ɡo, bũnu nu mɑn kuɑ nɡe mɛ nu kĩ.

Sinɑmbu I 21:20

Yerɑ Eli u dɑ Akɑbun mi. Ye u turɑ mi, yerɑ Akɑbu u nùn sɔ̃ɔwɑ u nɛɛ, nɛn yibɛrɛ, ɑ den mɑn wɑ? Eli u nùn wisɑ u nɛɛ, nɑ nun wɑ. Wee, Yinni Gusunɔ u koo nun kɔ̃sɑ suremɑ kpɑ u wunɛn tɔmbu kpuro ɡo kɑ wunɛn yobɔ yèn sɔ̃ ɑ tii yɔ̃su ɑ kɔ̃sɑ kuɑ win wuswɑɑɔ.

Sinɑmbu I 22:27

Kpɑ i bu sɔ̃ i nɛɛ, ɑmɛniwɑ nɛ sinɑ boko nɑ ɡeruɑ. Nɑ nɛɛ, bu durɔ wi mɔɔ bu doke pirisɔmwɔ kpɑ bɑ n nùn dĩɑnu kɑ nim wɛ̃ɛmɔ sɑkɑ sɔɔ sere n kɑ wurɑmɑ tɑbu ɡberun di kɑ ɑlɑfiɑ.

Sinɑmbu I 22:8

Isirelibɑn sinɑ boko u nɛɛ, Gusunɔn sɔmɔ turowɑ u wɑ̃ɑ mini, wìn min di sɑ ko kpĩ su Yinni Gusunɔn ɡere nɔ. Adɑmɑ nɑ nùn tusɑ. Domi u ku rɑ mɑn ɡɑ̃ɑ ɡeenu sɔ̃. Sɔmɔ win yĩsirɑ Misee Yimilɑn bii. Mɑ Yosɑfɑti u nùn sɔ̃ɔwɑ u nɛɛ, sinɑ boko, ɑ ku ɡere mɛ.

Yoobu 19:19

Be nɑ rɑ kɑ ɡerunɛn tii bɑ mɑn tusɑ. Be nɑ mɑɑ kĩ bɑ mɑn seesi.

Womusu 31:13

Tɔmbɑ mɑn duɑri nɡe wi u ɡu. Nɑ sɑ̃ɑwɑ nɡe ɡɑ̃ɑ ni bɑ kɔ̃.

Womusu 31:14

Nɑ nɔɔmɔ kɔ̃sɑ ye tɔmbɑ ɡerumɔ nɛn sɔ̃. Mɑ be bɑ mɑn sikerenɛ kpuron bɛrum mɑn mɔ̀. Domi bɑ wesiɑnɑmɔ bu kɑ mɑn ɡo.

Womusu 41:10

Nɛn bɔrɔ kĩnɑsi, kɑ wì sɑ wɑ̃ɑ sɑnnu bɔri yɛndu sɔɔ, nɑ mɑɑ nùn nɑɑnɛ sɑ̃ɑ, mɑ sɑ dimɔ sɑnnu, wiyɑ u kuɑ nɛn yibɛrɛ.

Womusu 41:9

Domi bɑ mɔ̀, wɑhɑlɑ ye, yɑ mɑn nɛni ɡem kɑ tiɑ. Nɛ wee nɑ kpĩ, n ǹ koorɔ n mɑɑ se.

Womusu 57:4

Sɑɑ wɔllun diyɑ kɑɑ mɑn somimɑ. Kɑɑ nɛn yibɛrɛbɑ burisinɑ. A mɑn wunɛn bɔrɔkiniru kɑ wunɛn tɔn ɡeeru sɔ̃ɔsimɑ.

Mɔnnu 10:18

Wi u tusiru beruɑ ɡɔ̃ruɔ u sɑ̃ɑwɑ murɑfiti. Mɛyɑ wi u mɑɑ seedɑ weesuɡiɑ dimɔ u sɑ̃ɑwɑ ɡɑri bɔkɔ.

Esɑi 29:21

Kon mɑɑ be bɑ rɑ tɔmbu tɑɑrɛ wɛ̃ siri yerɔ kpeerɑsiɑ, kɑ be bɑ rɑ tɔmbu yinɑ bɛrie be bɑ kɑ tii yinɑmɔ, kɑ be bɑ rɑ ɡemɡii win ɡem bire siri yerɔ.

Yeremi 11:19

Nɑ rɑɑ bu nɑɑnɛ sɑ̃ɑwɑ nɡe yɑ̃ɑ te bɑ kɑ dɔɔ bu ɡo. Nɑ ǹ yɛ̃ kɔ̃sɑ bɑ mɑn bwisikusimɔ, bɑ mɔ̀, bu de bu dɑ̃ɑ te surɑ kɑ ten mɑrum. Bu tu wunɑ wɑsobun suunu sɔɔn di kpɑ bu ku mɑɑ ten yĩsiru nɔ.

Yeremi 11:21

Mɑ Yinni Gusunɔ u nɛɛ, wee ye u koo Anɑtɔtuɡibu kuɑ, be, be bɑ kɑsu bu nɛn wɑ̃ɑru wunɑ bɑ mɔ̀, n ku Gusunɔn ɡɑri ɡere kɑ win yĩsiru. Nɑ̀ n mɑɑ yinɑ, bɑ koo mɑn ɡo.

Yeremi 18:18

Yerɑ tɔn be, bɑ nɛɛ, su Yeremi nɔɔ tiɑ kuɑ su nùn mwɑ. Domi woodɑ kun ɡbimɔ bɑɑ yɑ̃ku kowobu bɑ̀ kun wɑ̃ɑ. Bwisi kun kpeemɔ bɑɑ bwisiɡibu bɑ̀ kun wɑ̃ɑ. Gusunɔn ɡɑri kun ɡbimɔ yèn sɔ̃ win sɔmɔbɑ sɑri. Ǹ n mɛn nɑ, i nɑ su nùn wɔri su yɑɑ kɑsiki, kpɑ su ku mɑɑ win ɡɑri nɔ su sere yi lɑɑkɑri ko.

Yeremi 20:3

Adɑmɑ yen sisiru bururu, Pɑsuri u Yeremi dɑ̃ɑ ye wunɑ. Mɑ Yeremi u nùn sɔ̃ɔwɑ u nɛɛ, Yinni Gusunɔ kun mɑɑ nun sokumɔ Pɑsuri. Yĩsi ten tubusiɑnɑ bɔri yɛndɑ kɑ nun sikerenɛ. Adɑmɑ tɛ̃, u nun sokumɔ Mɑɡɔɔ Misɑbibu. Yen tubusiɑnɑ nɑndɑbu kɑ nun sikerenɛ.

Yeremi 37:13

Sɑnɑm mɛ u yɑriɔ u kɔnnɔ turɑ ɡe bɑ mɔ̀ Bɛnyɑmɛɛ, mɑ u deemɑ ben kɔ̃sobun tɔnwero wi bɑ mɔ̀ Yirɛyɑ Selemiɑn bii, Hɑnɑniɑn debubu u yɔ̃ mi. Mɑ u nùn yɔ̃rɑsiɑ u nɛɛ, ɑ tii Bɑbiloniɡibu wɛ̃.

Yeremi 6:25

Goo u ku rɑɑ yɑri u dɑ swɛɛɔ. Goo ku rɑɑ mɑɑ yɑri u dɑ yɑkɑsɔ. Domi yibɛrɛbɑ bɑ wɑ̃ɑ mi, bɑ ben tɑkobibɑ nɛni. Tɔmbɑ bɛrum soore bɑɑmɑ.

Esekiɛli 22:9

Gɑbɑ wɑ̃ɑ bɑ ben winsim kɔ̃sɑ ɡerumɔ bu kɑ nùn ɡo. Mɛyɑ mɑɑ tɔmbu bɑ rɑ bũnun dĩɑnu di ɡunɡunun wɔllɔ kpɑ bɑ n sekuru sɑri kookoosu mɔ̀.

Dɑniɛli 6:4

U beri berikɑn wiruɡii be, kɑ ben tɔnwerobu bwisi kere. Yen sɔ̃nɑ sinɑ boko u bwisikɑ u nùn ko tem mɛ kpuron wiruɡii.

Luku 20:20

Bɑ Yesun lɑɑkɑri mɔ kpuro sɔɔ. Mɑ bɑ tɔn sɑmbɑ kowobu ɡɔrɑ win mi, be bɑ sɑ̃ɑre ɡeeɡibu bu kɑ nùn mwɑ win ɡɑri ɡɛɛ sɔɔ, kpɑ bu nùn tem yɛ̃ro nɔmu beriɑ.

Gɔrobun Kookoosu 24:13

Gɑri yi bɑ mɑn mɑnimɔ tɛ̃, bɑ ǹ mɑɑ yin seedɑ ɡɑɑ mɔ.

Gɔrobun Kookoosu 5:33

Ye bɑ ɡɑri yi nuɑ, bɑ mɔru bɑrɑ too too sere bɑ kĩ bu ɡɔro be ɡo.

Gɔrobun Kookoosu 7:54

Ye bɑ Etiɛnin ɡɑri yi nuɑ, bɑ mɔru bɛsirɑ sere bɑ ben nikibii dwɛ̃ɛmɔ.