Yeremi 14:3 - Bibeli Gusunɔn Gari

³ Dɑmɡibu bɑ bwɛ̃ɛbwɛ̃ɛbu ɡɔrimɔ bu nim kɑsumɑ. Adɑmɑ bɑ̀ n dɔkɔ dɑ bɑ ku rɑ nim wɑ. Bɑ rɑ ɡɔsirɑmɛwɑ kɑ koto ɡbebusu, kpɑ seku bɑkɑru tɑ n bu mɔ̀, bɑ n wuswɑɑ ɡɑ̃ɑnu wukiri.

Yeremi 14:3 ပူးပေါင်းရင်းမြစ်များ

Sɑmuɛli II 15:30

Mɑ Dɑfidi u Olifin ɡuuru yɔɔmɔ kɑ swĩi u yɑsɑ wiru wukiri, u sĩimɔ kɑ nɑɑ dirusu. Nɡe mɛyɑ win bwɑ̃ɑ be bɑ kɑ nùn dɔɔ bɑ mɑɑ kuɑ. Bɑ ɡuu te yɔɔmɔ kɑ swĩi bɑ yɑsi wiru wukiri.

Sɑmuɛli II 19:4

Mɑ tɔn be kpuro bɑ ɡɔsirɑmɑ tɑbu ɡberun di bɑ duɑ wuuɔ kɑ sekuru dɔmɑ te, nɡe be bɑ duki yɑkikirɑmɑ tɑbu ɡberun di.

Sinɑmbu I 17:7

Sɑnɑm dɔɔ sɑnɑm wee, dɑɑ ten nim mu kpɑ. Domi ɡurɑ kun mɑɑ nɛɛre tem mɛ sɔɔ.

Sinɑmbu II 18:31

I ku mɑɑ nùn swɑɑ dɑki. Adɑmɑ i nɔɔwɔ ye Asirin sinɑ boko u ɡeruɑ. U nɛɛ, i kɑ nùn nɔɔ tiɑ koowo kpɑ i nùn tii wɛ̃. Kpɑ bɑɑwure u wɑ u win tiin resɛmbɑ kɑ win dɑ̃ɑ binu di. Kpɑ u mɑɑ win dɔkɔn nim nɔ.

Ɛsitɛɛ 6:12

Yen biru, Mɑɑdose u ɡɔsirɑ u wurɑ sinɑ kpɑɑ kɔnnɔ mi. Mɑ Hɑmɑni u mɑɑ doonɑ fuuku win yɛnuɔ, u tuke sekurun sɔ̃.

Womusu 109:29

Nɛn yibɛrɛbɑ bɑ koo sekuru wɑ, kpɑ tu bu wukiri nɡe yɑbe bɑkɑru.

Womusu 40:14

Yinni Gusunɔ, ɑ mɑn wɔro, ɑ nɑ fuuku ɑ mɑn fɑɑbɑ ko.

Yeremi 14:4

Tem mu bɛsikirɑ yèn sɔ̃ ɡurɑ kun nɛmɔ. Mɑ sekurɑ ɡbee wukobu mɔ̀ bɑ wuswɑɑ ɡɑ̃ɑnu wukiri.

Yeremi 15:18

Yinni Gusunɔ, mbɑn sɔ̃nɑ nɑ wɑhɑlɑ mɔ̀ sere kɑ tɛ̃. Mbɑn sɔ̃nɑ yɑ sɑ̃ɑ nɡe boo wi u ku rɑ kpe. Yinni, kɑɑ n mɑn sɑ̃ɑwɛwɑ nɡe bwiɑ ye yɑ ǹ nɑɑnɛ mɔ, ǹ kun mɛ nɡe dɑɑ te tɑ rɑ nim kpe?

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Yeremi 2:37

Kpɑ i yɑri min di i n tuke. Domi nɛ, Yinni Gusunɔ nɑ be i nɑɑnɛ sɑ̃ɑ mi yinɑ. I ǹ mɑɑ somiru ɡɑru wɑsi ben min di.

Yeremi 20:11

Adɑmɑ nɑ yɛ̃ mɑ wunɛ Yinni Gusunɔ, ɑ wɑ̃ɑ kɑ nɛ nɡe tɑbu durɔ dɑmɡii. Yen sɔ̃nɑ be bɑ mɑn nɔni sɔ̃ɔmɔ bɑ koo sokurɑ. Bɑ ǹ kpɛ̃ bu mɑn kɑmiɑ. Yen sɔ̃nɑ bɑ koo sekuru wɑ kpɑ bɑ n tu yɑɑye sere kɑ bɑɑdommɑɔ.

Yeremi 3:3

Yen sɔ̃nɑ ɡurɑ kun tɑ̃rɑmɔ bu sere nɛɛ, yɑ koo nɛ. Adɑmɑ kɑ mɛ, i bũnu ɡɑsirimɔ i dɔɔwɑ. Sekurɑ kun bɛɛ mɔ̀.

Swĩi 4:4

Bɑ derɑ ben bii wɛ̃ɛnun yɑri mɑni nin dɑrosu sɔɔ nim nɔrun sɔ̃. Bibu bɑ dĩɑnu kɑsu, ɑdɑmɑ ɡoo sɑri wi u koo bu wɛ̃.

Osee 2:3

Bɛɛ Yudɑbɑ kɑ Isirelibɑ, i sɔ̃ɔnɔ mɑ i sɑ̃ɑwɑ nɛn tɔn be nɑ kĩ.

Yoɛli 1:20

Mɑ yɛɛ yi nɔɔɡiru sue yi nun kɑnɑmɔ. Domi dɑɑnu ɡberɑ, yɑkɑsu mɑɑ dɔ̃ɔ mwɑɑkirɑ ɡbɑburɔ.

Amɔsu 4:7

Nɑ yinɑ ɡurɑ yu nɛ ye n tie suru itɑ bu kɑ dĩɑnu ɡɛ̃. Nɑ derɑ ɡurɑ yɑ nɑ wusu ɡɑsun mi. Mɑ nɑ ǹ wure yu nɛ ɡɑsun mi. Nɑ derɑ yɑ nɑ ɡbenu ɡɑnu sɔɔ. Mɑ nɑ ǹ wure yu nɛ ɡɑnun mi. Mɑ nu ɡberɑ.

Amɔsu 4:8

Yerɑ bɛɛn wusu ɡɑsun tɔmbu bɑ dɑ wuu ɡɑɡun mi bu kɑ nim wɑ bu nɔ. Adɑmɑ ben nim nɔru ɡɑ ǹ kpɑ. Kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Sɑkɑri 14:17

Bweseru ɡɑru tɑ̀ kun de tu Gusunɔ sinɑ boko wi u sɑ̃ɑ wɔllu kɑ tem Yinni yiirɑ tu sɑ̃ Yerusɑlɛmuɔ, ɡurɑ kun nɛmɔ ten temɔ.