Yeremi 14:8 - Bibeli Gusunɔn Gari

⁸ Wunɛ wi bɛsɛ Isirelibɑ sɑ nɑɑnɛ sɑ̃ɑ, wunɑ ɑ rɑ sun fɑɑbɑ ko wɑhɑlɑn sɑɑ sɔɔ. Mbɑn sɔ̃nɑ kɑɑ n sɑ̃ɑ nɡe sɔɔ wi u sɑrɔ bɛsɛn temɔ u kpunɑ wɔ̃ku teeru tɔnɑ.

Yeremi 14:8 ပူးပေါင်းရင်းမြစ်များ

Womusu 10:1

Yinni Gusunɔ, sɑ nɔni sɔ̃ɔre. Mbɑn sɔ̃nɑ ɑ kɑ sun tomɑ. Mbɑn sɔ̃nɑ ɑ kukuɑ.

Womusu 138:7

Nɑ̀ n sĩimɔ nuku sɑnkirɑnun swɑɑ sɔɔ, ɑ rɑ mɑn wɑ̃ɑru wɛ̃. A rɑ nɛn yibɛrɛbɑ nɔmu dɛmiɛ bɑ̀ n kɑ mɑn mɔru seewɑ. Mɛyɑ wunɛn dɑm mu rɑ mɑn fɑɑbɑ ko.

Womusu 46:1

Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Bɑ nɛɛ,

Womusu 46:2

Gusunɔwɑ u sɑ̃ɑ bɛsɛn kuku yee nɑɑnɛɡiru kɑ bɛsɛn tɑ̃si yeru. Bɑɑ nuku sɑnkirɑnu sɔɔ, u rɑ n sɔɔru sɑ̃ɑwɑ u kɑ tɔnu somi.

Womusu 50:15

A mɑn sokuo sɑnɑm mɛ ɑ nuki sɑnkire. Sɑɑ ye sɔɔ, kon nun wurɑri, kpɑ ɑ mɑn bɛɛrɛ wɛ̃.

Womusu 71:5

Domi wunɛ sɔɔrɑ nɑ yĩiyɔbu mɔ. Sɑɑ nɛn piiburun di, wunɑ nɑ nɑɑnɛ sɑ̃ɑ.

Womusu 91:15

Ù n mɑn sokɑ kon nùn wurɑri. Ko nɑ n wɑ̃ɑ kɑ wi nɔni swɑ̃ɑrun sɑɑ. Kon nùn yɑkiɑ kpɑ n nùn bɛɛrɛ wɛ̃.

Esɑi 33:2

Yinni Gusunɔ, ɑ bɛsɛn wɔnwɔndu wɑɑwo, wunɑ sɑ yĩiyɔ. A de ɑ n sɑ̃ɑ bɛsɛn dɑm bururu bɑɑtere. Kpɑ ɑ sun fɑɑbɑ ko sɑnɑm mɛ sɑ wɑ̃ɑ nɔni swɑ̃ɑru sɔɔ.

Esɑi 43:11

Nɛnɑ nɑ Gusunɔ wi u rɑ n wɑ̃ɑ. Nɛ bɑɑsi, fɑɑbɑ kowo ɡoo sɑri.

Esɑi 43:3

Domi nɛnɑ nɑ sɑ̃ɑ Gusunɔ wunɛn Yinni Dɛɛro, nɛ wi nɑ nun fɑɑbɑ mɔ̀. Nɑ kon Eɡibiti kɑ Etiopi kɑ Sɑbɑn tem yibɛrɛbɑ wɛ̃ wunɛn ɑyerɔ, kpɑ ɑ yɑkiɑrɑ,

Esɑi 45:15

Gusunɔ Isirelibɑn Yinni ɑ sɑ̃ɑwɑ fɑɑbɑ kowo, ɑdɑmɑ ɑ ǹ wɑɑrɔ kɑ nɔni.

Esɑi 45:21

I nɑ i tii tusiɑ, kpɑ i kɑ bũu sɑ̃ɔ be nɑ bu wesiɑnɑ ben tii tiinɛ sɔɔ. Wɑrɑ u ɡeruɑ sɑɑ toren di ye yɑ koo koorɑ. N ǹ nɛ, Yinni Gusunɔ ro? Goo mɑɑ sɑri nɡe nɛ. Nɛ turowɑ nɑ sɑ̃ɑ ɡemɡii wi u rɑ fɑɑbɑ ko.

Esɑi 63:8

U bwisikɑ u nɛɛ, sɑ sɑ̃ɑwɑ win tɔmbu, sɑ ǹ nùn tɔnu kɑndu kuɑmmɛ. Yen sɔ̃nɑ u sun fɑɑbɑ kuɑ.

Yeremi 16:19

Yeremi u nɛɛ, Yinni Gusunɔ, ɑ sɑ̃ɑwɑ nɛn dɑm kɑ nɛn kuku yee dɑmɡiru, nɔni swɑ̃ɑrun sɑɑ. Wunɛn miyɑ hɑnduniɑn ɡoonu nnɛ kpuron tɔmbu bɑ koo nɑ, kpɑ bu nɛɛ, weesɑ ben bɑɑbɑbɑ bɑ swĩi. Ben bũnu nu ǹ ɡɑ̃ɑnu sosi, nu sɑ̃ɑwɑ kɑm dirum.

Yeremi 17:13

Yinni Gusunɔ, wunɑ bɛsɛ Isirelibɑ sɑ yĩiyɔ. Be bɑ nun biru kisi, bɑ koo sekuru wɑ. Be bɑ kɑ nun tondinɛ, bɑ koo bu duɑri. Bɑ ko n sɑ̃ɑwɑ nɡe bèn yĩsɑ bɑ yoruɑ tuɑ sɔɔ. Domi bɑ wunɛ Yinni Gusunɔ deri, wunɛ wi ɑ sɑ̃ɑ nɡe bwiɑ yèn nim mu wɑ̃ɑru wɛ̃ɛmɔ.

Yeremi 30:7

Annɑ ɑ wɑhɑlɑ bɑkɑ wɑ yɑ wee. Tɔ̃ɔ te, tɔ̃ɔ kɔ̃surɑ. Tɑ ǹ kɑ tɔ̃ru ɡɑru weenɛ. Te sɔɔrɑ Isirelibɑ bɑ koo nɔni swɑ̃ɑ bɑkɑru wɑ. Adɑmɑ kɑ mɛ, kon bu fɑɑbɑ ko.

Yeremi 50:7

Yibɛrɛ be bɑ bu wɔri ɡesi, bɑ rɑ bu ɡurewɑ. Kpɑ yibɛrɛ be, bu nɛɛ, bɑ ǹ kɔ̃sɑ kue. Be, Isireli ben tiiwɑ bɑ Yinni Gusunɔ torɑri, wi, wi u sɑ̃ɑ ɡemɡii kɑ wi ben sikɑdobɑ bɑ nɑɑnɛ sɑ̃ɑ.

Sɑkɑri 9:12

Bɛɛ yobu, bɛɛ be i yĩiyɔ bɑkɑbu mɔ, i wuro bɛɛn wusɔ si su ɡbɑ̃rɑnu mɔ. Nɑ mɑɑ bɛɛ nɔɔsiɑmɔ mɑ kon bɛɛ domɑru kuɑ nɡe yelluɡirun nɔn yiru.

Gɔrobun Kookoosu 28:20

Yenin sɔ̃nɑ nɑ bɛɛ bikiɑ i kɑ nɑ ɡisɔ n kɑ bɛɛ ɡɑri ko. Domi bɑ mɑn yɔni yi dokewɑ wi Isirelibɑ bɑ mɑrɑ u nɑn sɔ̃.

Timɔte I 1:1

Timɔte, wunɛ wi ɑ kuɑ nɛn bii yèn sɔ̃ ɑ Yesu nɑɑnɛ doke, Gusunɔ Bɑɑbɑ kɑ Yesu Kirisi bɛsɛn Yinni bu nun durom kɑ wɔnwɔndu kuɑ kpɑ bu nun ɑlɑfiɑ kɛ̃. Nɛ Pɔlu, Yesu Kirisin ɡɔro nɡe mɛ Gusunɔ bɛsɛn Fɑɑbɑ kowo kɑ Yesu Kirisi wi u sɑ̃ɑ bɛsɛn yĩiyɔbu, bɑ mɑn yiire, nɑ nun tire teni kuɑmmɛ.

Kpɑrobu 19:17

Yerɑ u nɔni seeyɑ u tɔn be wɑ, bɑ sɔ̃ wuun mɛnnɔ yeru mi. Mɑ u bu susi u nɛɛ, bɛɛ kɑ sɑnum. Mɑn diyɑ i wee. Mɑnɑ i dɔɔ.