Yeremi 15:1 - Bibeli Gusunɔn Gari

¹ Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 15:1 ပူးပေါင်းရင်းမြစ်များ

Torubu 19:27

Ye n kuɑ buru buru yellu, yerɑ Aburɑhɑmu u dɑ u yɔ̃rɑ mi u rɑɑ kɑ Yinni Gusunɔ ɡɑri kuɑ.

Sinɑmbu II 17:20

Mɑ Yinni Gusunɔ u Isirelibɑn bweseru kpuro biru kisi. U bu wɛrɔbu nɔmɑ bɛriɑ, bɑ bu sekuru doke, bɑ kɑ bu doonɑ win wuswɑɑn di.

Womusu 106:23

Yen biru, ɑ ɡɔ̃ru doke ɑ bu kpeerɑsiɑ. Adɑmɑ Mɔwisi wunɛn sɔm kowo u nun suuru kɑnɑ ɑ kɑ wunɛn mɔru suresiɑ, kpɑ ɑ ku mɑɑ bu kɑm koosiɑ.

Womusu 99:6

Mɔwisi kɑ Aroni bɑ wɑ̃ɑwɑ win yɑ̃ku kowobu sɔɔ. Sɑmuɛli u sɑ̃ɑwɑ be bɑ rɑ nùn sokun turo. Be kpurowɑ bɑ nùn sokɑ mɑ u bu wurɑri.

Mɔnnu 14:35

Sinɑ ɑsɑkpɔ bwisiɡiiwɑ sunɔ u rɑ kɑ nɔnu ɡeu mɛɛri, kpɑ u kɑ wi u nùn sekuru dokemɔ mɔru ko.

Yeremi 10:18

Domi Yinni Gusunɔ u nɛɛ, u koo de yibɛrɛ be, bu bɛɛ wɔri, kpɑ bu bɛɛ ɡurɑ bu kɑ bɛɛ dɑ mi n tomɑ.

Yeremi 11:14

Adɑmɑ wunɛ Yeremi, ɑ ku kɑnɑru ko tɔn ben sɔ̃. Domi bɑɑ bɑ̀ n mɑn sokɑ ben wɑhɑlɑn sɑɑ sɔɔ, nɑ ǹ bu wurɑrimɔ.

Yeremi 14:11

Mɑ Yinni Gusunɔ u Yeremi sɔ̃ɔwɑ u nɛɛ, ɑ ku tɔn be kɑnɑru kuɑ n kɑ bu ɡeɑ kuɑ.

Yeremi 14:12

Domi bɑɑ bɑ̀ n nɔɔ bɔkuɑ, nɑ ǹ ben kɑnɑru nɔɔmɔ. Bɑ̀ n mɑɑ yɑ̃ku dɔ̃ɔ mwɑɑrɑruɡinu kɑ kɛ̃nu ɡɑnu kuɑ, nɑ ǹ nu mwɑɑmɔ. Kon de bu ɡbiwɑ ɡɔ̃ɔrun sɔ̃ kɑ kɛ̃si kɛ̃si bɑrɑrun sɔ̃ kɑ mɑɑ tɑbu sɔɔ.

Yeremi 15:19

Mɑ Yinni Gusunɔ u Yeremi wisɑ u nɛɛ, ɑ̀ n ɡɔsirɑmɑ nɛn mi, kon de ɑ mɑɑ ko nɛn sɔm kowo. À n wurɑ ɑ mɛm sɑɑrinu deri kpɑ ɑ ɡɑri ɑrufɑɑniɡii ɡere, kon mɑɑ nɛn ɡɑri doke wunɛn nɔɔwɔ. N ǹ mɔ wunɑ kɑɑ ɡɔsirɑ ben mi, beyɑ n weenɛ bu wurɑmɑ wunɛn mi.

Yeremi 16:13

Yen sɔ̃, kon bu yɑrɑ tem minin di, kpɑ bu dɑ tem mi ben bɑɑbɑbɑ kɑ ben tii bɑ ǹ yɛ̃. Miyɑ bɑ koo bũnu sɑ̃ sɔ̃ɔ sɔɔ kɑ wɔ̃kuru. Domi nɑ ǹ mɑɑ bu durom ɡɑm kuɑmmɛ.

Yeremi 16:5

Yinni Gusunɔ u mɑɑ nɛɛ, ɑ ku du diru mi bɑ ɡɔɔ wooru sɔ̃ ɑ kɑ bu duurɑ. Domi nɑ nɛn bɔri yɛndu wunɑ tɔn ben min di. Nɑ ǹ ben kĩru mɔ, mɛyɑ nɑ ǹ mɑɑ ben wɔnwɔndu mɔ̀.

Yeremi 18:20

Kɑɑ de ɡeɑ yu ɡɔsirɑ kɔ̃sɑ? Wee bɑ dɔkɔ kpiriru ɡbɑ bu kɑ mɑn kpɛ̃ɛ sɔɔ. A yɑɑyo mɑ nɑ yɔ̃rɑ wunɛn wuswɑɑɔ ben sɔ̃, nɑ kɑ nun ɡɑri kuɑ kpɑ ɑ ku mɑɑ kɑ bu mɔru ko.

Yeremi 22:28

Gɑbɑ koo bikiɑ bu nɛɛ, Yoyɑkini wi, u sɑ̃ɑwɑ nɡe weke te tɑ kɔsire, ǹ kun mɛ, nɡe ɡɑ̃ɑ ni ɡoo kun mɑɑ kĩ? Aɑwo. Ǹ n mɛn nɑ, mbɑn sɔ̃nɑ bɑ wi kɑ win bweseru tem yɑrɑ mɑ bɑ kɑ bu dɑ sere mi bɑ ǹ yɛ̃.

Yeremi 23:39

kon bu biru kisi kpɑ n bu duɑri, be kɑ ben wuu ɡe nɑ rɑɑ be kɑ ben bɑɑbɑbɑ wɛ̃.

Yeremi 35:19

Yen sɔ̃, Yonɑdɑbu, Rekɑbun bii wi, u ǹ kɔsirebɑ biɑmɔ win bweseru sɔɔ be bɑ ko n nɛn sɔmburu mɔ̀.

Yeremi 52:3

Yinni Gusunɔ u kɑ Yerusɑlɛmuɡibu kɑ Yudɑbɑ mɔru kuɑ, mɑ u bu ɡirɑ win wuswɑɑn di. Mɑ Sedesiɑsi u Nɛbukɑnɛsɑɑ Bɑbilonin sinɑ boko seesi.

Yeremi 9:19

Bɛɛ kurɔbu, i Yinni Gusunɔn ɡɑri nɔɔwɔ. Kpɑ i swɑɑ dɑki i nɔ ye u ɡerumɔ. I bɛɛn wɔndiɑbɑ wuri sɔ̃ɔsio, i ɡɔɔ wuri sɔ̃ɔsinɔ.

Esekiɛli 14:14

bɑɑ tɔmbu itɑ beni Nɔwɛ kɑ Dɑniɛli kɑ Yoobu bɑ̀ n wɑ̃ɑ mi, bɑ ǹ kpɛ̃ bu tem mɛn tɔmbu kpuro fɑɑbɑ ko ben ɡem sɔ̃. Ben tii tɔnɑwɑ ben ɡem mu koo de bu fɑɑbɑ wɑ. Nɛ, Yinni Gusunɔwɑ nɑ yeni ɡeruɑ.

Esekiɛli 22:30

Wee nɑ ɡoo kɑsu ben suunu sɔɔ u ɡbɑ̃rɑru bɑni u kɑ sikerenɑ, ǹ kun mɛ u yɔ̃rɑ kururu mi, u kɑ tem mɛ yinɑ n ku kɑ mu kɑm koosiɑ. Adɑmɑ nɑ ǹ ɡoo wɑ.

Osee 9:15

Yinni Gusunɔ u nɛɛ, ɡeemɑ ben nuku kɔ̃suru kpuro tɑ sɔ̃ɔsirɑ Giliɡɑliɔ. Miyɑ nɑ bu wɑ mɑ nɑ bu tusɑ. Kon bu ɡirɑ nɛn wuswɑɑn di ye bɑ kuɑn sɔ̃. Nɑ ǹ mɑɑ bu kĩ. Domi ben sinɑmbu kpurowɑ bɑ mɑn seesimɔ.

Sɑkɑri 3:3

N deemɑ yɑ̃ɑ disinuɡinɑ Yosue u sebuɑ u kɑ yɔ̃ ɡɔrɑdo win wuswɑɑɔ.

Sɔ̃ɔsiru 9:26

Mɑ nɑ nùn kɑnɑ nɑ nɛɛ, Gusunɔ nɛn Yinni, ɑ ku wunɛn tɔmbu kpeerɑsiɑ be bɑ sɑ̃ɑ wunɛn ɑrumɑni, be, be ɑ yɑkiɑ wunɛn kpɑ̃ɑrun sɑɑbu, mɑ ɑ bu yɑrɑmɑ Eɡibitin di kɑ wunɛn dɑm bɑkɑm.

Heberu 9:24

Domi Kirisi u ǹ due dii dɛɛrɑru sɔɔ te tɔnu kuɑ, te tɑ sɑ̃ɑ Gusunɔn wɑ̃ɑ yerun weenɑsiru. U duɑwɑ sere wɔllun tii tii sɔɔ u n kɑ yɔ̃ tɛ̃ Gusunɔn wuswɑɑɔ bɛsɛn sɔ̃.

Kpɑrobu 5:9

Nɛn ɡɔ̃ru ɡɑ dorɑ Isirelin wiruɡibun sɔ̃, kɑ be bɑ tii wɛ̃ bu kɑ tɑbu ko. I Yinni Gusunɔ tɑkɑru koowo.

Sɑmuɛli I 12:19

Mɑ be kpuro bɑ Sɑmuɛli sɔ̃ɔwɑ bɑ nɛɛ, ɑ Gusunɔ wunɛn Yinni kɑnɔ bɛsɛ wunɛn bwɑ̃ɑbun sɔ̃ kpɑ su ku rɑ ɡbi yèn sɔ̃ sɑ kpɑm durum sosi bɛsɛn durum ɡurɑ sɔɔ domi sɑ tii sunɔ bikiɑ.

Sɑmuɛli I 12:23

Nɛn tii mɑɑ Gusunɔ u mɑn ɡbɑrɑ bu nɛɛ, nɑ ǹ mɑɑ bɛɛ kɑnɑru kuɑmmɛ. Domi yeyɑ n ko n sɑ̃ɑ nɛn durum win mi. Ko nɑ n bɛɛ swɑɑ ɡeɑ sɔ̃ɔsimɔwɑ ye yɑ dɛnde.

Sɑmuɛli I 7:9

Mɑ Sɑmuɛli u yɑ̃ɑ kinɛru suɑ te tɑ bom nɔrumɔ u kɑ tu Yinni Gusunɔ yɑ̃ku dɔ̃ɔ mwɑɑrɑruɡiru kuɑ. U mɑɑ nùn kɑnɑ Isirelibɑn sɔ̃, mɑ u nùn wurɑri.