Yeremi 16:16 - Bibeli Gusunɔn Gari

¹⁶ Yinni Gusunɔ u nɛɛ, wee, kon yibɛrɛbɑ seeyɑ bu Isirelibɑ mwɛɛri nɡe mɛ susure kowobu bɑ rɑ swɛ̃ɛ mwɛɛri. Yenibɑn biru, kon mɑɑ yibɛrɛ ɡɑbu seeyɑ bu bu wɔri bu ɡo ɡunɡunu wɔllɔ kɑ ɡuunɔ, kɑ sere mɑɑ kpee bɑɑbɑ sɔɔ nɡe mɛ tɑɑsobu bɑ rɑ yɛɛ wɔri bu ɡo.

Yeremi 16:16 ပူးပေါင်းရင်းမြစ်များ

Torubu 10:9

Yinni Gusunɔ u derɑ u kuɑ tɑɑso ɡeon tii tii. Yen sɔ̃nɑ bɑ rɑ mɔndu ɡɑru ko bu nɛɛ, Yinni Gusunɔ u nun ko tɑɑso ɡeo nɡe Nimurodu.

Esɑi 2:21

Kpɑ bu du bu kuke kpee bɑɑbɑ sɔɔ kɑ wɔrusɔ bu kɑ Yinni Gusunɔn dɑm kɑ win yiiko dukɑ suuri.

Esɑi 7:19

Be kpurowɑ bɑ koo nɑ bu sinɑ wɔwi piiminɔ kɑ kpee bɑɑbɑ sɔɔ, kɑ dɑ̃ɑ kikisɔ kɑ sere mɑɑ kpɑrɑ yenɔ,

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 4:29

Ye wusu kpuron tɔmbu bɑ mɑɑsɔbu kɑ tɛn towobun wɔkinu nuɑ, yerɑ bɑ duki yɑkikirɑ kpuro. Gɑbɑ wɔriki dɑ̃ɑ sɔ̃sɔ mɑ ɡɑbɑ duɑ kpee bɑɑbɑ sɔɔ. Bɑ wuu si deri su kuɑ bɑnsu.

Yeremi 49:5

Gusunɔ, wɔllu kɑ tem Yinni u nɛɛ, wee kon bɛɛ nɔni swɑ̃ɑru suremɑ. Tɑ koo nɑwɑ sɑɑ bɑɑmɑn di, kpɑ i yɑrinɑ. Goo mɑɑ sɑri wi u koo bɛɛ mɛnnɑ.

Yeremi 6:9

Gusunɔ, wɔllu kɑ tem Yinni, u Yeremi sɔ̃ɔwɑ u nɛɛ, bɑ koo Isireli be bɑ tie ɡurɑ mɑm mɑm nɡe mɛ bɑ rɑ dɑ̃ɑ binu sɔri bɑ kun ɡɑ̃ɑnu deri.

Swĩi 4:18

Yibɛrɛbɑ bɑ bɛsɛn sɑnu sɑnusu mɛɛrɑ, bu kɑ sun yinɑri su dɑ wuun bɑtumɑ sɔɔ. Bɛsɛn ɡɔɔ turuku kuɑ. Bɛsɛn wɑ̃ɑrun tɔ̃rɑ kpɑwɑ mi.

Swĩi 4:19

Bɛsɛn yibɛrɛ be, bɑ ɡunɔ bɑkeru sɑ̃ɑbu kere. Bɑ sun yɔɔru bwɛ̃ɛyɛ ɡbɑburɔ. Bɑ sun nɑɑ ɡire sere ɡuunu wɔllɔ.

Osee 10:10

Nɛ, Yinni Gusunɔ kon bu sɛɛyɑsiɑ nɡe mɛ nɑ kĩ, kpɑ bwesenu nu nɔɔ tiɑ ko nu bu wɔri ben torɑ bɑkɑnun sɔ̃.

Amɔsu 4:2

Nɛ, Yinni Gusunɔ nɑ bɔ̃rumɔ kɑ nɛn tiin yĩsi dɛɛrɑru nɑ mɔ̀, wee sɑɑ yɑ sisi yè sɔɔ bɑ koo bɛɛ kɑ bɛɛn bibun bweseru kɔkɔnu sɔre bu ɡɑwɑ nɡe swɛ̃ɛ.

Amɔsu 5:19

I ko i n sɑ̃ɑwɑ nɡe tɔnu wi u ɡbee sunɔ dukɑ suurimɔ, mɑ u kɑ yɑɑ ɡɔbɑ ɡɑɑ yinnɑ. Ye u duɑ win dirɔ u ɡɑnɑ nɛnuɑ, mɑ wɑɑ yɑ nùn dɔmɑ.

Misee 7:2

Domi tem mɛ sɔɔ, ɡoo sɑri wi u Gusunɔ mɛm nɔɔwɑmmɛ. Goo kun mɔ̀ dee dee. Be kpuro bɑ bwisikumɔwɑ bu tɔmbu ɡo. Mɑ bɑ sɑ̃kiriɑnɑmmɛ.

Sofoni 1:12

Yen tɔ̃ɔ te, u koo Yerusɑlɛmu bũuri kɑ fitilɑnu. U koo tɔmbu wɔrimɑ be bɑ sɔ̃ kpɛtɛɛ nɡe tɑm kɔrɔnu. Mɑ bɑ ɡerumɔ ben ɡɔ̃ruɔ bɑ mɔ̀, wi, Yinni Gusunɔ u ǹ ɡeɑ mɔ̀, u ǹ mɑɑ kɔ̃sɑ mɔ̀.

Sɑmuɛli I 24:11

Wee, wunɛn tiin nɔni wɑ ɡisɔ mɑ Yinni Gusunɔ u mɑn nun nɔmu bɛriɑ kpee wɔru ɡe sɔɔ. Bɑ nɛɛ, n nun ɡoowo, ɑdɑmɑ nɑ nun deri. Nɑ nɛɛ, nɑ ǹ nɛn yinni, wi Yinni Gusunɔ u ɡɔsɑ u kuɑ sunɔ nɔmu dokemɔ.

Sɑmuɛli I 26:20

Domi wee wunɛ Sɔɔlu, Isirelibɑn sinɑ boko, ɑ mɑn kɑsu ɑ ɡo nɡe ɡoo dɛ̃ɛ, ǹ kun mɛ nɡe kusu ɡuuru wɔllɔ. Adɑmɑ Gusunɔ u ku de n ɡbi tem tukumɔ mi ko nɑ n kɑ nùn tomɑ.