Yeremi 15:19 - Bibeli Gusunɔn Gari

¹⁹ Mɑ Yinni Gusunɔ u Yeremi wisɑ u nɛɛ, ɑ̀ n ɡɔsirɑmɑ nɛn mi, kon de ɑ mɑɑ ko nɛn sɔm kowo. À n wurɑ ɑ mɛm sɑɑrinu deri kpɑ ɑ ɡɑri ɑrufɑɑniɡii ɡere, kon mɑɑ nɛn ɡɑri doke wunɛn nɔɔwɔ. N ǹ mɔ wunɑ kɑɑ ɡɔsirɑ ben mi, beyɑ n weenɛ bu wurɑmɑ wunɛn mi.

Yeremi 15:19 ပူးပေါင်းရင်းမြစ်များ

Sinɑmbu I 17:1

Gusunɔn sɔmɔ Eli wi u wɑ̃ɑ Tisibiɔ Gɑlɑdin temɔ u sinɑ boko Akɑbu sɔ̃ɔwɑ u nɛɛ, kɑ Gusunɔ Isirelibɑn Yinni wi nɑ sɑ̃ɑmɔ minin wɑ̃ɑru, ɡurɑ kɑ kɑkoru, yen ɡɑɑ kun mɑɑ nɛmɔ wɔ̃ɔ sinin bɑɑ sɔɔ sere dɔmɑ te nɑ wure nɑ nɛɛ, yɑ koo nɛ.

Yɑribu 4:12

Ǹ n mɛn nɑ, ɑ doo tɛ̃. Kon nun somi. Kon nun sɔ̃ɔsi ye kɑɑ ɡere.

Mɔnnu 22:29

Wi u win sɔmburun ɑsɑnsi yɛ̃, u koo kpĩ u ko sinɑmbun sɔm kowo, kpɑ u kun mɑɑ sɑ̃ɑ wi u wɑ̃ɑ bɔkuɔ.

Yeremi 1:9

Mɑ u win nɔmu dɛmiɑ u nɛn nɔɔ bɑbɑ u nɛɛ, wee u win ɡɑri doke nɛn nɔɔwɔ.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 20:9

Nɑ̀ n nɛɛ, kon nun deriwɑ, nɑ ǹ mɑɑ wunɛn ɡɑri kpɑrɑmɔ, n dɑ n sɑ̃ɑwɑ nɡe dɔ̃ɔ u wɑ̃ɑ nɛn wɑsi sɔɔ u nɛn kukunu mɛnimɔ. Kpɑ n kookɑri ko n kɑ tii mɑrisi, ɑdɑmɑ nɑ ku rɑ kpĩ.

Yeremi 35:19

Yen sɔ̃, Yonɑdɑbu, Rekɑbun bii wi, u ǹ kɔsirebɑ biɑmɔ win bweseru sɔɔ be bɑ ko n nɛn sɔmburu mɔ̀.

Yeremi 4:1

Yinni Gusunɔ u nɛɛ, bɛɛ Isirelibɑ, ì n kĩ i wurɑmɑ nɛn mi, i ko kpĩ i wurɑmɑ. Ì n bɛɛn bũu sɑ̃ɑru deri, i ǹ mɑɑ yɑɑyɑɑre mɔ̀,

Yeremi 6:29

Bɑ̀ n sisu kɑ pɛɛrum dɔ̃ɔ doke bɑ wure, ye kpuro yɑ rɑ yɑndewɑ, kpɑ pɛɛrum mɛ, mu sii si sɔwɑ. Adɑmɑ kɑm sɔɔrɑ bɑ Isirelibɑ sɔwɑ. Ben tɔn kɔ̃sobu bɑ ǹ wunɑrɑmɔ,

Swĩi 1:11

Wee, Yerusɑlɛmuɡibu kpuro bɑ wɑsire bɑ dĩɑnu kɑsu ni bɑ koo di. Mɑ bɑ kɑ ben ɡɑ̃ɑ ɡeenu dĩɑ ni kɔsinɑ bu wɑ bɑ n kɑ wɑ̃ɑ. Yerusɑlɛmu yɑ nɛɛ, Yinni Gusunɔ, ɑ mɛɛrio nɡe mɛ nɑ wɔnwɔndu soore.

Esekiɛli 2:7

Bɑ nun swɑɑ dɑki? Bɑ ǹ nun swɑɑ dɑki? A ɡesi bu sɔ̃ɔwɔ ye nɑ ɡeruɑ, bɑɑ mɛ bɑ sɑ̃ɑ mɛm nɔɔ sɑribɑ.

Esekiɛli 22:26

Ben yɑ̃ku kowobu bɑ ku rɑ nɛn woodɑbɑ mɛm nɔɔwɛ. Bɑ ku rɑ mɑɑ nɛn sɑ̃ɑ yeru bɛɛrɛ wɛ̃. Bɑ ku rɑ wunɑnɛ ye yɑ sɑ̃ɑ nɛɡiɑ kɑ ye yɑ ǹ sɑ̃ɑ nɛɡiɑ. Bɑ ku rɑ mɑɑ tɔmbu sɔ̃ɔsi ye yɑ dɛɛre kɑ ye yɑ ǹ dɛɛre. Bɑ ku rɑ mɑm nɛn tɔ̃ɔ wɛ̃rɑruɡii te mɛm nɔɔwɛ. Ye kpuro sɔɔrɑ bɑ ku rɑ mɑn bɛɛrɛ wɛ̃.

Esekiɛli 44:23

Bɑ koo nɛn tɔmbu sɔ̃ɔsiwɑ ye yɑ sɑ̃ɑ nɛ Gusunɔɡiɑ kɑ ye yɑ ǹ sɑ̃ɑ nɛɡiɑ. Yeyɑ, ye yɑ dɛɛre kɑ ye yɑ ǹ dɛɛre.

Sɑ̃ɑrun Woodɑ 14:57

Woodɑ yerɑ yɑ koo sɔ̃ɔsi ɡɑ̃ɑ ni nu dɛɛre kɑ ni nu kun dɛɛre.

Yonɑsi 3:2

Yonɑsi, ɑ seewo ɑ dɑ Ninifu wuu mɑro ɡen mi. Kpɑ ɑ ɡɑri yi ɡere yi kon nun sɔ̃.

Sɑkɑri 3:7

ɑmɛniwɑ wi, Gusunɔ wɔllu kɑ tem Yinni u ɡeruɑ. U nɛɛ, ɑ̀ n sĩimɔ win swɛɛ sɔɔ, mɑ ɑ win woodɑbɑ mɛm nɔɔwɑmmɛ, wunɑ kɑɑ win sɑ̃ɑ yeru kɑ ten yɑɑrɑn sɔmburu kpɑrɑ. U koo nun kowɑ be bɑ win sɔmburu mɔ̀n turo.

Luku 1:19

Mɑ ɡɔrɑdo wi, u nùn wisɑ u nɛɛ, nɛnɑ Gɑbiriɛ, nɛ wi nɑ rɑ n yɔ̃ Gusunɔn wuswɑɑɔ. Bɑ mɑn ɡɔrimɑwɑ n kɑ nun ɡɑri ko kpɑ n kɑ nun lɑbɑɑri ɡeɑ ye nɔɔsiɑ.

Luku 10:16

Mɑ u win bwɑ̃ɑbu sɔ̃ɔwɑ u nɛɛ, wi u bɛɛ swɑɑ dɑki, nɛnɑ u swɑɑ dɑki, wi u mɑɑ bɛɛ yinɑ, nɛnɑ u yinɑ, wi u mɑɑ mɑn yinɑ u mɑɑ wi u mɑn ɡɔrimɑ yinɑwɑ.

Luku 12:12

Domi Hunde Dɛɛro u koo bɛɛ sɔ̃ɔsi sɑɑ ye, ye n weenɛ i ɡere.

Luku 21:15

Domi kon de i ɡɑri ɡere kɑ bwisi yi bɛɛn yibɛrɛbɑ kpuro bɑ ǹ kpɛ̃ bu yinɑ, ǹ kun mɛ bu siki.

Luku 21:36

Yen sɔ̃, i n swɑɑ mɛɛrɑ kpɑ i n kɑnɑru mɔ̀ sɑɑ bɑɑyere, kpɑ i dɑm wɑ i kɑ kisirɑ kpuro ye n koo nɑn di, kpɑ i kɑ kpĩ i yɔ̃rɑ Tɔnun Biin wuswɑɑɔ.

Gɔrobun Kookoosu 20:27

Domi nɑ ǹ ɡɑ̃ɑnu ɡɑnu beruɑ, nɑ bɛɛ Gusunɔn himbɑ kpuro nɔɔsiɑ.

Korinti II 5:16

Yen sɔ̃nɑ sɑ ǹ mɑɑ tɔnu mɛɛrimɔ kɑ nɔni tɔnɑ. Bɑɑ mɛ sɑ ɡɑsɔ Kirisi mɛɛrɑ kɑ nɔni tɔnɑ, tɛ̃ sɑ ǹ mɑɑ nùn mɛɛrimɔ nɡe mɛ.

Gɑlɑti 1:10

Nɑ tɔnun siɑrɑbu kɑsu kɑ ɡɑri yini? Aɑwo, Gusunɔn siɑrɑbɑ nɑ kĩ. Nɑ kookɑri mɔ̀ n kɑ ko ye n koo tɔmbu dore ro? Aɑwo. Nɑ̀ n kĩ n ko sere kɑ tɛ̃ ye n tɔmbu doremɔ, nɑ ǹ ko nɑ n sɑ̃ɑ Kirisin yoo.

Gɑlɑti 2:5

Adɑmɑ sɑ ǹ ben ɡɑri wure bɑɑ fiiko yèn sɔ̃ sɑ kĩ Lɑbɑɑri ɡeɑn ɡem mu n wɑ̃ɑ bɛɛn suunu sɔɔ.

Heberu 5:14

Adɑmɑ dĩɑ dɔki sɑ̃ɑwɑ ɡuro ɡurobun dĩɑnu be bɑ ɡeɑ kɑ kɔ̃sɑn wunɑnɑbu ɡiɑ yèn sɔ̃ bɑ yen dɔɔnɛ mɔ.

Yudu 1:24

Gusunɔ turo sɑ̃ɑ bɛsɛn Fɑɑbɑ kowo wi u koo kpĩ u bɛɛ kɔ̃su i ku kɑ wɔrumɑ, kpɑ u bɛɛ terɑsiɑ win yiiko sɔɔ tɑɑrɛ sɑriru sɔɔ kɑ nuku dobu. Wiyɑ u yiiko kɑ kpɑ̃ɑru kɑ dɑm kɑ ɡirimɑ mɔ sɑɑ bɛsɛn Yinni Yesu Kirisin min di, yee yellun di, kɑ tɛ̃, sere kɑ bɑɑdommɑɔ. Ami.