Yeremi 19:7 - Bibeli Gusunɔn Gari

⁷ Wɔwɑ yen miyɑ kon Yudɑbɑ kɑ Yerusɑlɛmuɡibun nɔɔ tiɑ ye bɑ kuɑ kɑm koosiɑ, kpɑ n de yibɛrɛbɑ bu bu ɡo tɑbu sɔɔ. Kon de ɡbeeku yɛɛ kɑ ɡunɔsu ben ɡonu di.

Yeremi 19:7 ပူးပေါင်းရင်းမြစ်များ

Sinɑmbu II 21:14

Mi sɔɔ, be bɑ tiɑrɑ kon bu wɛrɔbu nɔmu sɔndiɑ kpɑ wɛrɔ be, bu ben yɑ̃nu ɡurɑ kpuro.

Mɔnnu 21:30

Tɔnun bwisi kɑ win lɑɑkɑri kɑ win bwisikunu, yen ɡɑɑ kun kpɛ̃ yu Gusunɔn himbɑ sĩiyɑ.

Esɑi 29:14

Yen sɔ̃nɑ u koo de bu biti soorɑ kɑ sɔm mɑɑmɑɑkiɡinu. U koo de ben lɑɑkɑriɡibun lɑɑkɑri yu kɑm ko. Kpɑ ben bwisiɡibun bwisi yi kpe.

Esɑi 8:10

Bɑɑ ì n kpunɑɑ kuɑ, ye kpuro yɑ koo kɑm kowɑ. Bɑɑ ì n mɑɑ woodɑ yi, ɡoo kun kɑ ye sɔmburu mɔ̀, domi Gusunɔ u kɑ sun wɑ̃ɑ.

Yeremi 15:2

Bɑ̀ n mɑɑ wunɛ Yeremi bikiɑ bɑ nɛɛ, mɑnɑ bɑ koo dɑ, kpɑ ɑ bu wisi ɑ nɛɛ, bɑ koo ɡbiwɑ. Gɑbɑ koo ben yɑron ɡɔɔ ɡbi, ɡɔɔ wiyɑ koo bu suɑ. Gɑbɑ koo ɡbi tɑbu sɔɔ, ɡɔɔ wiyɑ koo bu suɑ. Gɑbɑ koo ɡbi ɡɔ̃ɔrun sɔ̃, ɡɔɔ wiyɑ koo bu suɑ. Kpɑ bu mɑɑ ɡɑbu yoru mwɛɛri, yoo terɑ bɑ koo di.

Yeremi 15:9

Wi bɑ rɑɑ bɛɛrɛ wɛ̃ɛmɔ yèn sɔ̃ u bii tɔn durɔbu nɔɔbɑ yiru mɑrɑ u wɑsikirɑmɔ. U koo mɑm ɡbiwɑ sɛkum kɑ seku bɑkɑru. Be bɑ tie, kon de yibɛrɛbɑ bu bu ɡowɑ tɑbu sɔɔ. Nɛ, Yinni Gusunɔwɑ nɑ yeni ɡeruɑ.

Yeremi 16:4

Bɑrɑrɑ tɑ koo bu ɡo. Bɑ ǹ bu ɡɔɔ swĩiyɑmmɛ. Bɑ ǹ mɑɑ bu sikumɔ. Bɑ koo kowɑ tɑɑki tem sɔɔ. Be bɑ tiɑ kpɑ bu bu ɡo tɑbu sɔɔ, ǹ kun mɛ, ɡɔ̃ɔru tu bu ɡo, kpɑ ɡbeeku yɛɛ kɑ ɡunɔsu ben ɡonu di.

Yeremi 18:21

Yen sɔ̃, ɑ de ɡɔ̃ɔru tu ben bibu ɡo. A de bu ɡbisuku tɑbu sɔɔ, kpɑ kurɔbu bu durɔbu kɑ bibu biɑ, kpɑ bu ko ɡɔminibu. A de bɑrɑnu nu durɔ be ɡo, kpɑ bu ben ɑluwɑɑsibɑ ɡo tɑbu sɔɔ.

Yeremi 21:7

Yen biruwɑ u koo sinɑ boko Sedesiɑsi, Nɛbukɑnɛsɑɑ nɔmu bɛriɑ, wi kɑ win sɔm kowobu kɑ win tɔn be bɑ wɑ̃ɑ wuu ɡe sɔɔ, be bɑ ɡesi yɑrɑ bɑrɑrun di, kɑ tɑbun di, kɑ ɡɔ̃ɔrun di. Be kpurowɑ Nɛbukɑnɛsɑɑ u koo ɡo. U ǹ ben wɔnwɔndu mɔ̀. U ǹ mɑɑ ɡoo derimɔ.

Yeremi 22:19

Adɑmɑ bɑ koo win ɡoru ɡɑwɑwɑ bu yɑrɑ Yerusɑlɛmun di bu sike nɡe yɑɑ sɑberu.

Yeremi 22:25

Kon nùn win yibɛrɛbɑ nɔmu sɔndiɑ, be, be bɑ kɑsu bu nùn ɡo. Kon nùn bu nɔmu sɔndiɑ be, bèn bɛrum u mɔ mi. Beyɑ Nɛbukɑnɛsɑɑ, Bɑbilonin sinɑ boko kɑ win tɑbu kowobu.

Yeremi 32:28

Yen sɔ̃nɑ nɑ nɛɛ, kon de Bɑbilonin sinɑ boko Nɛbukɑnɛsɑɑ kɑ win tɑbu kowobu bu Yerusɑlɛmu nɔmɑ turi. U koo mɑɑ ye mwɑ.

Yeremi 46:26

Kon bu Nɛbukɑnɛsɑɑ, Bɑbilonin sinɑ boko kɑ win sɔm kowobu nɔmu bɛriɑ, be bɑ kɑsu bu bu ɡo. Adɑmɑ yenibɑn biru, Eɡibiti yɑ koo wurɑmɑ nɡe yellu. Yeniwɑ nɛ, Yinni Gusunɔ nɑ ɡeruɑ.

Yeremi 7:33

Gunɔsu kɑ yɛɛ yi koo tɔn ɡonu di. Goo sɑri wi u koo yi yinɑri.

Yeremi 8:2

Sɔ̃ɔ sɔɔ, nu ko n sɔ̃ɔ soore. Wɔ̃kuru kpɑ nu n wɑ̃ɑ suru kɑ kperin tɑrum sɔɔ. Bɑ ǹ mɑɑ nu ɡurɑmɔ bu sike. Nu koo kowɑ tɑɑki tem sɔɔ. Domi sɔ̃ɔ kɑ suru kɑ kperi yiyɑ bɑ rɑɑ kĩɑ mɑ bɑ yiirɑ bɑ yi sɑ̃wɑ.

Yeremi 8:8

Yinni Gusunɔ u mɑɑ nɛɛ, ɑmɔnɑ bɑ koo kɑ kpĩ bu nɛɛ bɑ bwisi mɔ. Beyɑ bɑ nɛ Gusunɔn woodɑ mɔ. Domi be bɑ woodɑ ye yoruɑ, bɑ ye ɡɔsiɑwɑ.

Yeremi 8:9

Wee bwisiɡibɑ nɛ, Yinni Gusunɔn ɡɑri ɡɛmɑ. Mɑ bɑ yibɛrɛbɑn yinɑ mwɑɑrɑ bɑ wɑ̃ɑ biti kɑ sekuru sɔɔ. Ǹ n mɛn nɑ, bwisi yirɑ̀ bɑ mɑɑ mɔ.

Swĩi 3:37

Goo kun kpɛ̃ u nɛɛ, ɡɑ̃ɑnu nu kooro, Yinni Gusunɔ ù kun nin woodɑ wɛ̃.

Sɑ̃ɑrun Woodɑ 26:17

Kon bɛɛ biru kisi kpɑ bɛɛn yibɛrɛbɑ bu bɛɛ kɑmiɑ. Kpɑ be bɑ bɛɛ tusɑ bu bɛɛ dɑm dɔre. I ko i duki yɑkikirɑwɑ bɑɑ bɑ̀ kun bɛɛ nɑɑ ɡire.

Sɑ̃ɑrun Woodɑ 26:25

Kon de tɑbu bu bɛɛ wɔri yèn sɔ̃ i nɛn ɑrukɑwɑni kusiɑ. Ì n mɛnnɑ i kukuɑ bɛɛn wusɔ, kon de bɑrɑru tu bɛɛ wɔri kpɑ yibɛrɛbɑ bu bɛɛ nɔmɑ turi.

Romu 3:31

Sɑ woodɑ ɡoomɔ kɑ nɑɑnɛ dokebu nɡe mɛ? Aɑwo, sɑ mɑm yen dɑm siremɔwɑ.

Romu 4:14

Ǹ n sɑ̃ɑn nɑ be bɑ woodɑ mɛm nɔɔwɑ beyɑ bɑ koo ko tubi diobu, nɑɑnɛ dokebu kuɑ kɑm, nɔɔ mwɛɛ te, tɑ mɑɑ tɛɛsirɑ.

Sɑmuɛli I 17:46

Gisɔ Yinni Gusunɔ u koo mɑn nun nɔmu bɛriɑ. Kon nun so n surɑ kpɑ n wunɛn wiru burɑ. Gisɔ kon Filisitibɑn tɑbu kowobun ɡonu ɡunɔsu kɑ ɡbeeku yɛɛ wɛ̃ yi di. Kpɑ hɑnduniɑɡibu kpuro bu ɡiɑ mɑ Gusunɔ Isirelibɑn Yinni u dɑm mɔ.