Yeremi 15:14 - Bibeli Gusunɔn Gari

¹⁴ Kon de bu ben yibɛrɛbɑ sɑ̃ tem tukumɔ mi bɑ ǹ yɛ̃. Domi nɛn mɔru seewɑwɑ be sɔɔ nɡe dɔ̃ɔ.

Yeremi 15:14 ပူးပေါင်းရင်းမြစ်များ

Womusu 21:9

Sinɑ boko, dɔmɑ te kɑɑ tii sɔ̃ɔsi, kɑɑ wunɛn yibɛrɛbɑ nɔmɑ turi, kɑɑ be bɑ nun tusɑ nɔmɑ turi, kɑɑ bu doke dɔ̃ɔ bwee bɑkɑru sɔɔ. Yinni Gusunɔn mɔru yɑ sɑ̃ɑwɑ nɡe dɔ̃ɔ boko. Dɔ̃ɔ wi, u koo bu mwɑ.

Esɑi 42:25

Yen sɔ̃nɑ u kɑ sun mɔru bɑrɑ too. U derɑ bɑ sun tɑbu wɔri kɑ dɑm. Tɑbu sun sikerenɛ nɡe dɔ̃ɔ. Bu sun di, ɑdɑmɑ sɑ ǹ tubɑ. Sɑ ǹ mɑm lɑɑkɑri kue.

Yeremi 14:18

Nɑ̀ n yɑrɑ nɑ dɑ yɑkɑsɔ, nɑ rɑ tɔn be bɑ ɡo tɑbu sɔɔn ɡonu wɑwɑ nu kpĩ. Nɑ̀ n mɑɑ wurɑmɑ wuuɔ, kpɑ n deemɑ tɔmbɑ bɑrɔ ɡɔ̃ɔrun sɑɑbu. Gusunɔn sɔmɔbu kɑ yɑ̃ku kowobu bɑ rɑ n den sirenɛwɑ tem mɛ sɔɔ. Bɑ ǹ yɛ̃ ye bɑ mɔ̀.

Yeremi 15:4

Biti kɑ bɛrum koo bwese tukunu mwɑ bɑ̀ n wɑ ye yɑ bu deemɑ, ye Yudɑn sinɑ boko Mɑnɑse Esekiɑsin bii u kuɑn sɔ̃ kpuro Yerusɑlɛmuɔ.

Yeremi 16:13

Yen sɔ̃, kon bu yɑrɑ tem minin di, kpɑ bu dɑ tem mi ben bɑɑbɑbɑ kɑ ben tii bɑ ǹ yɛ̃. Miyɑ bɑ koo bũnu sɑ̃ sɔ̃ɔ sɔɔ kɑ wɔ̃kuru. Domi nɑ ǹ mɑɑ bu durom ɡɑm kuɑmmɛ.

Yeremi 17:4

Ben torɑnun sɔ̃nɑ bɑ koo ben tem biɑ mɛ mu sɑ̃ɑ ben tubi. Kon bu ko ben yibɛrɛbɑn yobu, kpɑ bu dɑ tem mi bɑ ǹ yɛ̃. Domi bɑ derɑ nɛn mɔru yɑ yɑburɑ nɡe dɔ̃ɔ. Yɑ ko n mɑɑ yɑburewɑ sere kɑ bɑɑdommɑɔ.

Yeremi 4:4

Geemɑ, i bɑnɡo sɑ̃ɑ wɑsi sɔɔ. Adɑmɑ n tiewɑ i mɑn tii wɛ̃, kpɑ nɛn mɔru yu ku rɑɑ yɑburɑ nɡe dɔ̃ɔ, wi ɡoo kun kpɛ̃ u ɡo, domi bɛɛn nuku kɔ̃suru tɑ kpɑ̃.

Yeremi 52:27

Mɑ sinɑ boko u bu so so. Mɑ u derɑ bɑ bu ɡo Ribilɑ mi, Hɑmɑtin temɔ. Nɡe mɛyɑ bɑ kɑ Yudɑbɑ yoru mwɛɛrɑ bɑ kɑ doonɑ n tomɑ ben tem di.

Amɔsu 5:27

Yen sɔ̃, u koo de bu bɛɛ yoru mwɛɛri bu kɑ dɑ sere Dɑmɑsin berɑ ɡiɔ. Wi, Gusunɔ wɔllu kɑ tem Yinniwɑ u yeni ɡeruɑ.

Sɔ̃ɔsiru 28:25

Yinni Gusunɔ u koo de bɛɛn yibɛrɛbɑ bu bɛɛ kɑmiɑ. Swɑɑ tiɑ ko i kɑ bu wɔri ɑdɑmɑ i ko i duki yɑrinɑwɑ ben wuswɑɑn di i swɑɑ dɑbinu mwɑ. Hɑnduniɑn bwesenu kpuro nu koo biti ko nù n wɑ ye yɑ bɛɛ deemɑ.

Sɔ̃ɔsiru 28:36

Mɛyɑ u koo de bu bɛɛ mwɛɛri kɑ bɛɛn sunɔ wi i ko i ko bɛɛn wiruɡii bu kɑ dɑ tem tukumɔ bwese te bɛɛ kɑ bɛsɛn bɑɑbɑbɑ i ǹ yɛ̃ mi, kpɑ i bũnu sɑ̃ mi, ni bɑ kuɑ kɑ dɑ̃ɑ kɑ mɑɑ kpenu.

Sɔ̃ɔsiru 28:64

Nɡe mɛyɑ u koo de i yɑrinɑ i n wɑ̃ɑ hɑnduniɑn bwesenu kpuro sɔɔ. Miyɑ i ko i bũnu sɑ̃ ni bɛɛ kɑ bɛsɛn bɑɑbɑbɑ i ǹ dɑɑ yɛ̃ ni bɑ kɑ dɑ̃ɑ kɑ kpenu kuɑ.

Sɔ̃ɔsiru 29:23

Sɑɑ yerɑ bwese ni, nu koo bikiɑ nu nɛɛ, mbɑn sɔ̃nɑ Yinni Gusunɔ u tem mɛ kuɑ mɛsum. Mbɑn sɔ̃nɑ u mu kpeerɑsiɑ kɑ win mɔru bɑkɑ.

Sɔ̃ɔsiru 32:22

Win mɔru koo se nɡe dɔ̃ɔ yɑrɑ kpɑ yi ɡɑ̃ɑnu kpuro dɔ̃ɔ mɛni tem sɔɔ, kpɑ yu mɑɑ dɑ sere tem sɔɔ sɔɔwɔ. Kpɑ yu ɡuunun kpɛɛkpɛɛkunu dɔ̃ɔ mɛni.

Heberu 12:29

Geemɑ, Gusunɔ bɛsɛn Yinni u sɑ̃ɑwɑ nɡe dɔ̃ɔ wi u rɑ kɑm koosie.