Yeremi 2:37 - Bibeli Gusunɔn Gari

³⁷ Kpɑ i yɑri min di i n tuke. Domi nɛ, Yinni Gusunɔ nɑ be i nɑɑnɛ sɑ̃ɑ mi yinɑ. I ǹ mɑɑ somiru ɡɑru wɑsi ben min di.

Yeremi 2:37 ပူးပေါင်းရင်းမြစ်များ

Sɑmuɛli II 11:12

Mɑ Dɑfidi u nùn sɔ̃ɔwɑ u nɛɛ, ǹ n mɛn nɑ, ɑ kpɑm kpunɔ mini ɡisɔ kpɑ ɑ doonɑ siɑ. Mɑ Uri u sinɑ Yerusɑlɛmuɔ dɔmɑ te.

Sɑmuɛli II 13:19

Ye Tɑmɑɑ u yɑrɑ, yerɑ u tii torom wisi wirɔ mɑ u win yɑbe nɔniɡii te ɡĩɑ u kɑ win nuku sɑnkirɑnu sɔ̃ɔsi. U wiru nɔmɑ sɔndi u sumɔ kɑ dɑm.

Bɑndun Gɑri II 13:12

Mɛyɑ Gusunɔ kɑ win yɑ̃ku kowobu bɑ wɑ̃ɑ kɑ bɛsɛ. Bɑ sun swɑɑ ɡbiiye. Mɛyɑ sɑ kɔbi mɔ yìn swĩi yi dɑm mɔ. Sɑ ko bɛɛ yi swee. Bɛɛ Isirelibɑ, i ku kɑ Gusunɔ bɛɛn bɑɑbɑbɑn Yinni tɑbu ko. Domi i ǹ kɑmiɑmɔ.

Esɑi 10:4

Bɑ koo ɡɑbu yoru mwɛɛri kpɑ bu ɡɑbu ɡo. Adɑmɑ kɑ mɛ, Yinni Gusunɔn mɔru kun suremɔ. U koo mɑɑ bu nɔmu doke u sɛɛyɑsiɑ.

Esɑi 28:18

Bɛɛn ɑrukɑwɑni ye i rɑɑ kɑ ɡɔɔ bɔkuɑ yɑ koo kɑm ko. Kpɑ ye i rɑɑ kɑ ɡɔribun wɑ̃ɑ yeru bɔkuɑ yɑ kun mɑɑ wɑ̃ɑ. Yibɛrɛbɑ bɑ̀ n bɛɛ wɔri bɑ ɑsɔrɔ kuɑ bɑ koo bɛɛ tɑɑkuwɑ.

Yeremi 14:3

Dɑmɡibu bɑ bwɛ̃ɛbwɛ̃ɛbu ɡɔrimɔ bu nim kɑsumɑ. Adɑmɑ bɑ̀ n dɔkɔ dɑ bɑ ku rɑ nim wɑ. Bɑ rɑ ɡɔsirɑmɛwɑ kɑ koto ɡbebusu, kpɑ seku bɑkɑru tɑ n bu mɔ̀, bɑ n wuswɑɑ ɡɑ̃ɑnu wukiri.

Yeremi 14:4

Tem mu bɛsikirɑ yèn sɔ̃ ɡurɑ kun nɛmɔ. Mɑ sekurɑ ɡbee wukobu mɔ̀ bɑ wuswɑɑ ɡɑ̃ɑnu wukiri.

Yeremi 17:5

Nɛ, Yinni Gusunɔwɑ nɑ nɛɛ, bɔ̃riɡiiwɑ wi u win ɡɔ̃ru sĩiyɑ nɛn min di, mɑ u tɔnu nɑɑnɛ sɑ̃ɑ, u tɑ̃sɑ wi sɔɔ.

Yeremi 2:36

Mbɑn sɔ̃nɑ i sirenɛ i kɑ swɑɑ kɔsi. Eɡibitiɡibɑ koo bɛɛ sekuru doke nɡe mɛ Asiriɡibɑ bɛɛ kuɑ.

Yeremi 22:20

Yeremi u nɛɛ, wee ye Yinni Gusunɔ u ɡeruɑ. U nɛɛ, bɛɛ Yerusɑlɛmuɡibu, i doo i yɔ ɡuu te bɑ mɔ̀ Libɑniɔ, kɑ Bɑsɑnin ɡuurɔ, kɑ Abɑrimun ɡunɡunu wɔllɔ, kpɑ i kuuki ko i nɔɔɡiru suɑ. Domi be i kɑ ɑrukɑwɑni bɔkuɑ bɑ munkirɑ.

Yeremi 22:30

U nɛɛ, i durɔ wi ɡɑrisio wi u ǹ koorɑmɔ win wɑ̃ɑru sɔɔ. U ko n sɑ̃ɑwɑ nɡe wi u bibu biɑ, domi win bweseru sɔɔ, ɡoo kun mɑɑ sinɑmɔ sinɑ ɡɔnɑ sɔɔ u Yudɑbɑ kpɑrɑ.

Yeremi 32:5

Bɑbilonin sinɑ boko wi, u koo kɑ nùn dɑ Bɑbiloniɔ. Miyɑ u ko n wɑ̃ɑ sere Gusunɔ u kɑ win ɡɑri ko. Yen sɔ̃, bɑɑ ì n kɑ Bɑbiloniɡibu tɑbu mɔ̀ tɛ̃, i ǹ bu kɑmiɑmɔ.

Swĩi 4:17

Sɑ swɑɑ mɛɛrɑ sɑ wɑsirɑ su kɑ wɑ mìn di somirɑ koo sun nɑɑwɑ. Sɑ rɑɑ bweseru ɡɑru mɛɛrɑ te sɑ yĩiyɔ tɑ koo sun fɑɑbɑ ko. Wee, tɑ ǹ sun fɑɑbɑ kue.

Gbɑburu 14:41

Yerɑ Mɔwisi u nɛɛ, mbɑn sɔ̃nɑ i Yinni Gusunɔn woodɑ sɑrɑ kpɑm. Ye i mɔ̀ mi, yɑǹ kɑ bɛɛ ɡɑm dɔɔ.