Yeremi 18:8 - Bibeli Gusunɔn Gari

⁸ Adɑmɑ bwese te, tɑ̀ n ten dɑɑ kɔsɑ tɑ nuku kɔ̃suru deri, nɑ rɑ tu deriwɑ nɑ kun mɑɑ tu kɔ̃sɑ kue.

Yeremi 18:8 ပူးပေါင်းရင်းမြစ်များ

Bɑndun Gɑri II 12:6

Isirelibɑn tɑbu sinɑmbu kɑ ben sinɑ bokon tii, bɑ ben torɑnu wurɑ bɑ nɛɛ, Yinni Gusunɔ u sɑ̃ɑwɑ ɡemɡii.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 135:14

Yinni Gusunɔ u koo win tɔmbu siriɑ, kpɑ u win sɔm kowobun wɔnwɔndu wɑ.

Womusu 90:13

Yinni Gusunɔ, sere dommɑ kɑɑ ɡɔ̃ru ɡɔsiɑ ɑ wunɛn mɔru deri. A bɛsɛ wunɛn sɔm kowobun wɔnwɔndu wɑɑwo.

Yɑribu 32:12

Mbɑn sɔ̃nɑ kɑɑ de Eɡibitiɡibu bu ɡere bu nɛɛ, kɔ̃sɑ ɑ kĩ ɑ wunɛn tɔmbu kuɑ. Yen sɔ̃nɑ ɑ kɑ bu yɑrɑmɑ kpɑ ɑ bu ɡo ɡuunun berɑ ɡiɑ, ɑ bu kpeerɑsiɑ bɑ kun mɑɑ wɑ̃ɑ hɑnduniɑɔ. A wunɛn mɔru ye suresio, ɑ ku mɑɑ kɔ̃sɑ ye ko, ye ɑ kĩ ɑ bu kuɑ mi.

Yɑribu 32:14

Mɑ Yinni Gusunɔ u kɔ̃sɑ ye deri ye u rɑɑ nɛɛ u koo win tɔmbu kuɑ mi.

Yeremi 12:16

Geemɑ bɑ rɑɑ nɛn tɔmbu sɔ̃ɔsi bu bɔ̃re kɑ bũu wi bɑ mɔ̀ Bɑɑlin yĩsiru, ɑdɑmɑ bɑ̀ n ɡɔ̃ru ɡɔsiɑ, bɑ mɔ̀ nɡe mɛ n weenɛ nɛn tɔmbu bu ko, kpɑ bɑ n bɔ̃rumɔ bɑ n mɔ̀, kɑ nɛ, Yinni Gusunɔn wɑ̃ɑru. Sɑɑ yerɑ kon de bu sinɑ kɑ nuku dobu nɛn tɔmbun suunu sɔɔ.

Yeremi 15:6

Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 26:13

I ɡɔ̃ru ɡɔsio kpɑ i kom kɔ̃sum deri. I Gusunɔ bɛɛn Yinnin ɡɑri swɑɑ dɑkio, kpɑ u kɔ̃sɑ ye deri ye u rɑɑ kĩ u bɛɛ kuɑ.

Yeremi 26:19

Yudɑbɑ kɑ ben sinɑ boko Esekiɑsi wi, bɑ Misee wi ɡo? Esekiɑsi wi, u ǹ Yinni Gusunɔ nɑsie? Nɡe u ǹ Yinni Gusunɔ suuru kɑnɛ ro? Mɑ Yinni Gusunɔ u kɔ̃sɑ ye deri ye u rɑɑ kĩ u bu kuɑ. Yerɑ i ko de bɛsɛ, su tii durum bɑkɑ yeni sɔbi?

Yeremi 26:3

Bɑ̀ n wurɑ bɑ nun swɑɑ dɑki, mɑ bɑ wurɑ ben dɔɔ sɔɔ, bɑ ben kom kɔ̃sum deri, kɔ̃sɑ ye nɑ rɑɑ ɡɔ̃ru doke n bu kuɑ, kon ye deri.

Yeremi 36:3

Yudɑbɑ bɑ̀ n nuɑ kɔ̃sɑ ye kon bu kuɑ sɔrɔkudo bɑ koo ɡɔ̃ru ɡɔsiɑ bu ben kom kɔ̃sum deri. Sɑɑ yerɑ kon bu ben durum wɔkɑ.

Yeremi 42:10

ì n sinɑ tem mɛ sɔɔ, u koo de bɛɛn tɔmbu bu tɑ̃si. U ǹ mɑɑ bu ɡoomɔ. U koo bɛɛ swĩiwɑ i n nuuru mɔ. U ǹ bɛɛ wukɑmɔ, u ǹ mɑɑ derimɔ kɔ̃sɑ yu bɛɛ deemɑ ye u rɑɑ bwisikɑ u bɛɛ kuɑ.

Esekiɛli 18:21

Tɔn kɔ̃so ù n win dɑɑ kɔ̃sɑ deri, mɑ u ɡem swĩi nɡe mɛ nɛn woodɑ yɑ ɡeruɑ kpuro, u ǹ mɑɑ ɡbimɔ.

Esekiɛli 33:11

Adɑmɑ ɑ bu wisio ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, sere kɑ nɛn wɑ̃ɑru, nɑ ǹ tɔn kɔ̃son ɡɔɔ kĩ. Nɑ kĩwɑ u ɡɔ̃ru ɡɔsiɑ kpɑ u wɑ u n wɑ̃ɑ. Yen sɔ̃, be, Isirelibɑ bu ɡɔ̃ru ɡɔsio. Mbɑn sɔ̃nɑ bɑ koo tii ɡo.

Esekiɛli 33:12

Tɔnun bii, ɑ mɑɑ wunɛɡibu sɔ̃ɔwɔ ɑ nɛɛ, ɡemɡii ù n kɔ̃sɑ mɔ̀, win ɡeɑ ye u rɑɑ kuɑ yɑ ǹ win wɑ̃ɑru wɔrɑmɔ. Tɔn kɔ̃so ù n mɑɑ win dɑɑ kɔ̃sɑ deri u ɡeɑ mɔ̀, win yellun dɑɑ kɔ̃sɑ ye, yɑ ǹ derimɔ u kɑm ko. Yen sɔ̃nɑ ɡemɡii ù n kɔ̃sɑ mɔ̀, win yellun dɑɑ yɑ ǹ win wɑ̃ɑru wɔrɑmɔ.

Esekiɛli 33:13

Nɑ̀ n ɡemɡii sɔ̃ɔwɑ nɑ nɛɛ, u ko n wɑ̃ɑru mɔ win dɑɑ ɡeɑn sɔ̃, mɑ u tɑmɑɑ win dɑɑ ɡeɑ ye, yɑ turɑ, mɑ u seewɑ u dɑɑ kɔ̃sɑ wɔri, u n yɛ̃ mɑ kon win yellun dɑɑ ɡeɑ ye duɑriwɑ. Kpɑ u ɡbi win dɑɑ kɔ̃sɑn sɔ̃.

Esekiɛli 33:14

Nɑ̀ n mɑɑ tɔn kɔ̃so sɔ̃ɔwɑ nɑ nɛɛ, u koo ɡbi, mɑ u ɡɔ̃ru ɡɔsiɑ u win dɑɑ kɔ̃sɑ deri, mɑ u ɡeɑ mɔ̀ u ɡem swĩi,

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Amɔsu 5:15

I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.

Yonɑsi 4:2

Mɑ u Yinni Gusunɔ sɔ̃ɔwɑ u nɛɛ, Yinni Gusunɔ, yenibɑn bɛrumɑ nɑ mɔ̀ sɑnɑm mɛ nɑ wɑ̃ɑ nɛn temɔ. Yen sɔ̃nɑ nɑ dukɑ yɑkurɑ fuuku nɑ dɔɔ Tɑɑsisiɔ. Nɑ yɛ̃ mɑ ɑ sɑ̃ɑwɑ wɔnwɔnduɡii, ɑ mɑɑ suuru mɔ. Wunɛn kĩru tɑ kpɑ̃. A rɑ tɔnu kɔ̃sɑ wĩɑri ye ɑ rɑɑ ɡɔ̃ru doke ɑ nùn kuɑ.

Sɔ̃ɔsiru 32:36

Yinni Gusunɔ ù n deemɑ win tɔmbu bɑ ǹ dɑm mɔ, bɑ ǹ mɑɑ tɑ̃si yeru ɡɑru mɔ, u koo bu siriɑ, kpɑ u be, win sɔm kowobun wɔnwɔndu wɑ.

Kpɑrobu 2:18

Yinni Gusunɔ ù n bu kpɑro wɛ̃, u rɑ n wɑ̃ɑwɑ kɑ yɛ̃ro u kɑ bu wɔrɑ ben yibɛrɛbɑn nɔmɑn di, kpɑro win wɑɑti kpuro sɔɔ. Domi u rɑ ben wɔnwɔndu wɑ sɑnɑm mɛ bɑ weeweenu mɔ̀, be bɑ bu tɔ̃yɑ mɔ̀ bɑ bu nɔni sɔ̃ɔmɔn sɔ̃.