Yeremi 17:26 - Bibeli Gusunɔn Gari

²⁶ Tɔmbɑ koo nɑ nɛn sɑ̃ɑ yerɔ Yudɑn wusu kɑ Yerusɑlɛmun bɑru kpɑɑnu kpuron di kɑ Bɛnyɑmɛɛn tem di, kɑ sere mɑɑ ɡuunun di kɑ wɔwin di, kɑ sɔ̃ɔ yɛ̃sɑn nɔm dwɑru ɡiɑn di, tem mɛ kpuron di ɡesi, bu yɑ̃ku dɔ̃ɔ mwɑɑrɑruɡinu ko kɑ siɑrɑbun yɑ̃kunu, kpɑ bu kɑ kɛ̃nu nɑ, kpɑ bu turɑre dɔ̃ɔ doke mi.

Yeremi 17:26 ပူးပေါင်းရင်းမြစ်များ

Ɛsidɑrɑsi 3:11

Bɑ womu ɡeni kɔ̃ɔnɑmɔ bɑ kɑ Yinni Gusunɔ bɛɛrɛ wɛ̃ɛmɔ bɑ mɔ̀, Yinni Gusunɔ u sɑ̃ɑwɑ tɔn ɡeo. Win kĩru Isirelibɑn sɔ̃ tɑ ǹ kpeemɔ. Mɑ tɔn be kpuro bɑ Gusunɔ bɛɛrɛ wɛ̃ɛmɔ bɑ kuuki mɔ̀ yèn sɔ̃ bɑ win sɑ̃ɑ yerun kpɛɛkpɛɛku swĩimɔ.

Womusu 107:22

Bu nùn siɑrɑbun yɑ̃kunu kuo. Kpɑ bu win sɔm mɑɑmɑɑkiɡii nin ɡɑri kpɑrɑ kɑ nuku dobu.

Womusu 116:17

Yen sɔ̃nɑ kon nun siɑrɑbun yɑ̃kuru kuɑ, kpɑ n wunɛn yĩsiru soku.

Womusu 66:13

Kon du wunɛn sɑ̃ɑ yerɔ n kɑ nun yɑ̃kuru kuɑ, kpɑ n nɛn nɔɔ mwɛɛnu yibiɑ

Esɑi 58:13

Yinni Gusunɔ u nɛɛ, ì n tii nɛnuɑ i kun sɔmburu kue, mɑ i bɛɛn tiin kĩru deri i kɑ tɔ̃ɔ wɛ̃rɑruɡirun woodɑ mɛm nɔɔwɑ, mɑ i mɑn bɛɛrɛ wɛ̃ i nɛn tɔ̃ɔ dɛɛrɑ te ɡɑrisi tɔ̃ɔ duroru, mɑ i kun ɡɑri bɛkɛ sɑɑre,

Yeremi 30:19

I ko i siɑrɑbun womusu ko kɑ nuku dobun kuuki. Kon bɛɛ dɑbiɑsiɑ, i ǹ mɑɑ kɑɑrɑmɔ. Kon de bu bɛɛ bɛɛrɛ wɛ̃, kpɑ bu ku bɛɛ ɡɛm.

Yeremi 32:44

Kɑ ɡem bɑ koo ɡbeɑ dwe bɑɑmɑ kpuro kɑ ɡobi, kpɑ bu yen dwee tirenu ko, bu nu yĩrenu koosi seedɑɡibun wuswɑɑɔ. Bɑ koo ɡbeɑ dwe Bɛnyɑmɛɛn temɔ kɑ Yerusɑlɛmun bɑru kpɑɑnɔ, kɑ Yudɑn wusɔ, kɑ wuu si su wɑ̃ɑ ɡuunun berɑ ɡiɑ, kɑ si su wɑ̃ɑ wɔwi sɔɔ, kɑ si su wɑ̃ɑ sɔ̃ɔ yɛ̃sɑn nɔm dwɑru ɡiɑ. Domi sin tɔn be bɑ rɑɑ yoru mwɛɛrɑ mi, kon de bu wurɑmɑ. Nɛ, Yinni Gusunɔwɑ nɑ yeni ɡeruɑ.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Yeremi 33:13

Yɑ̃ɑ kpɑrobu bɑ koo mɑɑ yɑ̃ɑnu kpɑrɑ bɑɑmɑ kpuro wuu si su wɑ̃ɑ ɡuunun berɑ ɡiɑ kɑ si su wɑ̃ɑ wɔwi sɔɔ, kɑ si su wɑ̃ɑ sɔ̃ɔ yɛ̃sɑn nɔm dwɑru ɡiɑ, kɑ Bɛnyɑmɛɛn temɔ kɑ Yerusɑlɛmun bɑru kpɑɑnɔ kɑ Yudɑbɑn wusɔ. Nɛ, Yinni Gusunɔwɑ nɑ yeni ɡeruɑ.

Sɑkɑri 7:7

Yellu, nɛ, Yinni Gusunɔ nɑ tɔmbu kirɔ kuɑ kɑ ɡɑri yinin bweseru nɛn sɔmɔ ɡbiikobun min di. Sɑɑ ye sɔɔ, Yerusɑlɛmu kɑ wuu si su kɑ ye sikerenɛn tɔmbu bɑ wɑ̃ɑ bɔri yɛndu sɔɔ, mɑ tɔmbɑ yibɑ sɔ̃ɔ yɛ̃sɑn nɔm dwɑru ɡiɑ kɑ wɔwɑɔ.

Heberu 13:15

Ǹ n mɛn nɑ, sɑ n Gusunɔ siɑrɑmɔ sɑɑ Yesun min di kpeetim sɑri nɡe yɑ̃ku kobu, yerɑ sɑ n dɑ win yĩsiru siɑre kɑ bɛsɛn nɔɔ.

Piɛɛ I 2:5

I nɑ bɛɛn tii nɡe kpee wɑsinu bu kɑ bɛɛ dendi bu kɑ hunden wɑ̃ɑ yeru bɑni. Miyɑ i ko n sɑ̃ɑ yɑ̃ku kowo dɛɛrobu be bɑ tii Gusunɔ wɛ̃ɛmɔ nɡe yɑ̃ku ni u koo mwɑ Yesu Kirisin sɑɑbu.