Yeremi 14:9 - Bibeli Gusunɔn Gari

⁹ Mbɑn sɔ̃nɑ kɑɑ n sɑ̃ɑ nɡe wi bɑ wɔri subɑru sɔɔ, ǹ kun mɛ nɡe tɑbu durɔ wi u kpɑnɑ u sun fɑɑbɑ ko, ɑ sere wɑ̃ɑ bɛsɛn suunu sɔɔ. Yinni Gusunɔ, mɑ sɑ wunɛn yĩsiru sɔɔwɑ, ɑ ku sun deri.

Yeremi 14:9 ပူးပေါင်းရင်းမြစ်များ

Bɑndun Gɑri II 7:14

sɑɑ ye sɔɔ, bɛɛ be i sɑ̃ɑ nɛn tɔmbu, i nɛn yĩsiru sɔɔwɑ, mɑ i tii kɑwɑ i bɛɛn dɑɑ kɔ̃sɑ deri, mɑ i mɑn sokɑ, kon bɛɛ wurɑri wɔllun di kpɑ n bɛɛ bɛɛn torɑnu suuru kuɑ, kpɑ n bɛɛn tem ɑrumɑni wesiɑ.

Womusu 10:1

Yinni Gusunɔ, sɑ nɔni sɔ̃ɔre. Mbɑn sɔ̃nɑ ɑ kɑ sun tomɑ. Mbɑn sɔ̃nɑ ɑ kukuɑ.

Womusu 27:9

Nɑ sɑ̃ɑwɑ wunɛn sɔmɔ. A ku mɑn biru kisi. A ku mɑn ɡirɑ kɑ mɔru. Wunɑ ɑ rɑ mɑn somi. A ku mɑn deri. Gusunɔ nɛn Fɑɑbɑ kowo, ɑ ku mɑn yinɑ.

Womusu 46:5

Dɑɑru ɡɑrɑ wɑ̃ɑ tèn nim mu kɑ nuku dobu nɑɑmɔ Wɔrukoon wɑ̃ɑ yerɔ, dii dɛɛrɑ ten mi, mi wi, Gusunɔ u wɑ̃ɑ.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 43:7

be, be bɑ nɛn yĩsiru sɔɔwɑ, be nɑ tɑkɑ kuɑ bu kɑ mɑn bɛɛrɛ wɛ̃.

Esɑi 51:9

A dom yɑndo kpɑ ɑ wunɛn nɔmun dɑm sɔ̃ɔsi, nɡe yellu sɑnɑm mɛ ɑ Eɡibitiɡibu tɑbu di, mɑ ɑ ben sunɔ wi u sɑ̃ɑ nɡe yɑɑ ɡɔbɑ ɡo.

Esɑi 59:1

I tɑmɑɑ Gusunɔ kun dɑm mɔwɑ u kɑ bɛɛ fɑɑbɑ ko? I tɑmɑɑ u ǹ swɑɑ mɔ u kɑ bɛɛn ɡɑri nɔ?

Esɑi 63:19

Wee yɑ tɛ, mìn di sɑ sɑ̃ɑ nɡe be ɑ ǹ kpɑre, kɑ be bɑ ǹ wunɛn yĩsiru sɔɔwɑ. Yinni Gusunɔ, sɑ nun mɑrɑ ɑ wɔllu ɡĩɑ kpɑ ɑ sɑrɑmɑ. À n tunumɑ, ɡuunu nu koo diiri bɛrum sɔ̃.

Yeremi 15:16

Wunɛn ɡɑri kpurowɑ nɑ swɑɑ dɑki. Mɑ nɑ yi doke ɡɔ̃ruɔ. Yiyɑ yi mɑn nuku dobu wɛ̃. Gusunɔ wɔllu kɑ tem Yinni, ɑ n yɛ̃ mɑ wunɛn yĩsirɑ nɑ sɔɔwɑ.

Yeremi 51:5

Domi bɑ Gusunɔ Isirelibɑn Yinni Dɛɛro torɑri n kpɑ̃. Adɑmɑ wi, Gusunɔ, wɔllu kɑ tem Yinni, u kɑ win tɔmbu Isirelibɑ kɑ Yudɑbɑ wɑ̃ɑ.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Swĩi 5:20

Kɑɑ n sun deriwɑ n kɑ tɛ? Mbɑn sɔ̃nɑ kɑɑ n sun duɑri sere kɑ bɑɑdommɑɔ.

Esekiɛli 48:35

Gɑnɑ ye yɑ koo wuu ɡe sikerenɑ kpuron dɛ̃ɛbu bu ko n sɑ̃ɑwɑ ɡɔm soonu nɔrɔbun subɑ yɛndu yiru sɑri (18.000). Sɑɑ dɔmɑ ten di, bɑ ko n dɑ wuu ɡe sokuwɑ Yinni Gusunɔ u wɑ̃ɑ mini.

Hɑbɑkuku 1:2

Yinni Gusunɔ, sere sɑɑ yerɑ̀ ko nɑ n nun somiru kɑnɑmɔ. Sere sɑɑ yerɑ̀ kɑɑ n mɑn mɑɑri. Sere sɑɑ yerɑ̀ kɑɑ de nɑ n nun sɔ̃ɔmɔ mɑ tɔmbɑ dɑm dɔrenɑmɔ. Nɡe sere sɑɑ yerɑ̀ kɑɑ nɑ ɑ sun wɔrɑ.

Sɑkɑri 2:5

Ye Sɑkɑri u mɑɑ mɛɛrɑ, yerɑ u durɔ ɡoo wɑ u wɛ̃ɛ yĩirutii nɛni.

Sɑkɑri 8:3

Yen sɔ̃nɑ nɑ nɛɛ, kon wurɑ Yerusɑlɛmu ye sɔɔ kpɑ nɑ n wɑ̃ɑ mi. Bɑ koo ye soku wuu ɡemɡuu. Kpɑ bu mɑɑ nɛ, Gusunɔ wɔllu kɑ tem Yinnin ɡuu te soku ɡuu dɛɛrɑru.

Gbɑburu 11:23

Yinni Gusunɔ u Mɔwisi wisɑ u nɛɛ, ɑ tɑmɑɑ nɛ nɔm kpiribuɡiiwɑ? Tɛ̃ kɑɑ wɑ ye nɑ nun sɔ̃ɔwɑ yɑ̀ kun koo koorɑ.

Gɔrobun Kookoosu 15:17

Kpɑ tɔn be bɑ tie bu nɛ Yinni Gusunɔ kɑsu, kɑ mɑɑ tɔn tuko be bɑ sɑ̃ɑ nɛɡibu.

Korinti II 6:16

Amɔnɑ Gusunɔn sɑ̃ɑ yeru kɑ bũnu ko n kɑ nɔɔ tiɑ sɑ̃ɑ. Domi bɛsɛrɑ sɑ sɑ̃ɑ Gusunɔ, Yinni wɑson wɑ̃ɑ yeru nɡe mɛ win tii u ɡeruɑ, “Kon sinɑ nɑ n wɑ̃ɑ ben suunu sɔɔ. Kon ko ben Yinni, kpɑ bu ko nɛn tɔmbu.”

Sɔ̃ɔsiru 23:14

kpɑ i n ɡɑ̃ɑnu nɛni ni i ko kɑ wɔru ɡbe i kɑ bɛɛn dii berɑ ye sike.

Sɔ̃ɔsiru 28:10

Hɑnduniɑn tɔmbu kpuro bɑ koo wɑ mɑ i sɑ̃ɑ Yinni Gusunɔn tɔmbu kpɑ bɑ n bɛɛn bɛrum mɔ.

Heberu 13:5

I ku de ɡobin kĩru tɑ n bɛɛ nɛni. I de ye i mɔ yu kɑ bɛɛ nɛrenɑ domi Gusunɔ u nɛɛ, “Nɑ ǹ nun derimɔ pɑi, mɛyɑ nɑ ǹ mɑɑ nun biru kisimɔ kɑ bɑɑdommɑɔ.”

Kɑ̃siru 21:3

Nɑ mɑɑ nɔɔɡiru nuɑ sinɑ kitɑrun di tɑ nɛɛ, wee tɛ̃, Gusunɔn wɑ̃ɑ yerɑ wɑ̃ɑ tɔmbun suunu sɔɔ, u ko n wɑ̃ɑ kɑ be, bɑ koo mɑɑ ko wiɡibu. Gusunɔn tii u ko n wɑ̃ɑ ben suunu sɔɔ.

Sɑmuɛli I 12:22

Yinni Gusunɔ u ɡɔ̃ru doke u bɛɛ ko win tɔmbu, u ǹ mɑɑ bɛɛ yinɑmɔ win yĩsi bɑkɑrun bɛɛrɛn sɔ̃.