Yeremi 16:13 - Bibeli Gusunɔn Gari

¹³ Yen sɔ̃, kon bu yɑrɑ tem minin di, kpɑ bu dɑ tem mi ben bɑɑbɑbɑ kɑ ben tii bɑ ǹ yɛ̃. Miyɑ bɑ koo bũnu sɑ̃ sɔ̃ɔ sɔɔ kɑ wɔ̃kuru. Domi nɑ ǹ mɑɑ bu durom ɡɑm kuɑmmɛ.

Yeremi 16:13 ပူးပေါင်းရင်းမြစ်များ

Sinɑmbu II 25:21

Mɑ Bɑbilonin sinɑ boko wi, u derɑ bɑ bu so bɑ ɡo Ribilɑ mi, Hɑmɑtin temɔ. Nɡe mɛyɑ bɑ kɑ Yudɑbɑ ɡurɑ bɑ kɑ dɑ tem tukumɔ sere mi n tomɑ.

Bɑndun Gɑri II 7:20

kon bɛɛ wunɑwɑ nɛn tem di mɛ nɑ bɛɛ wɛ̃. Kpɑ n dii te yinɑ te nɑ ɡɔsɑ nɑ yi nɛnɛm nɛn yĩsirun sɔ̃ mi. Kpɑ n de bwesenu kpuro nu tu yɛ̃ɛ.

Womusu 81:12

Adɑmɑ bɛɛ nɛn tɔmbu, i ǹ mɑn swɑɑ dɑki, i ǹ mɑɑ mɑn mɛm nɔɔwɛ.

Yeremi 10:18

Domi Yinni Gusunɔ u nɛɛ, u koo de yibɛrɛ be, bu bɛɛ wɔri, kpɑ bu bɛɛ ɡurɑ bu kɑ bɛɛ dɑ mi n tomɑ.

Yeremi 14:8

Wunɛ wi bɛsɛ Isirelibɑ sɑ nɑɑnɛ sɑ̃ɑ, wunɑ ɑ rɑ sun fɑɑbɑ ko wɑhɑlɑn sɑɑ sɔɔ. Mbɑn sɔ̃nɑ kɑɑ n sɑ̃ɑ nɡe sɔɔ wi u sɑrɔ bɛsɛn temɔ u kpunɑ wɔ̃ku teeru tɔnɑ.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 15:14

Kon de bu ben yibɛrɛbɑ sɑ̃ tem tukumɔ mi bɑ ǹ yɛ̃. Domi nɛn mɔru seewɑwɑ be sɔɔ nɡe dɔ̃ɔ.

Yeremi 15:4

Biti kɑ bɛrum koo bwese tukunu mwɑ bɑ̀ n wɑ ye yɑ bu deemɑ, ye Yudɑn sinɑ boko Mɑnɑse Esekiɑsin bii u kuɑn sɔ̃ kpuro Yerusɑlɛmuɔ.

Yeremi 16:5

Yinni Gusunɔ u mɑɑ nɛɛ, ɑ ku du diru mi bɑ ɡɔɔ wooru sɔ̃ ɑ kɑ bu duurɑ. Domi nɑ nɛn bɔri yɛndu wunɑ tɔn ben min di. Nɑ ǹ ben kĩru mɔ, mɛyɑ nɑ ǹ mɑɑ ben wɔnwɔndu mɔ̀.

Yeremi 17:4

Ben torɑnun sɔ̃nɑ bɑ koo ben tem biɑ mɛ mu sɑ̃ɑ ben tubi. Kon bu ko ben yibɛrɛbɑn yobu, kpɑ bu dɑ tem mi bɑ ǹ yɛ̃. Domi bɑ derɑ nɛn mɔru yɑ yɑburɑ nɡe dɔ̃ɔ. Yɑ ko n mɑɑ yɑburewɑ sere kɑ bɑɑdommɑɔ.

Yeremi 22:26

Kon bu kɔ̃, wi kɑ win mɛro wi u nùn mɑrɑ. Kpɑ bu kɑ bu dɑ tem tukumɔ mi bɑ ǹ bu mɑrɑ. Miyɑ bɑ koo ɡbi.

Yeremi 22:28

Gɑbɑ koo bikiɑ bu nɛɛ, Yoyɑkini wi, u sɑ̃ɑwɑ nɡe weke te tɑ kɔsire, ǹ kun mɛ, nɡe ɡɑ̃ɑ ni ɡoo kun mɑɑ kĩ? Aɑwo. Ǹ n mɛn nɑ, mbɑn sɔ̃nɑ bɑ wi kɑ win bweseru tem yɑrɑ mɑ bɑ kɑ bu dɑ sere mi bɑ ǹ yɛ̃.

Yeremi 5:19

Tɛ̃ Yeremi, bɑ̀ n nɛɛ, mbɑn sɔ̃nɑ nɛ, Gusunɔ ben Yinni nɑ bu yenin bweseru kuɑmmɛ, kɑɑ bu wisiwɑ ɑ nɛɛ, bɑ mɑn deri bɑ kɑ tɔn tukobun bũnu nɑ ben temɔ bɑ sɑ̃ɑmɔ. Nɡe mɛyɑ ben tii bɑ koo dɑ bu tɔn tukobu sɑ̃ tem tukumɔ.

Yeremi 6:15

N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

Sɔ̃ɔsiru 28:36

Mɛyɑ u koo de bu bɛɛ mwɛɛri kɑ bɛɛn sunɔ wi i ko i ko bɛɛn wiruɡii bu kɑ dɑ tem tukumɔ bwese te bɛɛ kɑ bɛsɛn bɑɑbɑbɑ i ǹ yɛ̃ mi, kpɑ i bũnu sɑ̃ mi, ni bɑ kuɑ kɑ dɑ̃ɑ kɑ mɑɑ kpenu.

Sɔ̃ɔsiru 29:28

Ye yɑ beruɑ, Yinni Gusunɔ turowɑ u ye yɛ̃. Adɑmɑ bɛsɛɡiɑ ye u sun sɔ̃ɔsi bɛsɛ kɑ bɛsɛn bibun bweseru kpɑ su win woodɑ ye mɛm nɔɔwɑ.