Yeremi 15:6 - Bibeli Gusunɔn Gari

⁶ Wee ɑ mɑn deri, mɑ ɑ biru wurɑ. Yen sɔ̃, kon nun nɔmɑ doke n nun kpeerɑsiɑ. Domi nɑ wɑsirɑ kɑ bɑɑdommɑn wɔnwɔn te nɑ nun kuɑmmɛ.

Yeremi 15:6 ပူးပေါင်းရင်းမြစ်များ

Esɑi 1:4

Mɑ Esɑi u nɛɛ, bɛɛ Isirelibɑ, bɔ̃rurobɑ i sɑ̃ɑ, domi i durum mɔ̀wɑ. Torɑnu nu yibɑ bɛɛn suunu sɔɔ. Nuku kɔ̃surun wɑ̃ɑrɑ i wɑ̃ɑ. Bɛɛ kpuro i sɑnkirewɑ, domi i Yinni Gusunɔ deri. I nùn ɡɛmɑ, wi, wi u sɑ̃ɑ bɛɛn Yinni Dɛɛro, mɑ i nùn biru kisi.

Esɑi 28:13

Yen sɔ̃nɑ win woodɑ ko n bu sɑ̃ɑwɛ bii sɔ̃ɔsiru te bɑ sɔ̃ɔsimɔ tɛɛru tɛɛru, tiɑ tiɑ. Kɑ mɛ, bɑ koo sokurɑ bu wɔrumɑ bu bɔɔkirɑ, kpɑ bu yinɑ mwɑɑrɑ.

Esɑi 31:3

Eɡibitiɡibu bɑ ǹ sɑ̃ɑ Gusunɔ, bɑ sɑ̃ɑwɑ tɔmbu. Mɛyɑ mɑɑ ben dumi yi ǹ dɑm tukum ɡɑm mɔ, yi sɑ̃ɑwɑ yɛɛ diri. Yinni Gusunɔ ù n win dɑm sɔ̃ɔsimɑ, be bɑ somiru kɑsu kɑ be bɑ bu somiru wee, bɑ koo sokurɑ bu wɔruku, kpɑ be kpuro bu mɛnnɑ bu ɡbi.

Yeremi 1:16

U koo win tɔmbu sɛɛyɑsiɑ ben kɔ̃sɑ yen sɔ̃ ye bɑ kɑ nùn deri, bɑ bũnu turɑre dɔ̃ɔ dokeɑ, mɑ bɑ bwɑ̃ɑroku ni ben nɔmu ɡɑ kuɑ yiirɑ bɑ sɑ̃wɑ.

Yeremi 13:14

Kpɑ bu soonɑ bu kɔsukunɑ, bɑɑbɑ kɑ bii, u ǹ ben ɡoon wɔnwɔndu mɔ̀. Gɑ̃ɑnu mɑɑ sɑri ni nu koo nùn yɔ̃rɑsiɑ sere u kɑ be kpuro ɡo.

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Yeremi 2:17

Yeni yɑ koo bɛɛ deemɑ, domi i Gusunɔ bɛɛn Yinni deri sɑnɑm mɛ u bɛɛ kpɑre swɑɑ ɡeɑ sɔɔ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 20:9

Nɑ̀ n nɛɛ, kon nun deriwɑ, nɑ ǹ mɑɑ wunɛn ɡɑri kpɑrɑmɔ, n dɑ n sɑ̃ɑwɑ nɡe dɔ̃ɔ u wɑ̃ɑ nɛn wɑsi sɔɔ u nɛn kukunu mɛnimɔ. Kpɑ n kookɑri ko n kɑ tii mɑrisi, ɑdɑmɑ nɑ ku rɑ kpĩ.

Yeremi 44:22

Aɑwo, u ǹ ye duɑri. U kɑ bɛɛ wɑsirɑwɑ bɛɛn kom kɔ̃sum sɔ̃ kɑ dɑɑ kɔ̃sɑ ye i kuɑn sɔ̃. Yen sɔ̃nɑ bɛɛn tem mu kuɑ bɑnsu. Goo mɑɑ sɑri mɛ sɔɔ. Mɑ mu kuɑ tem bɔ̃rurɑm nɡe mɛ sɑ wɑɑmɔ ɡisɔ.

Yeremi 6:11

Yinni Gusunɔ, wee, nɑ kɑ tɔn be mɔru mɔ̀ wunɛn sɔ̃. Nɑ kpɑnɑ n tii nɛnɛ. Mɑ Yinni Gusunɔ u nɛɛ, ɑ de mɔru ye ɑ mɑn kuɑmmɛ mi, yu wɔri bibu sɔɔ be bɑ dweemɔ dɑ̃ɑ sɑɑnɔ, kɑ sere mɑɑ ɑluwɑɑsibɑn wuunu sɔɔ. Domi kurɔbu kɑ durɔbu kɑ tɔkɔnu, kpurowɑ bɑ koo ɡurɑ bu kɑ doonɑ.

Yeremi 6:12

Kpɑ ben yɛnusu su ko ɡɑbuɡisu kɑ ben ɡbeɑ kɑ ben kurɔbu. Domi kon tem mɛ kpuron tɔmbu nɛn dɑm sɔ̃ɔsi. Nɛ, Yinni Gusunɔwɑ nɑ yeni ɡeruɑ.

Yeremi 6:19

Bɛɛ temɡibu, i wɑɑwo. Wee kon nɛn tɔmbu kɔ̃sɑ sure. Yerɑ yɑ ko n sɑ̃ɑ ben bwisikunun ɑre. Domi bɑ ǹ nɛn ɡɑri swɑɑ dɑki, mɑ bɑ nɛn woodɑbɑ ɡɛmɑ.

Yeremi 7:16

Wunɛ Yeremi, ɑ ku mɑn suuru kɑnɑ Yudɑbɑn sɔ̃. A ku bu kɑnɑru ɡɑru kuɑ. Domi nɑ ǹ nun swɑɑ dɑkimɔ.

Yeremi 7:24

Adɑmɑ bɑ ǹ swɑɑ tem kpĩ bu nɛn ɡɑri nɔ. Ben tiin ɡɔ̃ru kĩrɑ bɑ swĩi, mɑ ben dɑɑ kɔ̃sɑ yɑ sosi.

Yeremi 8:5

Ǹ n mɛn nɑ, mbɑn sɔ̃nɑ nɛn tɔmbu Yudɑbɑ bɑ swɑɑ kɔ̃sɑ swĩi bɑ dɔɔ. Bɑ yɔ̃rɑriwɑ dim dim ben weesu sɔɔ bɑ n bũnu sɑ̃ɑmɔ. Bɑ ǹ kĩ bu ɡɔsirɑmɑ nɛn mi.

Yeremi 8:9

Wee bwisiɡibɑ nɛ, Yinni Gusunɔn ɡɑri ɡɛmɑ. Mɑ bɑ yibɛrɛbɑn yinɑ mwɑɑrɑ bɑ wɑ̃ɑ biti kɑ sekuru sɔɔ. Ǹ n mɛn nɑ, bwisi yirɑ̀ bɑ mɑɑ mɔ.

Esekiɛli 14:9

Nɛn sɔmɔ ɡoo ù n wurɑ durɔ wi, u nùn nɔni wɔ̃kuɑ, mɑ u nùn bikiɑru kuɑ, nɛ, Yinni Gusunɔwɑ nɑ derɑ u kuɑ mɛ. Nɛn tiiwɑ kon sɔmɔ wi wunɑ nɛn tɔmbun suunu sɔɔn di.

Esekiɛli 25:7

yen sɔ̃nɑ tɛ̃, kon bu nɔmu dɛmiɛ, kpɑ n bu bwesenu ɡɑnu nɔmu bɛriɑ nɡe ɡbeeku yɛɛ. Kon bu kpeerɑsiɑ bwesenun suunu sɔɔn di kpɑ bu kɑm ko mɑm mɑm. Sɑɑ ye sɔɔ, bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 35:3

ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee kon tu wɔrimɑ. Kon tu nɛn nɔmu dɛmiɛ kpɑ n tu ko bɑnsu.

Osee 11:7

Wee nɛn tɔmbu bɑ yɔ̃rɑri bu kɑ mɑn tondɑ. Bɑ bu sokɑ bu ɡɔ̃ru ɡɔsiɑ bu wurɑmɑ nɛ, Wɔrukoon mi. Adɑmɑ ben ɡoo kun wure.

Osee 13:14

Kon bu wunɑ sɑɑ ɡɔribun wɑ̃ɑ yerun dɑm di. Kpɑ n bu yɑkiɑ ɡɔɔn nɔmɑn di. Gɔɔ, ɑ nɑ kɑ wunɛn bɑrɑ te ɑ rɑ kɑ tɔnu ɡo. Gɔribun wɑ̃ɑ yeru, ɑ nɑ kɑ wunɛn kɑm kootiɑ. Domi nɑ ǹ mɑɑ ben wɔnwɔndu mɔ̀.

Osee 4:16

Isirelibɑ bɑ sɑ̃ɑwɑ nɡe nɑɑ ɡbiibɑ ye bɑ kpɑnɑ bu kpɑrɑ. Adɑmɑ tɛ̃, Yinni Gusunɔ u koo bu yɔ̃su bɑtumɑ sɔɔ nɡe yɑ̃ɑnu.

Sofoni 1:4

Yinni Gusunɔ u mɑɑ nɛɛ, kon Yudɑbɑ kɑ Yerusɑlɛmuɡibu kpuro nɔmɑ doke. Kon bũu wi bɑ mɔ̀ Bɑɑlin sɑ̃ɑ yee ni nu tie kpeerɑsiɑ min di. Kon yen wiruɡibu kɑ yen yɑ̃ku kowobun yĩsɑ ɡo.

Sɑkɑri 7:11

Adɑmɑ bɑ ǹ ɡɑri yi swɑɑ sue. Bɑ swɑɑ tɑɑyɑwɑ.