Yeremi 18:21 - Bibeli Gusunɔn Gari

²¹ Yen sɔ̃, ɑ de ɡɔ̃ɔru tu ben bibu ɡo. A de bu ɡbisuku tɑbu sɔɔ, kpɑ kurɔbu bu durɔbu kɑ bibu biɑ, kpɑ bu ko ɡɔminibu. A de bɑrɑnu nu durɔ be ɡo, kpɑ bu ben ɑluwɑɑsibɑ ɡo tɑbu sɔɔ.

Yeremi 18:21 ပူးပေါင်းရင်းမြစ်များ

Bɑndun Gɑri II 36:17

Yerɑ Yinni Gusunɔ u derɑ Nɛbukɑnɛsɑɑ, Bɑbilonin sinɑ boko u bu tɑbu wɔri, mɑ u ben ɑluwɑɑsibɑ tɑkobinu sɔkurɑ u ɡo ben sɑ̃ɑ yerɔ. U ǹ ɡoo deri, ɑluwɑɑsibɑ kɑ wɔndiɑbɑ kɑ durɔ tɔkɔnu. Be kpurowɑ Yinni Gusunɔ u bɛri win nɔmɑɔ.

Womusu 63:10

Be bɑ kɑsu bu mɑn ɡo bɑ koo dɑwɑ sere tem sɔɔ sɔɔwɔ.

Womusu 63:11

Tɑkobiwɑ bɑ koo kɑ bu ɡo, kpɑ purukɑnu nu ben ɡonu tem.

Yɑribu 22:24

Bɛɛ Isirelibɑ sɔɔ, bɛɛn wi u sɑ̃ɑro ɡobi bɔkurɑ, u ku rɑɑ yi nim dokeɑ nɡe mɛ bwese tukunu nu rɑ ko.

Esɑi 13:18

Bɑ koo ɑluwɑɑsibɑ tweewɑ bu ɡo. Mɛyɑ bɑ ǹ bii wɛ̃ɛnu buremɔ. Bɑ ǹ mɑɑ bibun wɔnwɔndu mɔ̀.

Esɑi 9:16

Yen sɔ̃nɑ Yinni Gusunɔ u ǹ nuku dobu mɔ, ben ɑluwɑɑsibɑn sɔ̃. U ǹ mɑɑ ben ɡobekubɑ kɑ ɡɔminibu wɔnwɔndu kuɑmmɛ. Domi be kpuro bɑ sɑ̃ɑwɑ nuku kɔ̃suruɡibu. Bɑ ǹ Gusunɔn bɛɛrɛ yɛ̃. Sekuru sɑri ɡɑriyɑ yi rɑ yɑri sɑɑ ben nɔsun di. Yen sɔ̃, Yinni Gusunɔn mɔru kun suremɔ. U koo bu nɔmu dokewɑ u sɛɛyɑsiɑ.

Esɑi 9:17

Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

Yeremi 12:3

Yinni Gusunɔ, ɑ mɑn yɛ̃. A mɑn wɑɑmɔ mɑ ɑ nɛn ɡɔ̃ru wɛ̃ɛrɑ, ɑ wɑ mɑ ɡɑ wɑ̃ɑ kɑ wunɛ. A tɔn kɔ̃so be wunɔ nɡe yɑ̃ɑ ni bɑ rɑ mwɛ bu sɑke. A bu sɔɔru koowo ɑ yi tɔ̃ɔ te bɑ koo tɔmbu ɡon sɔ̃.

Yeremi 14:16

Kpɑ tɔn be bɑ mɑɑ weesun ɡɑri sɔɔmɔ mi, bɑ n wɔrukɑ Yerusɑlɛmun swɛɛ sɔɔ ɡɔ̃ɔ te, kɑ tɑɑ bin sɔ̃. Bɑ ǹ ɡoo wɑsi wi u koo bu sike, be kɑ ben kurɔbu kɑ bibu. Kon de ben nuku kɔ̃suru tu wɔriwɑ ben tii sɔɔ.

Yeremi 15:7

Kon nɛn tɔn be sɑrɑwɑ nɡe dobi wusun ɡbɑ̃rɑ kɔnnɔsɔ. Kon de bu ben bibu biɑ, kpɑ n bu kɑm koosiɑ. Domi bɑ yinɑ bu ben swɛɛ kɔ̃si deri.

Yeremi 15:8

Kon de ben ɡɔminibu bu yɑni sɛɛri dɑbiru kerɑ yi yi wɑ̃ɑ nim wɔ̃kun ɡoorɔ. Kon de yibɛrɛbɑ bu nɑ bu ben ɑluwɑɑsibɑn mɛrobu wɔri sɔ̃ɔ sɔɔ ɡbɑ̃ɑrɑ. Kpɑ nuku sɑnkirɑru kɑ bɛrum ben mɛro be deemɑ subɑru sɔɔ.

Yeremi 50:30

Yen sɔ̃, mi ben ɑluwɑɑsibɑ bɑ wɑ̃ɑ kpuro, bɑ koo ɡbisukuwɑ, kpɑ ben tɑbu kowobun tii bu ɡbisuku tɔ̃ɔ te.

Yeremi 9:21

Yinni Gusunɔ u nɛɛ, tɔmbɑ koo wɔruku bu ɡbisuku, kpɑ ben ɡonu nu n tɛrie yɑkɑsɔ nɡe nɑɑ bisu, ǹ kun mɛ nɡe dobi yi yi ɡeɑ yinɑ bɑ deri ɡberɔ. Bɑ ǹ mɑɑ yi suɑmɔ.

Swĩi 1:15

Yinni Gusunɔ u nɛn tɑbu kowobu sururɑ. U tɑbu durɔbu mɛnnɑ bu kɑ nɛn ɑluwɑɑsibɑ kɑm koosiɑ. U nɛ, Yerusɑlɛmu tɑɑkɑ nɡe mɛ bɑ rɑ resɛm tɑɑku.

Swĩi 5:3

Bɛsɛn bɑɑbɑbɑ bɑ ɡu, mɑ bɛsɛn mɛrobu bɑ ɡɔminiru sɔ̃. Sɑ wɑ̃ɑ tundobu sɑri.

Esekiɛli 16:38

Kon nun sɛɛyɑsiɑwɑ nɡe mɛ bɑ rɑ tɔn ɡowobu kɑ kurɔ tɑnɔbu sɛɛyɑsie. Yɛm mu koo nun wukiri nɛn mɔru kɑ nɛn nisinun sɑɑbu.

Esekiɛli 22:25

Ben sɔmɔbu bɑ sɑ̃ɑwɑ nɡe ɡbee sinɑn si su kukirimɔ sɑnɑm mɛ su yɑɑ wɑ su sɛ̃re. Domi bɑ tɔmbu ɡoomɔ. Mɑ bɑ ɡɑbun ɡobi kɑ dukiɑ wɔrɑmɔ. Mɑ bɑ derimɔ kurɔ ɡɔminibu bɑ dɑbiɑmɔ.

Amɔsu 4:10

Nɑ mɑɑ bɛɛ kɛ̃si kɛ̃si bɑrɑru sure nɡe mɛ nɑ kuɑ Eɡibitiɔ. Nɑ derɑ bɑ bɛɛn ɑluwɑɑsibɑ ɡo tɑbu sɔɔ. Mɑ bɑ ben dumi mwɛɛrɑ. Nɑ derɑ i bɛɛn tɔn be bɑ ɡun nuburu nuɑ bɛɛn sɑnsɑniɔ. Adɑmɑ kɑ mɛ, i ǹ ɡɔsirɑmɛ nɛn mi.

Sɔ̃ɔsiru 32:25

Tɑbu koo bu ɡo swɛɛ sɔɔ kpɑ be bɑ wɑ̃ɑ yɛnusɔ bu bɛrum soorɑ. Aluwɑɑsibɑ kɑ wɔndiɑbɑ bɑ koo ɡbisuku, bɑɑ kɑ bii wɛ̃ɛnɔ kɑ tɔkɔnɔ bɑ ǹ derimɔ.

Timɔte II 4:14

Alesɑndu seko wi, u mɑn kɔ̃sɑ kuɑ ɡem ɡem. Yinni u koo nùn kɔsie ye u kuɑ.

Sɑmuɛli I 15:33

Adɑmɑ Sɑmuɛli u nɛɛ, nɡe mɛ wunɛn tɑkobi yɑ tɔn kurɔbu ɡɑbun bibu ɡo, nɡe mɛyɑ wunɛn mɛro u koo mɑɑ bii biɑ. Mɑ Sɑmuɛli u Aɡɑɡi ɡo u bɔtirɑ Yinni Gusunɔn sɑ̃ɑ yerɔ Giliɡɑliɔ.