Yeremi 14:7 - Bibeli Gusunɔn Gari

⁷ Yudɑbɑ bɑ ɡerumɔ bɑ mɔ̀, bɑɑ mɛ sɑ tɑɑrɛ mɔ bɛsɛn durum sɔ̃, Yinni Gusunɔ, ɑ sun somiɔ wunɛn yĩsirun bɛɛrɛn sɔ̃. Wee sɑ kuɑ mɛm nɔɔ sɑribɑ, mɑ sɑ nun torɑri.

Yeremi 14:7 ပူးပေါင်းရင်းမြစ်များ

Ɛsidɑrɑsi 9:15

Gusunɔ bɛsɛ Isirelibɑn Yinni, wunɑ ɑ sɑ̃ɑ ɡemɡii. Bɛsɛ sɑ sɑ̃ɑwɑ be bɑ tiɑrɑ Isirelibɑ sɔɔ. Bɛsɛ wee wunɛn wuswɑɑɔ sɑ torɑ. Sɑ ǹ mɑɑ kpɛ̃ sɑ n kɑ wɑ̃ɑ mɛ wunɛn wuswɑɑɔ.

Womusu 115:1

Yinni Gusunɔ, n ǹ bɛsɛ sɑ bɛɛrɛ mɔ, wunɑ ɑ bɛɛrɛ mɔ wunɛn tɔn ɡeeru kɑ wunɛn bɔrɔkinirun sɔ̃.

Womusu 25:11

Yinni, wunɛn yĩsirun sɔ̃, ɑ nɛn durum wɔko domi yɑ kpɑ̃.

Womusu 79:9

Gusunɔ bɛsɛn fɑɑbɑ kowo, ɑ sun somiɔ kpɑ wunɛn yĩsiru tu bɛɛrɛ wɑ. A sun wɔro kpɑ ɑ sun bɛsɛn durum wɔkɑ.

Esɑi 48:11

Nɛn kĩrun sɔ̃nɑ nɑ ye kuɑ. Domi nɑ ǹ derimɔ nɛn yĩsiru tu bɛɛrɛ biɑ. Nɑ ǹ mɑɑ nɛn yiiko ɡoo wɛ̃ɛmɔ.

Esɑi 59:12

Domi bɛsɛn torɑnu kpɛ̃ɑ wunɛn wuswɑɑɔ, mɑ bɛsɛn durum yɑ bɛsɛn dɑɑ sɔ̃ɔsimɔ. Sɑ bɛsɛn torɑnu yɛ̃ ni nu sun wɑ̃ɑsi.

Yeremi 10:19

Yerusɑlɛmuɡibu bɑ wuri wɔri bɑ mɔ̀, sɑ kɑm kuɑ. Wee, bɛsɛn bosu kpɛ̃ɑ, bɛsɛn nɔni swɑ̃ɑrɑ bɑndɑ. Sɑ rɑɑ nɛɛ, kɔ̃sɑ yɑ̀ n sun deemɑ, sɑ ko kpĩ su ye mɑ.

Yeremi 2:19

I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃. Sɑɑ ye sɔɔrɑ i ko wɑ, kpɑ i ɡiɑ mɑ ɡɑ̃ɑ kɔ̃sunɑ i kuɑ mi, ye i kɑ mɑn deri, i ǹ mɑɑ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 3:6

Yudɑbɑn sinɑ boko Yosiɑsin wɑɑti sɔɔ, Yinni Gusunɔ u Yeremi sɔ̃ɔwɑ u nɛɛ, ɑ wɑ ye Isirelibɑ bɑ mɔ̀? Bɑ sɑ̃ɑwɑ mɛm nɔɔ sɑribɑ. Wee, bɑ dɑ mi ɡunɡunu kɑ dɑ̃ɑ kubenu wɑ̃ɑ kpuro, bɑ bũnu sɑ̃ɑmɔ.

Yeremi 5:25

Bɑ n yɛ̃ mɑ ben durum kɑ ben torɑnun sɔ̃nɑ bɑ ku rɑ mɑɑ domɑ ten bweseru wɑ.

Yeremi 5:6

Yen sɔ̃nɑ bɑ̀ n duɑ dɑ̃ɑ sɔ̃ɔwɔ, ɡbee sinɑnsu su rɑ bu ɡo. Bɑ̀ n duɑ yɑkɑsɔ, ɡbeeku bɔ̃nu nu rɑ bu ɡo. Mɑ musuku ɡbeeku ɡɑ rɑ bu yɔɔru bwɛ̃ɛyɛ ben wuun ɡbɑ̃rɑrun kɔnnɔwɔ, be bɑ yɑrɑ min di, ɡu kɑ bu sɛ̃re ɡu kɑsuku. Domi ben torɑnu nu dɑbiɑ. Ben nɑɑnɛ sɑriru tɑ kpɑ̃.

Yeremi 8:14

Yudɑbɑ bɑ nɛɛ, mbɑn sɔ̃nɑ sɑ sɔ̃ mini. I de su mɛnnɑ kpɑ su dɑ wuu si su ɡbɑ̃rɑnu mɔn mi, sɑ n ɡɔɔ mɑrɑ. Domi Gusunɔ bɛsɛn Yinni u yiwɑ su ɡbi. U koo sun nim dɛ̃ɛɡim nɔrusiɑ, yèn sɔ̃ sɑ nùn torɑri.

Yeremi 8:5

Ǹ n mɛn nɑ, mbɑn sɔ̃nɑ nɛn tɔmbu Yudɑbɑ bɑ swɑɑ kɔ̃sɑ swĩi bɑ dɔɔ. Bɑ yɔ̃rɑriwɑ dim dim ben weesu sɔɔ bɑ n bũnu sɑ̃ɑmɔ. Bɑ ǹ kĩ bu ɡɔsirɑmɑ nɛn mi.

Esekiɛli 20:14

Adɑmɑ nɑ̀ n ye kuɑ, bwese tukunu nu koo nɛn yĩsiru ɡɛm, nìn nɔni biru nɑ bu yɑrɑ Eɡibitin di.

Esekiɛli 20:22

Adɑmɑ bwese tukunu nu ku kɑ nɛn yĩsiru ɡɛm sɔ̃, nɑ ǹ bu ɡɑ̃ɑnu kue. Domi bwese nin wuswɑɑɔrɑ nɑ be, Isirelibɑ yɑrɑ Eɡibitin di.

Esekiɛli 20:9

Adɑmɑ nɑ bu deri, domi nɑ ǹ kĩ nɛn yĩsiru tu sɑnkirɑ bwese tukunun suunu sɔɔ yèn sɔ̃ nɑ tii bwese tuku ni sɔ̃ɔsi

Osee 5:5

Isirelibɑn tii suɑbu bu sɔ̃ɔsimɔ mɛ bɑ sɑ̃ɑ. Bɑ koo wɔrumɑ ben durum sɔ̃. Yudɑbɑn tii bɑ koo wɔrumɑ kɑ be sɑnnu.

Osee 7:10

Ben tii suɑbu sɔ̃ɔsirɑmɔ. Domi bɑ ǹ ɡɔsirɑmɛ nɛ Gusunɔ ben Yinnin mi. Kɑ yen de kpuro, bɑ ǹ mɑn kɑsu.

Amɔsu 7:2

Sɑnɑm mɛ yi tem min yɑkɑ si kpuro di, yerɑ nɑ nɛɛ, Yinni Gusunɔ, ɑ suuru koowo. Amɔnɑ Yɑkɔbun bweseru tɑ ko n kɑ wɑ̃ɑ. Domi tɑ ǹ mɑɑ dɑm mɔ.

Misee 7:9

Sɑ ko Yinni Gusunɔn mɔru sɔbe, domi sɑ nùn torɑ. Adɑmɑ sɑɑ ɡɑɑ sisi yè sɔɔ u koo kɑ sun yinɑ, kpɑ u sun ɡem wɛ̃. U koo kɑ sun nɑ yɑm bururɑm sɔɔ kpɑ u sun durom kuɑ.

Efesu 1:12

Ǹ n mɛn nɑ, i de su Gusunɔ bɛɛrɛ wɛ̃, bɛsɛ be sɑ ɡbiɑ sɑ yĩiyɔbu mɔ Kirisin mi.

Efesu 1:6

kpɑ su kɑ win durom yiikoɡim siɑrɑ mɛ u sun kuɑ bɛsɛ kɑ win Bii kĩnɑsin ɡbinnɑɑ sɔɔ.

Sɔ̃ɔsiru 32:27

Adɑmɑ u ǹ wurɑmɔ yibɛrɛbɑ bu nùn yɛ̃ɛ yèn sɔ̃ bɑ win tɔmbu kɑmiɑ, kpɑ bu nɛɛ, n ǹ wi, Yinni Gusunɔ u ye kuɑ.

Yosue 7:9

Domi Kɑnɑnibɑ kɑ tem mɛn tɔmbu kpuro bɑ koo ye nɔ kpɑ bu sun kooro bure bu bɛsɛn yĩsiru wunɑ hɑnduniɑn di. Amɔnɑ kɑɑ ko wunɛn yĩsi bɑkɑ te, tɑ kun kɑ ɡu.