Yeremi 2:5 - Bibeli Gusunɔn Gari

⁵ Yinni Gusunɔ u nɛɛ, torɑ terɑ̀ bɛɛn sikɑdobɑ bɑ nùn wɑɑsi bɑ kɑ nùn deri, bɑ dɑ bɑ kɑm swĩi, mɑ ben tii bɑ kɑm kuɑ.

Yeremi 2:5 ပူးပေါင်းရင်းမြစ်များ

Sinɑmbu II 17:15

Bɑ win woodɑbɑ deri kɑ ɑrukɑwɑni ye u kɑ ben bɑɑbɑbɑ bɔkuɑ kɑ sere mɑɑ kirɔ ye u bu kuɑ. Mɑ bɑ kɑm dirum swĩi, mɑ ben tii bɑ kɑm kuɑ. Bɑ bwese tukunu ni nu kɑ bu sikerenɛn dɑɑ sɑɑrɑ ye Gusunɔ ben Yinni u bu yinɑri.

Womusu 115:8

Be bɑ bwɑ̃ɑroku ni mɔ̀ kɑ be bɑ ben nɑɑnɛ doke ni sɔɔ, bɑ sɑ̃ɑwɑ nɡe ni.

Esɑi 29:13

Yinni Gusunɔ u nɛɛ, bwese teni tɑ̀ n nùn sɑ̃ɑmɔ, nɔɔwɑ tɑ rɑ kɑ nùn bɛɛrɛ wɛ̃. Ben ɡɔ̃ru ɡɑ kɑ nùn tomɑ. Tɔmbun woodɑ kɑ ben sɔ̃ɔsinɑ bɑ swĩi, bɑ kɑ nùn sɑ̃ɑmɔ.

Esɑi 44:9

Be bɑ bwɑ̃ɑrokunu sekumɔ, bɑ ǹ sɑ̃ɑ ɡɑ̃ɑnu. Ben sɔm ɡeenu nu mɑɑ sɑ̃ɑwɑ kɑm dirum, domi nin tii nu yen seedɑ dimɔ. Nu ǹ yɑm wɑɑmɔ, nu ǹ mɑɑ yɛ̃ru ɡɑru mɔ. Yen sɔ̃nɑ be bɑ nu sɑ̃ɑmɔ bɑ koo sekuru wɑ.

Esɑi 46:12

Tɛ̃ i mɑn swɑɑ dɑkio, bɛɛ bèn ɡɔ̃ru ɡɑ bɔɔbu, mɑ i tɑmɑɑ nɛn fɑɑbɑ yɑ tomɑ.

Yeremi 10:8

Be kpuro bɑ ǹ bwisi mɔ. Ben yɛ̃ru tɑ sɑ̃ɑwɑ kɑm. Domi dɑ̃rɑ bɑ rɑ dɑ̃ku bɑ n sɑ̃ɑmɔ.

Yeremi 12:2

Wunɑ ɑ bu duurɑ nɡe dɑ̃ru, mɑ bɑ nuuru kuɑ, bɑ kpɛ̃ɑ bɑ binu mɑrumɔ. Mɛyɑ wunɛn ɡɑri rɑ n wɑ̃ɑ ben nɔɔwɔ. Adɑmɑ yi ǹ wɑ̃ɑ ben ɡɔ̃ruɔ.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yeremi 2:31

Bɛɛ Isirelibɑ, bɛɛ be i tie, i nɛ, Yinni Gusunɔn ɡɑri swɑɑ dɑkio i nɔ. Nɑ bɛɛ sɑ̃ɑwɛwɑ nɡe tem mi ɡɑ̃ɑnu ku rɑ kpi? Nɑ bɛɛ sɑ̃ɑwɛwɑ nɡe yɑm wɔ̃ku nɑnumɡiru? Mbɑn sɔ̃nɑ bɛɛ nɛn tɔmbu i ɡerumɔ i mɔ̀, i tii mɔ, i ǹ ɡɔsirɑmɑmɔ nɛn mi.

Yeremi 2:4

Tɛ̃, bɛɛ Isirelibɑ, bɛɛ be i sɑ̃ɑ Yɑkɔbun bweseru, i swɑɑ dɑkio i nɔ.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Esekiɛli 11:15

tɔnun bii, wee, be bɑ wɑ̃ɑ Yerusɑlɛmuɔ bɑ Isirelibɑ, wunɛn mɛro bisibu, kɑ be bɑ tie bwisi kɛ̃mɔ bɑ mɔ̀, bu yɔ̃ro mi bɑ yoru dimɔ mi, bɑ n kɑ Yinni Gusunɔ tonde, domi be, be bɑ wɑ̃ɑ Yerusɑlɛmuɔ mi, beyɑ bɑ tem mɛ wɛ̃.

Esekiɛli 14:5

Nɛn wisi biyɑ bu koo de Isirelibɑ bu bwisiku ben ɡɔ̃ruɔ be, be bɑ mɑn yinɑ ben bũu sɑ̃ɑrun sɔ̃.

Yonɑsi 2:8

Sɑnɑm mɛ nɑ kom yɑɑ biɑ nɑ wunɛ Yinni Gusunɔ yɑɑyɑ, mɑ ɑ nɛn kɑnɑru nuɑ wunɛn sɑ̃ɑ yee dɛɛrɑrun mi.

Mɑteu 15:8

“Tɔn beni bɑ mɑn bɛɛrɛ wɛ̃ɛmɔ kɑ nɔɔ. Adɑmɑ ben ɡɔ̃ru ɡɑ kɑ mɑn tomɑ.

Gɔrobun Kookoosu 14:15

durɔ bɛɛ, mbɑn sɔ̃nɑ i yeni mɔ̀. Bɛsɛn tii tɔmbɑ nɡe bɛɛ. Sɑ bɛɛ Lɑbɑɑri ɡeɑ tubusiɑmɔwɑ, kpɑ i kɑ ɡɔ̃ru ɡɔsiɑ sɑ̃ɑ kɑmɡirun di i wurɑ Gusunɔ Yinni wɑson mi, wi u wɔllu kɑ tem kɑ nim wɔ̃ku tɑkɑ kuɑ, kɑ yɑbu kpuro ye yɑ wɑ̃ɑ ye sɔɔ.

Romu 1:21

Bɑ Gusunɔ yɛ̃ ɑdɑmɑ bɑ ǹ nùn win sinɑndun bɛɛrɛ wɛ̃ bu sere nùn siɑrɑ. Mɑ ben wirɑ ɡu mɑ yɑm wɔ̃kurɑ yibɑ ben ɡɔ̃ru bwisi sɑriruɡisu sɔɔ.

Sɔ̃ɔsiru 32:21

Bɑ win mɔru kɑ win nisinu seeyɑ ben bũu ni bɑ sokumɔ Gusunɔn sɔ̃, ni nu ǹ sɑ̃ɑ ɡɑ̃ɑnu. Yen sɔ̃nɑ u nɛɛ, wi, u koo mɑɑ bwese wiirɑruɡiru sokusiɑ u kɑ ben mɔru seeyɑ, kpɑ u ben nisinu seeyɑ kɑ bwese te, te bɑ ǹ ɡɑrisi ɡɑ̃ɑnu.

Sɑmuɛli I 12:21

I ku ɡɛrɑ i bũnu swĩi. Nu ǹ ɑrufɑɑni ɡɑɑ mɔ, nu ǹ mɑɑ kpɛ̃ nu bɛɛ fɑɑbɑ ko, domi kɑmɑ nu sɑ̃ɑ.