Yeremi 17:5 - Bibeli Gusunɔn Gari

⁵ Nɛ, Yinni Gusunɔwɑ nɑ nɛɛ, bɔ̃riɡiiwɑ wi u win ɡɔ̃ru sĩiyɑ nɛn min di, mɑ u tɔnu nɑɑnɛ sɑ̃ɑ, u tɑ̃sɑ wi sɔɔ.

Yeremi 17:5 ပူးပေါင်းရင်းမြစ်များ

Bɑndun Gɑri II 16:12

Asɑn bɑndun wɔ̃ɔ weeru tiɑ sɑrise sɔɔ, u nɑɑsu bɑrɑ sere u nɔni sɔ̃ɔrɑ. Bɑɑ mɛ u bɑrɔ, kɑ mɛ, u ǹ Yinni Gusunɔ kɑsu. Timɡibɑ u kɑsu.

Bɑndun Gɑri II 32:8

Tɔmbɑ bɑ kɑ nùn wɑ̃ɑ. Adɑmɑ be, Gusunɔ ben Yinniwɑ u koo bu somi. Wiyɑ u koo bu dɑm wɛ̃ tɑbu sɔɔ. Mɑ tɔn be, bɑ Esekiɑsi Yudɑn sinɑ bokon ɡɑri yi nɑɑnɛ kuɑ.

Womusu 18:21

U mɑn domɑru kuɑ yèn sɔ̃ nɑ dɛɛre. U mɑn domɑru kuɑ yèn sɔ̃ nɑ ɡem swĩi.

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Esɑi 2:22

Ǹ n mɛn nɑ, i ku bɛɛn nɑɑnɛ doke tɔnu sɔɔ. U sɑ̃ɑwɑ nɡe woo. U ǹ sɑ̃ɑ ɡɑ̃ɑnu.

Esɑi 20:5

Sɑɑ ye sɔɔrɑ sɔ̃ɔ duu yerun tɔmbu be bɑ rɑɑ ben nɑɑnɛ doke Etiopi sɔɔ kɑ be bɑ tii sue Eɡibitiɡibun somirun sɔ̃, bɑ koo bɛrum soorɑ, kpɑ bu burisinɑ. Bɑ koo ɡere bu nɛɛ, be wee bɑ wɔrumɑ be sɑ rɑɑ nɑɑnɛ sɑ̃ɑ bu sun fɑɑbɑ ko, kpɑ bu sun wɔrɑ Asirin sinɑ bokon nɔmun di. Tɛ̃ ɑmɔnɑ sɑ ko ko su kɑ yɑri.

Esɑi 36:6

Geemɑ win nɑɑnɛ wɑ̃ɑwɑ Eɡibiti sunɔn mi, wi u sɑ̃ɑ nɡe kɑbɑ te tɑ kɔsikire. Wi u tu nɛnuɑ u tɑ̃siri, kpɑ tu nùn murɑ tu mɛɛrɑ ko. Nɡe mɛyɑ Eɡibitin sunɔ wi, u sɑ̃ɑ be bɑ nùn yĩiyɔ sɔɔ.

Esɑi 59:15

Gem mu kpɑ. Wi u mɑɑ kɔ̃sɑ suurimɔ bɑ rɑ nùn wɔriwɑ bu win yɑ̃nu ɡurɑ. Ye Yinni Gusunɔ u wɑ mɑ ɡem kun mɑɑ wɑ̃ɑ, yɑ ǹ kɑ nùn nɑɑwɛ.

Yeremi 11:3

nɛ, Yinni Gusunɔ, nɑ ɡeruɑ nɑ nɛɛ, bɔ̃rurowɑ wi u yinɑ u nɛn ɑrukɑwɑni yenin ɡɑri nɔ,

Esekiɛli 6:9

Sɑɑ ye sɔɔ, be, be bɑ kisirɑ bɑ koo mɑn yɑɑyɑ mi bɑ yoru dimɔ. Domi kon ben ɡɔ̃ru ɡe wĩɑ ɡe ɡɑ ǹ kɑ nɛ turo yɔ̃. Kon ben sɑkɑrɑ nɔni wĩɑ yi bɑ kɑ bũnu mɛɛrɑ. Ben tii bɑ koo tii tusi, kɔ̃sɑ kpuro ye bɑ kuɑn sɔ̃.

Osee 1:2

Gɑri yi Yinni Gusunɔ u ɡbiɑ u Osee sɔ̃ɔwɑ yi wee. U nɛɛ, Osee, ɑ doo ɑ kurɔ suɑ wi u rɑ sɑkɑrɑru ko. Bɛɛn bibu bɑ koo mɑɑ win yirɑ swĩi. Domi Isirelibɑ bɑ bũnu ɡɑsirimɔ bɑ sɑ̃ɑmɔ nɡe kurɔ sɑkɑrɑ wi u durɔbu ɡɑsirimɔ. Mɑ bɑ nɛ, Yinni Gusunɔ deri.