Yeremi 15:8 - Bibeli Gusunɔn Gari

⁸ Kon de ben ɡɔminibu bu yɑni sɛɛri dɑbiru kerɑ yi yi wɑ̃ɑ nim wɔ̃kun ɡoorɔ. Kon de yibɛrɛbɑ bu nɑ bu ben ɑluwɑɑsibɑn mɛrobu wɔri sɔ̃ɔ sɔɔ ɡbɑ̃ɑrɑ. Kpɑ nuku sɑnkirɑru kɑ bɛrum ben mɛro be deemɑ subɑru sɔɔ.

Yeremi 15:8 ပူးပေါင်းရင်းမြစ်များ

Esɑi 3:25

Bɑ koo Yerusɑlɛmun tɔmbu kɑ yen tɑbu durɔbu ɡo tɑbu sɔɔ.

Esɑi 3:26

Tɔmbɑ koo wuri ko bu ɡɔɔ swĩ yen ɡbɑ̃rɑ kɔnnɔwɔ nɡe tɔn kurɔ wi bɑ wɔri bɑ win yɑ̃nu ɡurɑ mɑ u sɔ̃ temɔ.

Esɑi 4:1

Sɑɑ ye sɔɔ, tɔn kurɔbu nɔɔbɑ yiru bɑ koo durɔ turo sɔ̃ bu nɛɛ, sɑ ko bɛsɛn tii diisiɑ kpɑ su tii sebusiɑ. A ɡesi sun sekuru wunɔ kpɑ ɑ de sɑ n wunɛn yĩsiru sɔɔwɑ.

Yeremi 16:3

Wee ye yɑ koo bii be bɑ koo mɑrurɑ tem mɛ sɔɔ deemɑ, kɑ ben mɛrobu kɑ ben tundobu.

Yeremi 18:21

Yen sɔ̃, ɑ de ɡɔ̃ɔru tu ben bibu ɡo. A de bu ɡbisuku tɑbu sɔɔ, kpɑ kurɔbu bu durɔbu kɑ bibu biɑ, kpɑ bu ko ɡɔminibu. A de bɑrɑnu nu durɔ be ɡo, kpɑ bu ben ɑluwɑɑsibɑ ɡo tɑbu sɔɔ.

Yeremi 22:7

Kon tɑbu kowobu tɑbu yɑ̃nu sebusiɑ bu tu wɔri. Kpɑ bu ten ɡbere yi bɑ kuɑ kɑ dɑ̃ɑ ye bɑ mɔ̀ sɛduru wukiri bu dɔ̃ɔ doke.

Yeremi 4:16

I ye bwesenu kpuro nɔɔsio. Kpɑ i ye Yerusɑlɛmuɡibu sɔ̃ i nɛɛ, yibɛrɛbɑ bɑ wee sɑɑ tontonden di. Bɑ koo Yudɑbɑn wusu tɑbun kuuki koosi.

Yeremi 5:6

Yen sɔ̃nɑ bɑ̀ n duɑ dɑ̃ɑ sɔ̃ɔwɔ, ɡbee sinɑnsu su rɑ bu ɡo. Bɑ̀ n duɑ yɑkɑsɔ, ɡbeeku bɔ̃nu nu rɑ bu ɡo. Mɑ musuku ɡbeeku ɡɑ rɑ bu yɔɔru bwɛ̃ɛyɛ ben wuun ɡbɑ̃rɑrun kɔnnɔwɔ, be bɑ yɑrɑ min di, ɡu kɑ bu sɛ̃re ɡu kɑsuku. Domi ben torɑnu nu dɑbiɑ. Ben nɑɑnɛ sɑriru tɑ kpɑ̃.

Yeremi 6:26

Yinni Gusunɔ u nɛɛ, bɛɛ nɛn tɔmbu, i sɑɑki pɔrɑ sɛ̃keo kpɑ i tii torom wisi nuku sɑnkirɑnun sɔ̃. Bɛɛn bɑɑwure u ɡɔɔ swĩiyɔ nɡe wi u win bii teereru biɑ. I wuri koowo kɑ nɔni yĩresu. Domi wi u koo bɛɛ kpeerɑsiɑ u koo bɛɛ wɔriwɑ subɑru sɔɔ.

Swĩi 5:3

Bɛsɛn bɑɑbɑbɑ bɑ ɡu, mɑ bɛsɛn mɛrobu bɑ ɡɔminiru sɔ̃. Sɑ wɑ̃ɑ tundobu sɑri.

Esekiɛli 22:25

Ben sɔmɔbu bɑ sɑ̃ɑwɑ nɡe ɡbee sinɑn si su kukirimɔ sɑnɑm mɛ su yɑɑ wɑ su sɛ̃re. Domi bɑ tɔmbu ɡoomɔ. Mɑ bɑ ɡɑbun ɡobi kɑ dukiɑ wɔrɑmɔ. Mɑ bɑ derimɔ kurɔ ɡɔminibu bɑ dɑbiɑmɔ.

Osee 4:5

Sɔ̃ɔ teeru kɑɑ wɔrumɑwɑ sɔ̃ɔ sɔɔ ɡbɑ̃ɑrɑ kpɑ wunɛn beruse nɛn sɔmɔ u mɑɑ wɔrumɑ wɔ̃kuru. Kon mɑɑ Isirelin bweseru ɡo te tɑ sɑ̃ɑ nɡe wunɛn mɛro.

Luku 21:35

Domi tɑ koo bɑɑwure deemɑ wi u wɑ̃ɑ tem mɛ kpuro sɔɔ.