Yeremi 16:18 - Bibeli Gusunɔn Gari

¹⁸ Kon bu ben durum ɑre wɛ̃ mɑm mɑm. Domi bɑ nɛn tem disi doke mɛ mu sɑ̃ɑ nɛn ɑrumɑni, mɑ bɑ derɑ mu ben bũun bwɑ̃ɑrokunu yibɑ ni nu ǹ wɑ̃ɑru mɔ.

Yeremi 16:18 ပူးပေါင်းရင်းမြစ်များ

Womusu 106:38

Nɡe mɛyɑ bɑ ɡemɡibun yɛm yɑri. Bɑ kɑ ben bibu Kɑnɑnin bũnu yɑ̃kuru kuɑ. Mɑ tem mɛ kpuro mu disi duurɑ tɔn ɡobe ten sɔ̃.

Esɑi 24:5

Domi mɛn tɔmbu bɑ mu disi doke, bɑ Yinni Gusunɔn woodɑbɑ kɑ win yiirebu yinɑ. Mɑ bɑ ɑrukɑwɑni nɔru sɑriɡiɑ ye u rɑɑ kɑ bu bɔkuɑ kusiɑ.

Esɑi 40:2

I Yerusɑlɛmuɡibu nukuru yɛmiɑsio, i nɛɛ, ben yorɑ kpɑ. Domi nɑ bu ben ɡɔbɑ ye bɑ kuɑ kpuron ɑre wɛ̃. Nɑ bu sɛɛyɑsiɑ ben durum ye bɑ kuɑ kpuron sɔ̃.

Esɑi 61:7

Yinni Gusunɔ u nɛɛ, bɑ bɛɛ sekuru doke tɑ kpɑ̃. Tɔmbɑ bɛɛ yɑ̃ɑtɑm siemɔ, yen sɔ̃nɑ seku ten ɑyerɔ i ko n bɑɑ mɔ n kpɑ̃ tɔn ben temɔ, kpɑ i n wɑ̃ɑ nuku dobu sɔɔ bi bu ǹ kpeemɔ.

Esɑi 65:6

Bɛɛ nɛn tɔmbu, wee ye nɑ ɡɔ̃ru doke n ko tɛ̃. Nɑ ǹ mɑrimɔ. Kon dewɑ i bɛɛn kɔ̃sɑn ɑre kpuro sɔbe.

Esɑi 65:7

Kon de i bɛɛn durum sɔbe kɑ mɑɑ bɛɛn sikɑdobɑɡiɑ, be, be bɑ mɑn torɑri bɑ bũnu turɑre dɔ̃ɔ dokeɑ ɡuunu wɔllɔ. Kon bɛɛ bɛɛn kookoo si i kuɑn ɑre kɔsiɑ.

Yeremi 17:18

A de be bɑ mɑn nɔni sɔ̃ɔmɔ bu sekuru wɑ. Kpɑ nɛ, nɑ kun tu wɑ. A de bu diiri, kpɑ nɛ, nɑ n wɑ̃ɑ kɑ toro sindu. A de nɔni swɑ̃ɑru tu bu deemɑ, kpɑ ɑ bu sɛɛyɑsiɑ n kpɑ̃.

Yeremi 2:7

Yen biru, u kɑ bu dɑ mi tem ɡem wɑ̃ɑ, kpɑ bu kɑ mɛn dɑ̃ɑ bii duronu kɑ mɛn dĩɑ ɡeenu di. Adɑmɑ ye bɑ turɑ mi, bɑ tem mɛ sɑnkɑ, bɑ mu disi doke.

Yeremi 44:4

Nɑ bɛɛ nɛn sɔmɔbu ɡɔriɑ sɑɑ yellun di bu kɑ bɛɛ sɔ̃, i ku sɑ̃ɑ kɔ̃su nini ko, ni nɛn tii nɑ tusɑ.

Yeremi 7:30

Domi be, Yudɑbɑ bɑ kɔ̃sɑ kuɑ nɛn nɔni sɔɔ. Bɑ kɑ bũnu duɑ diru mi bɑ rɑ mɑn sɑ̃, bɑ tu disi doke.

Esekiɛli 11:18

Mɛyɑ bɑ koo nɑ kpɑ bu bũu ni kpuro wunɑ ni bɑ rɑ rɑɑ sɑ̃ mi, ni nɛ, Yinni Gusunɔ nɑ ǹ kĩ.

Esekiɛli 11:21

Adɑmɑ be bɑ yɔ̃rɑri bɑ ben kĩru swĩi bɑ dɑ bɑ bũnu sɑ̃ɑmɔ ni nɛ, Yinni Gusunɔ nɑ ǹ kĩ mi, kon bu ben kookoosun ɑre kɔsiɑ. Nɛ, Yinni Gusunɔwɑ nɑ yeni ɡeruɑ.

Esekiɛli 36:18

Yen sɔ̃nɑ nɑ bu mɔru seesi yɛm mɛ bɑ yɑri ben tem sɔɔn sɔ̃ kɑ sere bũu ni bɑ kɑ mu disi doke.

Esekiɛli 5:11

Wee bɑ nɛn sɑ̃ɑ yeru disi doke kɑ ben bũnu kpuro. Yen sɔ̃, sere kɑ nɛn wɑ̃ɑru nɛn tii kon bu biru kisi, nɑ ǹ mɑɑ bu mɛɛrimɔ kɑ wɔnwɔndu.

Osee 9:7

Sɑɑ yɑ turɑ yè sɔɔ Yinni Gusunɔ u koo siri. Sɑɑ yɑ tunumɑ yè sɔɔ u koo bɑɑwure kɔsiɑ ye u kuɑ. Bɛɛ Isirelibɑ i ko ye wɑ. Wee bɛɛn torɑnu kɑ bɛɛn tusirun kpɑ̃ɑrun sɔ̃, i rɑ n tɑmɑɑ Gusunɔn sɔmɔ u wiirɑwɑ. Wi, wi Yinni Gusunɔ u kɑ ɡɑri kuɑ u tɑm nɔrɑwɑ. N deemɑ bɛɛ, i torewɑ n kpɑ̃, mɑ i nùn tusɑ.

Sɑ̃ɑrun Woodɑ 26:30

Kon bɛɛ tusi sere n bɛɛ ɡunɡuu nìn mi i rɑ yɑ̃kuru ko kɔsuku kɑ bwɑ̃ɑrokunu ni i rɑ kɑ sɔ̃ɔ sɑ̃. Kon bɛɛn ɡonu sɔndi bwɑ̃ɑroku nin kɛ̃kin wɔllɔ.

Misee 2:10

I seewo i doonɑ, i ǹ mɑɑ bɔri yɛndu wɑsi tem mɛ sɔɔ. Wɑhɑlɑ bɑkɑ yɑ bɛɛ mɑrɑ bɛɛn mɛm nɔɔbu sɑrirun sɔ̃.

Kɑ̃siru 18:6

I ye kɔsieyo nɡe mɛ yɑ bɛɛ kuɑ. I ye kɔsieyo nɡe mɛ yɑ bɛɛ kuɑn nɔn yiru. I yen nɔrɑ yibio kɑ tɑm mɛ mu bɔɔbu nɔn yiru n kere nɡe mɛ yɑ bɛɛ sɔkɑ.