Yeremi 2:11 - Bibeli Gusunɔn Gari

¹¹ u kɑ wɑ bweseru ɡɑru tɑ̀ n ten bũnu kɔsire bɑɑ mɛ nu ǹ sɑ̃ɑ ɡem, nɡe mɛ bɛɛ, i Gusunɔ deri wi u sɑ̃ɑ bɛɛn bɛɛrɛ. Mɑ i wurɑ yè sɔɔ i ǹ ɑrufɑɑni ɡɑɑ wɑsi.

Yeremi 2:11 ပူးပေါင်းရင်းမြစ်များ

Sinɑmbu I 11:33

U yeni mɔ̀wɑ yèn sɔ̃ be Isirelibɑ bɑ wi Yinni Gusunɔ deri. Mɑ bɑ dɑ bɑ Sidoniɡibun bũu wi bɑ mɔ̀ Asitɑɑte sɑ̃ɑmɔ kɑ Mɔɑbubɑn bũu wi bɑ mɔ̀ Kemɔsi, kɑ Amɔnibɑ bũu wi bɑ mɔ̀ Milikɔmu. Bɑ yinɑ bu sĩ win swɑɑ sɔɔ bu sere ko ye u kĩ. Mɛyɑ bɑ mɑɑ yinɑ bu win woodɑbɑ kɑ win yiirebu mɛm nɔɔwɑ nɡe mɛ Dɑfidi wi, Sɑlomɔɔn tundo u kuɑ.

Sinɑmbu II 1:3

Sɑɑ ye sɔɔrɑ Yinni Gusunɔn ɡɔrɑdo u Eli Tisibiɡii sɔ̃ɔwɑ u nɛɛ, ɑ seewo ɑ kɑ Isirelibɑn sinɑ bokon sɔmɔ be yinnɑ kpɑ ɑ bu sɔ̃ ɑ nɛɛ, n ǹ Gusunɔ sɑriwɑ Isireliɔ, i kɑ bikiɑru dɔɔ bũu wi bɑ mɔ̀ Bɑɑli Sebubun mi Ekoroniɔ?

Bɑndun Gɑri II 13:9

Mɑ i Yinni Gusunɔn yɑ̃ku kowobu Aronin bibu kɑ sere Lefibɑ yinɑ. Mɑ i tii yɑ̃ku kowo kpɑobu kuɑ nɡe bwese tukunu. Wi u ɡesi seewɑ u kɑ nɑɑ kpɛmɑ kɑ yɑ̃ɑ kinɛnu nɔɔbɑ yiru nɑ, wiyɑ bɑ rɑ ko bwɑ̃ɑroku nin yɑ̃ku kowo, ni, ni nu ǹ sɑ̃ɑ Gusunɔ.

Womusu 106:20

Bɑ wunɛ Gusunɔ wi ɑ sɑ̃ɑ ben bɛɛrɛ kɔsinɑ kɑ kɛtɛ ye yɑ rɑ yɑkɑsu di.

Womusu 115:4

Adɑmɑ tɔn tukobɑ ben bũnun bwɑ̃ɑrokunu kuɑwɑ kɑ wurɑ kɑ sii ɡeesu. Nu sɑ̃ɑwɑ tɔmbun nɔmɑn sɔmɑ.

Womusu 3:3

Geemɑ dɑbirɑ tɑ ɡerumɔ, nɑ ǹ somiru wɑsi wunɛn min di.

Esɑi 37:19

bɑ nin bwɑ̃ɑrokunu dɔ̃ɔ mɛniki. Domi nu ǹ Gusunɔ. Nu sɑ̃ɑwɑ tɔmbun sɔmɑ ye bɑ kuɑ kɑ dɑ̃ɑ kɑ kpenu. Yen sɔ̃nɑ bɑ kpĩɑ bɑ nu kpeerɑsiɑ.

Yeremi 16:20

Tɔnu u koo kpĩ u tii kuɑ ye u koo sɑ̃. Adɑmɑ kɑ ɡem, nu ǹ sɑ̃ɑ Gusunɔ.

Yeremi 18:13

Yinni Gusunɔ u nɛɛ, Isirelibɑ bɑ ɡɑ̃ɑ kɔ̃sunu kuɑ n sɑrɑ. I bwesenu kpuro bikio, wɑrɑ u yenin bweseru nɔɔre.

Yeremi 2:5

Yinni Gusunɔ u nɛɛ, torɑ terɑ̀ bɛɛn sikɑdobɑ bɑ nùn wɑɑsi bɑ kɑ nùn deri, bɑ dɑ bɑ kɑm swĩi, mɑ ben tii bɑ kɑm kuɑ.

Yeremi 2:8

Ben yɑ̃ku kowobu bɑ ǹ bikie bu nɛɛ, mɑnɑ Yinni Gusunɔ u wɑ̃ɑ. Mɛyɑ mɑɑ woodɑ yɛ̃robu bɑ ǹ nùn ɡie. Ben wiruɡibu bɑ nùn seesi. Bũu wi bɑ mɔ̀ Bɑɑli, win ɡɑriyɑ Gusunɔn sɔmɔbu bɑ swĩi bɑ kɑ ɡɑri mɔ̀. Mɑ bɑ dɑ bɑ bũnu sɑ̃wɑ ni nu ǹ bu ɑrufɑɑni ɡɑɑ wɛ̃ɛmɔ.

Yeremi 5:7

Yinni Gusunɔ u nɛɛ, mbɑn sɔ̃nɑ kon nɛn tɔmbun durum wɔkɑ. Domi wee, bɑ mɑn deri mɑ bɑ bɔ̃rumɔ kɑ bũnun yĩsinu. Nɑ bu debiɑ, ɑdɑmɑ bũnɑ bɑ kɑ ɑrukɑwɑni bɔkuɑ bɑ nu ɡɑsirimɔ.

Esekiɛli 14:5

Nɛn wisi biyɑ bu koo de Isirelibɑ bu bwisiku ben ɡɔ̃ruɔ be, be bɑ mɑn yinɑ ben bũu sɑ̃ɑrun sɔ̃.

Esekiɛli 5:7

Yen sɔ̃nɑ nɛ, Yinni Gusunɔ nɑ nɛɛ, wee bɑ mɑn seesi n kere bwese tuku ni nu kɑ bu sikerenɛ, mɑ bɑ ǹ nɛn woodɑbɑ mɛm nɔɔwɛ. Bɑ ǹ mɑɑ nɛn ɡere swĩi ye nɑ bu sɔ̃ɔwɑ. Ben dɑɑ kɔ̃sɑ yɑ mɑm bwese ni nu kɑ bu sikerenɛɡiɑ kere.

Misee 4:5

Bweseru bɑɑtere tɑ rɑ kɑ̃wɑ tu ten bũu mɛm nɔɔwɑ. Adɑmɑ bɛsɛ, Gusunɔ bɛsɛn Yinniwɑ sɑ ko mɛm nɔɔwɑ sere kɑ bɑɑdommɑɔ.

Romu 1:23

Mɑ bɑ Gusunɔ wi u ku rɑ ɡbin yiiko kɔsinɑ kɑ bwɑ̃ɑrokunu ni nu kɑ tɔnu weenɛ wi u rɑ ɡbi, kɑ ɡunɔsu, kɑ yɛɛ yi yi rɑ sĩ, kɑ yi yi rɑ kɑbiri.

Korinti I 8:4

Tɛ̃ dĩɑ ni bɑ kɑ bũu yɑ̃kuru kuɑ, ɑmɛniwɑ nin dibun ɡɑri sɑ̃ɑ. Sɑ yɛ̃ mɑ bũu kun ɡɑ̃ɑnu hɑnduniɑ sɔɔ. Sɑ mɑɑ yɛ̃ mɑ Gusunɔ turowɑ wɑ̃ɑ.

Gɑlɑti 4:8

Yellu i ǹ Gusunɔ yɛ̃, mɑ i sɑ̃ɑ ɡɑ̃ɑnun yobu ni nu ǹ sɑ̃ɑ Gusunɔ.

Sɔ̃ɔsiru 32:16

Bɑ win nisinu seeyɑ bɑ dɑ bɑ bũnu sɑ̃ɑmɔ. Bɑ win mɔru seeyɑ bɑ dɑ bɑ bũnu yiire

Sɔ̃ɔsiru 32:21

Bɑ win mɔru kɑ win nisinu seeyɑ ben bũu ni bɑ sokumɔ Gusunɔn sɔ̃, ni nu ǹ sɑ̃ɑ ɡɑ̃ɑnu. Yen sɔ̃nɑ u nɛɛ, wi, u koo mɑɑ bwese wiirɑruɡiru sokusiɑ u kɑ ben mɔru seeyɑ, kpɑ u ben nisinu seeyɑ kɑ bwese te, te bɑ ǹ ɡɑrisi ɡɑ̃ɑnu.

Sɔ̃ɔsiru 33:29

Bɛɛ Isirelibɑ, i sɑ̃ɑwɑ doo nɔɔruɡibu. I ǹ kɑ bweseru ɡɑru weenɛ. Domi i sɑ̃ɑwɑ bwese te Yinni Gusunɔ u fɑɑbɑ kuɑ. U sɑ̃ɑwɑ nɡe bɛɛn tɛrɛru te tɑ bɛɛ kɔ̃su. U sɑ̃ɑwɑ nɡe bɛɛn tɑkobi ye yɑ bɛɛ nɑsɑrɑ wɛ̃ɛmɔ. Bɛɛn yibɛrɛbɑ bɑ koo nɑ bu bɛɛ suuru kɑnɑ kpɑ i ben tii suɑbu kpeerɑsiɑ.

Piɛɛ I 1:18

Bɛɛn tii i yɛ̃ ye bɑ kɑ bɛɛ yɑkiɑ sɑɑ bɛɛn wɑ̃ɑ kɑmɡirun di te i tubi di bɛɛn sikɑdobɑn min di. N ǹ mɔ kɑ ɡɑ̃ɑ ni nu koo sɑnkirɑ, nɡe sii ɡeesu ǹ kun mɛ wurɑ.

Sɑmuɛli I 4:21

Mɑ u bii wi yĩsiru kɑ̃ Ikɑbɔdu. Yĩsi ten tubusiɑnɑ, Gusunɔ kun mɑɑ wɑ̃ɑ Isirelibɑn suunu sɔɔ. U nùn sokɑ mɛ, yèn sɔ̃ bɑ bu Yinni Gusunɔn woodɑn kpɑkororu mwɑɑri kɑ mɑɑ win dwɑɑ tundo kɑ win durɔn ɡɔɔn sɔ̃.