Yeremi 17:27 - Bibeli Gusunɔn Gari

²⁷ Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.

Yeremi 17:27 ပူးပေါင်းရင်းမြစ်များ

Sinɑmbu II 22:17

Domi bɑ wi Yinni Gusunɔ deri, mɑ bɑ bũnu turɑre dɔ̃ɔ dokeɑmmɛ bu kɑ win mɔru seeyɑ kɑ ben kookoosu kpuro. Yen sɔ̃ tɛ̃, u kɑ Yerusɑlɛmuɡibu mɔru mɔ̀, yɑ ǹ mɑɑ suremɔ.

Sinɑmbu II 25:9

Mɑ u Yinni Gusunɔn sɑ̃ɑ yeru dɔ̃ɔ mɛni kɑ Isirelibɑn sinɑ kpɑɑru, kɑ diɑ ye yɑ ɡesi wɑ̃ kpuro. Ye yɑ sɑ̃ɑ dɑmɡibun diɑ u dɔ̃ɔ mɛniwɑ.

Bɑndun Gɑri II 36:19

Mɑ bɑ Yinni Gusunɔn sɑ̃ɑ yeru kɑ Yerusɑlɛmun dii ɡeenu dɔ̃ɔ sɔkɑ. Mɑ bɑ yen ɡɑ̃ɑ ɡeenu kɔsukɑ. Mɑ bɑ yen ɡbɑ̃rɑru surɑ.

Womusu 122:7

Yerusɑlɛmu, bɔri yɛndɑ n wɑ̃ɑ wunɛn ɡbɑ̃rɑru sɔɔ kɑ wunɛn sinɑ kpɑɑrɔ.

Esɑi 1:20

Adɑmɑ ì n yinɑ, mɑ i mɑn seesi, bɑ koo bɛɛ ɡowɑ tɑbu sɔɔ kɑ tɑkobi. Nɛ, Yinni Gusunɔwɑ nɑ yeni ɡeruɑ.

Esɑi 1:31

Wi u tɑmɑɑ u dɑm mɔ u koo ko nɡe yɑkɑsu, kpɑ win kookoosu su n sɑ̃ɑ nɡe dɔ̃ɔ buri, kpɑ u dɔ̃ɔ mwɑɑrɑ kɑ win kookoo si sɑnnu. Goo sɑri wi u koo kpĩ u bu fɑɑbɑ ko.

Yeremi 17:24

Adɑmɑ be, bɑ̀ n mɑn swɑɑ dɑki kɑ ɡem, mɑ bɑ ǹ sɔmunu ɡɑnu duusie Yerusɑlɛmun kɔnnɔsun di tɔ̃ɔ wɛ̃rɑruɡiru sɔɔ, mɑ bɑ tɔ̃ɔ te yi nɛ, Yinni Gusunɔn sɔ̃, mɑ bɑ ǹ sɔmburu ɡɑru kue te sɔɔ,

Yeremi 17:4

Ben torɑnun sɔ̃nɑ bɑ koo ben tem biɑ mɛ mu sɑ̃ɑ ben tubi. Kon bu ko ben yibɛrɛbɑn yobu, kpɑ bu dɑ tem mi bɑ ǹ yɛ̃. Domi bɑ derɑ nɛn mɔru yɑ yɑburɑ nɡe dɔ̃ɔ. Yɑ ko n mɑɑ yɑburewɑ sere kɑ bɑɑdommɑɔ.

Yeremi 18:1

Yinni Gusunɔ u Yeremi sɔ̃ɔwɑ u nɛɛ,

Yeremi 21:12

Be, Dɑfidin bweseru, bɑ n dɑ ɡem swĩi bɑɑdommɑ. Kpɑ bu be bɑ dɑm dɔre yɑkiɑ be bɑ bu dɑm dɔremɔn nɔmɑn di. Bɑ̀ kun kue mɛ, nɛn mɔru yɑ koo bu yɑbure ben kom kɔ̃sum sɔ̃. Bɑ ǹ mɑɑ kpɛ̃ bu ye ɡo.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 22:5

Adɑmɑ bɑ̀ n yinɑ bu ye mɛn nɔɔwɑ, sere kɑ nɛ, Yinni Gusunɔn wɑ̃ɑru, sinɑ kpɑɑ te, tɑ koo kowɑ bɑnsu.

Yeremi 32:29

Bɑ koo ye wɔri kpɑ bu ye dɔ̃ɔ mɛni kpɑ bu diɑ yèn wɔllɔ Yudɑbɑ bɑ rɑ bũu wi bɑ mɔ̀ Bɑɑli yɑ̃kuru kue dɔ̃ɔ sɔku, kɑ sere mi bɑ rɑ tɔn tukobun bũu sɑ̃ bu tɑm tɑ̃rɑ. Domi yebɑ kpurowɑ bɑ kɑ nɛn mɔru seeyɑ.

Yeremi 39:8

Bɑbiloniɡii be, bɑ Yerusɑlɛmun sinɑ kpɑɑru kɑ yen yɛnusu dɔ̃ɔ mɛni, mɑ bɑ yen ɡbɑ̃rɑru sururɑ.

Yeremi 44:16

sɑ ǹ ɡɑri yi mɛm nɔɔwɑmmɛ yi ɑ ɡeruɑ ɑ nɛɛ, yi weewɑ Yinni Gusunɔn min di.

Yeremi 52:13

Mɑ u Yinni Gusunɔn sɑ̃ɑ yeru dɔ̃ɔ mɛni, kɑ sinɑ kpɑɑru, kɑ yɛnu si su tie Yerusɑlɛmu mi kpuro, kɑɑ sere ɡere dɑmɡibun yɛnusu?

Yeremi 6:17

Gusunɔ u nɛɛ, nɑ bɛɛ kɔ̃sobu wɛ̃ i kɑ ben kɔbɑn swĩi swɑɑ dɑki. Adɑmɑ bɑ wisɑ bɑ nɛɛ, sɑ ǹ swɑɑ dɑkimɔ.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Swĩi 2:6

U win sɑ̃ɑ yeru kɔsukɑ. U derɑ bɑ ku rɑ mɑɑ sɑ̃ɑrun tɔ̃ɔ bɑkɑnu kɑ tɔ̃ɔ wɛ̃rɑruɡiru di. Win mɔru seewɑ kɑ dɑm. Mɑ u sinɑ boko kɑ yɑ̃ku kowobu yinɑ.

Swĩi 4:11

Yinni Gusunɔ u win mɔru kpuro sɔ̃ɔsi, u Yerusɑlɛmu dɔ̃ɔ sɔ̃re mɑ yɑ dɔ̃ɔ mwɑɑrɑ sere kɑ yen kpɛɛkpɛɛkuɔ.

Esekiɛli 16:41

Bɑ koo wunɛn diɑ dɔ̃ɔ mɛniki kpɑ bu nun sɛɛyɑsiɑ kurɔ dɑbinun wuswɑɑɔ kpɑ n de wunɛn sɑkɑrɑru tu kpe. A ǹ mɑɑ ben ɡoo ɡɑ̃ɑnu wɛ̃ɛmɔ.

Esekiɛli 21:15

Yɑ bɑllimɔ, yerɑ bɑ koo kɑ tɔmbu ɡo. I tɑmɑɑ bɛɛn bɑndu tɑ ǹ kpeemɔ ,

Esekiɛli 21:3

A de bu nɛn ɡɑri swɑɑ dɑki yi kon ɡere dɑ̃ɑ sɔ̃ɔ ɡe ɡɑ wɑ̃ɑ sɔ̃ɔ yɛ̃sɑn nɔm dwɑru ɡiɑ mi. A nɛɛ, kon ɡu dɔ̃ɔ doke, kpɑ dɔ̃ɔ wi, u dɑ̃ɑ bekunu kɑ ɡbebunu mwɑ. Dɔ̃ɔ wi, kun ɡbimɔ. Tɔmbu kpurowɑ bɑ koo dɔ̃ɔ soorɑ sɑɑ sɔ̃ɔ yɛ̃sɑn nɔm dwɑrun di n kɑ dɑ nɔm ɡeuɔ.

Esekiɛli 22:8

Tɔmbu bɑ ǹ nɛn sɑ̃ɑ yeru dɑɑbu kĩ. Bɑ ǹ mɑɑ kĩ bu nɛn tɔ̃ɔ wɛ̃rɑruɡiru mɛm nɔɔwɑ.

Esekiɛli 23:38

Wee ye bɑ mɑɑ mɑn kuɑ. Bɑ nɛn sɑ̃ɑ yeru disi doke, mɑ bɑ ǹ nɛn tɔ̃ɔ wɛ̃rɑruɡirun woodɑ mɛm nɔɔwɛ.

Osee 8:14

Isirelibɑ bɑ tii sinɑ kpɑɑru bɑniɑ. Mɑ bɑ nɛ ben tɑkɑ kowo duɑri. Yudɑbɑ bɑ mɑɑ ben wuu dɑbinu ɡbɑ̃rɑru toosi. Adɑmɑ kon ben wusu dɔ̃ɔ sɔkiri kpɑ u ben dii ɡeenu di.

Amɔsu 1:10

Yen sɔ̃, kon de bu ben wuu Tiri dɔ̃ɔ sɔku, kpɑ u yen dii ɡeenu di.

Amɔsu 1:12

Yen sɔ̃, kon de bu ben wuu Temɑ dɔ̃ɔ sɔku kpɑ u Botisirɑn dii ɡeenu di.

Amɔsu 1:14

Yen sɔ̃, kon de bu ben wuu Rɑbɑ tɑbu wɔri bu ye dɔ̃ɔ sɔku, kpɑ u yen dii ɡeenu di mɑm mɑm. Sɑɑ ye sɔɔ, tɑbun wurenu koo nɔɔrɑ nɡe woo bɔkɔ.

Amɔsu 1:4

Tɛ̃, kon de dɔ̃ɔ u nɑ u sinɑ boko Hɑsɑɛlin yɛnu wɔri, kpɑ u Bɛni Hɑdɑdin sinɑ kpɑɑru di mɑm mɑm.

Amɔsu 1:7

Mɛyɑ kon de bu ben wuu Gɑsɑ dɔ̃ɔ sɔku, kpɑ u yen dii ɡeenu di.

Amɔsu 2:2

Yen sɔ̃, kon de bu Mɔɑbubɑn tem dɔ̃ɔ mɛni kpɑ u ben wuu Keriɔtun dii ɡeenu di mɑm mɑm. Kpɑ Mɔɑbu be, bu kɑm ko tɑbu ɡberɔ, sɑnɑm mɛ tɑbu swĩɑ bɑ kɔbi soomɔ, bɑ kuuki mɔ̀.

Sɔ̃ɔsiru 32:22

Win mɔru koo se nɡe dɔ̃ɔ yɑrɑ kpɑ yi ɡɑ̃ɑnu kpuro dɔ̃ɔ mɛni tem sɔɔ, kpɑ yu mɑɑ dɑ sere tem sɔɔ sɔɔwɔ. Kpɑ yu ɡuunun kpɛɛkpɛɛkunu dɔ̃ɔ mɛni.

Heberu 12:25

Ǹ n mɛn nɑ, i n tii sɛ kpɑ i ku yɛ̃ron nɔɔ yinɑ wi u kɑ bɛɛ ɡɑri mɔ̀. Be bɑ yinɑ bu win ɡɑri swɑɑ dɑki wi u bu kirɔ mɔ̀ hɑnduniɑ sɔɔ, bɑ ǹ sɛɛyɑsiɑbu kisirɑri. Kɑɑ sere ɡere bɛsɛ? Sɑ ǹ kisirɑmɔ sɑ̀ n nùn biru kisi wi u kɑ sun ɡɑri mɔ̀ wɔllun di.