Yeremi 2:34 - Bibeli Gusunɔn Gari

³⁴ Wee tɔn be bɑ ǹ toren yɛm mu yibɑ bɛɛn yɑbenɔ be, be i ǹ kɑ ɡɑ̃ɑ kɔ̃sunu ɡɑnu mwɛ.

Yeremi 2:34 ပူးပေါင်းရင်းမြစ်များ

Sinɑmbu II 21:16

Mi sɔɔrɑ Mɑnɑse u torɑ teni sosi, u tɑɑrɛ sɑriruɡibun yɛm yɑri sere mu kokɑ Yerusɑlɛmun swɛɛ kpuro sɔɔ, torɑ ni u Yudɑbɑ koosiɑ Yinni Gusunɔn wuswɑɑɔ bɑɑsi, ye u kɑ derɑ bɑ bũnu sɑ̃wɑ.

Sinɑmbu II 24:4

Domi Mɑnɑse wi, u tɑɑrɛ sɑriruɡibun yɛm yɑri mu kokɑ Yerusɑlɛmun swɛɛ sɔɔ. Yeni kpuron sɔ̃nɑ Yinni Gusunɔ u ǹ bu suuru kue.

Yɑribu 22:1

Ye u ɡbɛnɑ mi, bɑ̀ n ye wɑ win nɔmɑ sɔɔ, ǹ n kɛtɛn nɑ, ǹ kun mɛ kɛtɛku, ǹ kun mɛ yɑ̃ɑru, mɑ yɑ ɡesi wɑsi, yen yiruwɑ u koo wɛ̃. Ù kun mɑɑ ɡɑ̃ɑnu mɔ, bɑ koo win tii dɔrɑwɑ. Goo ù n ɡbɛnɑ dɑ wɔ̃kuru, bɑ̀ n nùn mwɑ wɔ̃ku te, bɑ so bɑ ɡo, bɑ ǹ ɡoo win yɛm bikiɑmɔ. Adɑmɑ yɑm mù n sɑ̃rɑ bɑ sere nùn ɡo, be bɑ nùn ɡo mi, bɑ koo bu win yɛm bikiɑ.

Esɑi 57:5

Mɑ i bũu sɑ̃ɑrun ɡɑri wɔrɑ dɑ̃ɑ koo bɑkɑru bɑɑteren nuurɔ. Mɑ i kɑ bɛɛn bibu yɑ̃kunu mɔ̀ dɑɑnun ɡoonɔ kpee bɑɑbɑ sɔɔ.

Esɑi 59:3

Bɛɛn nɔmɑ yɑ yɛm yibɑ, domi i tɔmbu ɡo. Weesu kɑ ɡɑri kɔ̃siyɑ yi yɑrimɔ bɛɛn nɔsun di.

Esɑi 59:7

I rɑ n sɛndewɑ i kɑ kɔ̃sɑ ko, kpɑ i n nɑɑsu sɑ̃u i kɑ tɔnun yɛm yɑri kɑm. I rɑ n bwisikumɔwɑ i kɑ tɔmbu kɔ̃sɑ kuɑ, kpɑ i n tɔmbu dɑm dɔremɔ i n ben yɑ̃nu ɡurɑmɔ mi i duɑ kpuro.

Yeremi 19:4

Domi bɑ mɑn deri, mɑ bɑ yɑm mi disi doke. Bɑ bũnu turɑre dɔ̃ɔ dokeɑ mi, ni be kɑ ben sikɑdobɑ kɑ ben sinɑmbu bɑ ǹ yɛ̃. Mɑ bɑ tɔn dɑbinu ɡo mi, be bɑ ǹ ɡɑ̃ɑnu kue.

Yeremi 2:33

I durɔ dɑmɑ bwisi mɔ sere kurɔ tɑnɔbu bɑ yi ɡiɑmɔ bɛɛn min di.

Yeremi 6:15

N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

Yeremi 7:31

Mɑ bɑ bũu turɑnu bɑnɑ Tofɛtiɔ, Bɛni Hinɔmun wɔwɑɔ bu kɑ ben bibu yɑ̃ku dɔ̃ɔ mwɑɑrɑruɡinu ko mi, yɑ̃ku nìn bweseru nɑ ǹ mɑm ɡɔ̃ru doke n bu sɔ̃ bu ko.

Yeremi 7:6

mɑ bɑ kun sɔbu kɑ ɡɔminibu kɑ ɡobekubɑ dɑm dɔremɔ, mɑ bɑ kun mɑɑ tɔnu wi u kun ɡɑ̃ɑnu kuen yɛm yɑrimɔ, mɑ bɑ kun bũnu sɑ̃ɑmɔ ni nu koo de bu kɑm ko,

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Swĩi 1:9

Wee, yen durum yĩreru tɑ wɑ̃ɑ yen yɑberɔ. Adɑmɑ yɑ ǹ dɑɑ yen kpeeru bwisikɑ. Yɑ wɔrumɑ subɑru sɔɔ ɡoo kun ye nukuru yɛmiɑsie. Mɑ yɑ nɔɔɡiru suɑ yɑ nɛɛ, Yinni Gusunɔ, ɑ nɛn nɔni swɑ̃ɑru mɛɛrio. A mɛɛrio nɡe mɛ yibɛrɛ u tii sue.

Swĩi 4:14

Bɑ rɑ n sirenɛwɑ swɛɛ sɔɔ bɑ n bɑbi nɡe wɔ̃kobu bɑ n disi sɔɔwɑ tɔmbun yɛm sɔ̃. Goo kun kɑ̃kɔ u mɑm ben yɑ̃nu bɑbɑ.

Esekiɛli 20:31

Wee tɛ̃, bɑ tii disi mɔ̀ bɑ bũnu ɡɑsirimɔ bɑ kɑ nu kɛ̃nu dɑɑwɑmmɛ mɑ bɑ kɑ nu ben bibu yɑ̃kunu kuɑmmɛ. Yerɑ bɑ tɑmɑɑ bɑ koo bikiɑru ko nɛn mi? Aɑwo, sere kɑ nɛn wɑ̃ɑru nɑ ǹ wurɑmɔ bu bikiɑru ko nɛn mi. Nɛ, Yinni Gusunɔwɑ nɑ yeni ɡeruɑ.

Esekiɛli 22:25

Ben sɔmɔbu bɑ sɑ̃ɑwɑ nɡe ɡbee sinɑn si su kukirimɔ sɑnɑm mɛ su yɑɑ wɑ su sɛ̃re. Domi bɑ tɔmbu ɡoomɔ. Mɑ bɑ ɡɑbun ɡobi kɑ dukiɑ wɔrɑmɔ. Mɑ bɑ derimɔ kurɔ ɡɔminibu bɑ dɑbiɑmɔ.

Esekiɛli 23:45

Adɑmɑ ɡemɡibu bɑ koo kurɔ be siri bu bu tɑɑrɛ wɛ̃ ben sɑkɑrɑrun sɔ̃ kɑ tɔn be bɑ ɡon sɔ̃. Domi ben nɔmɑ yɑ yɛm yibɑ.

Esekiɛli 24:7

Yɛm mɛ Yerusɑlɛmu yɑ yɑri mi, mu wɑ̃ɑwɑ yen suunu sɔɔ. Yɑ mu yɑriwɑ kperu wɔllɔ, n ǹ mɔ tem dirɑ sɔɔ tuɑ yu sere mu wukiri.

Esekiɛli 9:9

Yinni Gusunɔ u nɛɛ, be Isirelibɑ kɑ Yudɑbɑn torɑnɑ nu kpɛ̃ɑ. Wee ben tem mɛ sɔɔ, tɔn ɡoberɑ tɑ wɑ̃ɑ, ɡem sɑri. Domi bɑ mɔ̀, nɛ, Yinni Gusunɔ nɑ ben tem deri. Nɑ ǹ mɑɑ wɑɑmɔ ye bɑ mɔ̀.