Yeremi 2:21 - Bibeli Gusunɔn Gari

²¹ Yellu, nɑ bɛɛn bweseru duurɑwɑ nɡe resɛm dɑ̃ɑ ɡeeru te tɑ kpuro kere, ɑdɑmɑ tɛ̃, i kɔsɑ i kuɑ nɡe resɛm dɑ̃ɑ te tɑ yinɑ.

Yeremi 2:21 ပူးပေါင်းရင်းမြစ်များ

Torubu 18:19

Domi wiyɑ nɑ ɡɔsɑ u kɑ win bibu kɑ ben bweseru woodɑ wɛ̃ bu nɛn swɑɑ swĩi kpɑ bɑ n sĩimɔ dee dee bɑ n nɛn kĩru mɔ̀, kpɑ n nɛn nɔɔ mwɛɛnu yibiɑ ni nɑ nùn kuɑ.

Torubu 32:28

Yerɑ durɔ wi, u bikiɑ u nɛɛ, ɑmɔnɑ wunɛn yĩsiru. U wisɑ u nɛɛ, Yɑkɔbu.

Womusu 44:2

Gusunɔ, sɑ nuɑ kɑ bɛsɛn tiin swɑɑ wunɛn sɔmɑ ye ɑ kuɑ bɛsɛn bɑɑbɑbɑn wɑɑti. Berɑ bɑ sun ye sɔ̃ɔwɑ.

Womusu 80:8

Gusunɔ wɔllu kɑ tem Yinni, ɑ sun wɔro. A kɑ sun nɔnu ɡeu mɛɛrio kpɑ su fɑɑbɑ wɑ.

Womusu 80:9

Wee ɑ resɛm dɑ̃ɑ wukɑmɑ Eɡibitin di, mɑ ɑ tɔmbu seeyɑ ben wɑ̃ɑ yenun di, mɑ ɑ resɛm ye ɡirɑ mi.

Yɑribu 15:17

Kɑɑ kɑ bu dɑ kpɑ ɑ bu tɑ̃sisiɑ wunɛn tiin ɡuuru wɔllɔ, mi ɑ wunɛn wɑ̃ɑ yeru sɔɔru kuɑ. Terɑ tɑ sɑ̃ɑ wunɛn sɑ̃ɑ yeru te ɑ tii kuɑ.

Esɑi 1:21

Gusunɔ u nɛɛ, Yerusɑlɛmu, wunɛ wi nɑ rɑɑ nɑɑnɛ sɑ̃ɑ, wee ɑ kuɑ nɡe kurɔ sɑkɑrɑ kowo, wi u win durɔ deri. Domi yellu ɡemɡibɑ rɑɑ yibɑ wunɛ sɔɔ. Adɑmɑ ɡisɔ, tɔn ɡowobu tɔnɑwɑ bɑ nun wɑ̃ɑsi.

Esɑi 27:2

Yen tɔ̃ɔ te, Yinni Gusunɔ u koo womu ko win resɛm ɡbɑɑrun sɔ̃, te tɑ bii ɡeenu mɑrumɔ, u nɛɛ,

Esɑi 41:8

Adɑmɑ bɛɛ Isirelibɑ, bɛɛ be i sɑ̃ɑ Yɑkɔbun bibu, nɛn bɔrɔ Aburɑhɑmun bweseru sɔɔ, bɛɛyɑ nɑ ɡɔsɑ i n kɑ sɑ̃ɑ nɛn sɔm kowobu.

Esɑi 5:4

Mbɑ u tu bureɑ u ǹ kue. Mbɑn sɔ̃nɑ tɑ bii kɔ̃sunu mɑrɑ sɑnɑm mɛ u yĩiyɔ tu bii ɡeenu mɑ.

Esɑi 60:21

Wunɛn tɔmbu kpuro bɑ ko n sɑ̃ɑwɑ ɡemɡibu, kpɑ bɑ n tem mɛ mɔ sere kɑ bɑɑdommɑɔ. Nɑ bu ɡirɑwɑ nɡe dɑ̃ɑ kɑ̃ɑsɑ. Bɑ sɑ̃ɑwɑ be nɑ tɑkɑ kuɑ bu kɑ nɛn kpɑ̃ɑru sɔ̃ɔsi.

Esɑi 61:3

Bɑ ɡɔɔ sɔ̃ Siɔnin sɔ̃. Adɑmɑ Gusunɔ u mɑn ɡɔsɑ n kɑ ben nuku sɑnkirɑnu ɡɔsiɑ nuku dobu. Bɑ ǹ mɑɑ torom wisimɔ wirɔ, dɑwɑni burɑ bɑ koo bɔke. Ben wuswɑɑ kun mɑɑ burisinɑmɔ, yɑ ko n sɑ̃ɑwɑ nɡe be bɑ ɡum nubu duroruɡim sɑwɑɡiɑ. Bɑ koo ben yɑ̃ɑ wɔnwɔnduɡinu potɑ bu tɔ̃ɔ bɑkɑ yɑ̃nu sebe. Sɑɑ ye sɔɔrɑ bɑ ko n sɑ̃ɑ nɡe dɑ̃ɑ ni nu Gusunɔn bɛɛrɛ sɔ̃ɔsimɔ, ǹ kun mɛ nɡe ɡbee te tɑ win yiiko sɔ̃ɔsimɔ.

Yeremi 11:16

Yellu i sɑ̃ɑ nɡe nɛn dɑ̃ɑ ɡeeru, te tɑ kpɑre tɑ mɑɑ bii ɡeenu mɑrumɔ. Adɑmɑ tɛ̃ kon dɑ̃ɑ te kɑ ten kɑ̃ɑsi kpuro dɔ̃ɔ mɛni subɑru sɔɔ.

Yeremi 11:17

Nɛ, Gusunɔ wɔllu kɑ tem Yinniwɑ nɑ rɑɑ bɛɛ ɡirɑ nɡe dɑ̃ɑ. Nɛnɑ kon de kɔ̃sɑ yu bɛɛ deemɑ bɛɛ Isirelibɑ kɑ bɛɛ Yudɑbɑ, kɔ̃sɑ ye i kuɑ i kɑ nɛn mɔru seeyɑn sɔ̃. Domi i bũu wi bɑ mɔ̀ Bɑɑli yɑ̃kunu koosimɔ.

Yeremi 5:10

Nɛ, Yinni Gusunɔ, kon bu yibɛrɛbɑ suremɑ, be, be bɑ sɑ̃ɑ nɡe nɛn resɛm ɡbɑɑru. Bɑ koo ten kɑrɑ surɑ kpɑ bu ten dɑ̃ɑ kɑ̃ɑsi bɔɔri yi yi ǹ sɑ̃ɑ nɛɡii. Adɑmɑ bɑ ǹ ɡbɑɑ te kɑm koosiɑmɔ kpuro.

Swĩi 4:1

Yinni Gusunɔn sɑ̃ɑ yerun wurɑ ɡeɑ ye, yɑ tĩrɑ. Ten kpenu nu yɑri swɛɛ kpuro sɔɔ.

Esekiɛli 15:2

tɔnun bii, resɛm dɑ̃ɑ yɑ dɑ̃ɑ ye yɑ tie bɛɛrɛ kere? Yen dɑ̃ɑ kɑ̃ɑsɑ yɑ dɑ̃ɑ kɑ̃ɑsi yi yi tie kere?

Mɑteu 21:33

Yesu mɑɑ nɛɛ, i kpɑm mɔndu ɡɑru swɑɑ dɑkio. Yɛnu yɛ̃ro ɡoo u dɑ̃ɑ ɡbɑɑru kuɑ mɑ u tu kɑrɑ kuɑ, mɑ u dɑ̃ɑ bii ɡɑmɑ yeru kuɑ mɑ u ɡbɑɑ kɔ̃sobun diru bɑnɑ. Yen biru u ɡbɑɑ wukobu kɑsu u bu ye nɔmu bɛriɑ mɑ u sɑnum dɑ.

Mɑɑku 12:1

Yen biru, Yesu u kɑ bu mɔndu ɡɑri sɔ̃ɔwɑ. U nɛɛ, durɔ ɡoo u ɡbɑɑru kuɑ mi u dɑ̃ɑ bii duronu duurɑ ni bɑ rɑ soku resɛm, mɑ u kɑrɑ kuɑ u kɑ sikerenɑ. U mɑɑ wɔru ɡbɑ mi bɑ koo dɑ̃ɑ bii ni ɡɑmɑ mɑ u ɡbɑɑ kɔ̃su yeru kuɑ. Yerɑ u ɡbɑɑ wukobu kɑsu u bu ye nɔmu bɛriɑ mɑ u wiɡiru doonɑ.

Luku 20:9

Yen biru u tɔmbu mɔn teni kuɑ u nɛɛ, durɔ ɡoo u resɛm ɡbɑɑru kuɑ u dɑ̃nu duurɑ mɑ u kɔ̃sobu kɑsu u bu ye nɔmu bɛriɑ, mɑ u wuu dɑ n kɑ tɛ.

Yohɑnu 15:1

Yesu u bu sɔ̃ɔwɑ u nɛɛ, nɛnɑ resɛm dɑ̃ɑ mɛro, nɛn Bɑɑbɑwɑ ɡbɑɑ yɛ̃ro.

Sɔ̃ɔsiru 32:32

Ben yibɛrɛ be, bɑ sɑnkirewɑ nɡe Sodomu kɑ Gomɔrɑɡibu. Bɑ sɑ̃ɑwɑ nɡe tɑm mɛ mu sosu, mɑ mu dɛ̃ɛ mɔ.

Sɔ̃ɔsiru 4:37

U bɛɛn bɑɑbɑbɑ kĩɑ mɑ u bɛɛ ɡɔsɑ bɛɛ be i sɑ̃ɑ ben bibun bweseru. Yen sɔ̃nɑ u bɛɛ yɑrɑmɑ Eɡibitin di kɑ win dɑm bɑkɑm.

Yosue 24:31

Isirelibɑ bɑ Yinni Gusunɔ sɑ̃wɑwɑ Yosuen wɑɑti ye kpuro sɔɔ kɑ mɑɑ ɡuro ɡuro be u derin wɑɑti sɔɔ, be bɑ yɛ̃ ye Yinni Gusunɔ u be Isirelibɑ kuɑ ɡesi.