Yeremi 14:2 - Bibeli Gusunɔn Gari

² Yudɑbɑ bɑ ɡɔɔ wooru sɔ̃. Goo mɑɑ sɑri ben wuu mɑrosun kɔnnɔsɔ. Wee bɑ wɔrukɑ temɔ bɑ nuki sɑnkire. Mɑ Yerusɑlɛmuɡibu bɑ nɔɔɡiru sue bɑ fɑɑbɑ kɑnɑmɔ.

Yeremi 14:2 ပူးပေါင်းရင်းမြစ်များ

Yoobu 34:28

Bɑ derɑ sɑ̃ɑrobɑ wuri mɔ̀ sere u yi nɔɔmɔ. Mɑ win lɑɑkɑri yɑ wurɑ wɔnwɔndobun mi ɡiɑ, ben wuri yin sɔ̃.

Womusu 144:14

A de bɛsɛn kɛtɛbɑ bu kuurɑ. A ku de ɡoo u sun wɔri kpɑ u sun yoru mwɛɛri u kɑ doonɑ. A ku mɑɑ de nuku sɑnkirɑnun wuri yi nɔɔrɑ bɛsɛn swɛɛ sɔɔ.

Yɑribu 2:24

mɑ u ben weeweenu nuɑ. N deemɑ u ǹ win ɑrukɑwɑni duɑri ye u kɑ ben bɑɑbɑbɑ Aburɑhɑmu kɑ Isɑki kɑ Yɑkɔbu bɔkuɑ.

Esɑi 15:5

Nɑ fɑɑbɑ kɑnɑmɔ Mɔɑbubɑn sɔ̃ be bɑ kpikiru suɔ bɑ dɔɔ Soɑriɔ kɑ Eɡɑlɑti Selisiyɑɔ. Domi bɑ sumɔ bɑ kɑ Lusitin ɡuunu yɔɔmɔ, bɑ wuri mɔ̀ Koronɑimun swɑɑɔ nuku sɑnkirɑnun sɔ̃.

Esɑi 24:11

Bɑ ko n weeweenu mɔ̀ swɛɛ sɔɔ, yèn sɔ̃ tɑm sɑri. Nuku dobu koo doonɑ ben tem di.

Esɑi 24:4

Tem mu koo ɡberɑ. Mu ǹ mɑɑ ɡɑ̃ɑnu kpiisiɑmɔ. Mɛn tɔmbu bɑ ko n wɑsikirɑmɔ bɑ n ɡɔɔ dɔɔ. Mɛn wiruɡibu bɑ ǹ ko n mɑɑ dɑm mɔ.

Esɑi 24:7

Ben resɛm ɡbɑɑnu nu koo ɡberɑ, kpɑ ben tɑm durom mu kpe. Be bɑ rɑɑ nuku dobu mɔ̀, bɑ koo weeweenu ko.

Esɑi 3:26

Tɔmbɑ koo wuri ko bu ɡɔɔ swĩ yen ɡbɑ̃rɑ kɔnnɔwɔ nɡe tɔn kurɔ wi bɑ wɔri bɑ win yɑ̃nu ɡurɑ mɑ u sɔ̃ temɔ.

Esɑi 33:9

Wee tɔmbu bɑ ben ɡbeɑ deri. Libɑnin dɑ̃ɑ sɔ̃su su ɡberɑmɔ. Mɑ Sɑronin tem ɡem mu kuɑ yɑni sɛɛri. Bɑsɑnin berɑ ɡiɑ kɑ ɡuu te bɑ mɔ̀ Kɑɑmɛliɔ dɑ̃nun wurusu dɛllɑmɔ.

Esɑi 5:7

Isirelibɑrɑ bɑ sɑ̃ɑ Gusunɔ, wɔllu kɑ tem Yinnin resɛm ɡbɑɑ te. Mɑ Yudɑbɑ bɑ sɑ̃ɑ resɛm dorɑ ye u duurɑ. U kĩɑ bu ɡeɑ ko ɑdɑmɑ kɔ̃sɑ bɑ kuɑ. Bɑ tɔmbu ɡo bɑ yɛm yɑri. U mɑɑ kĩɑ bu ɡem swĩi, mɑ bɑ yinɑ. Yen sɔ̃nɑ tɔmbɑ wuri mɔ̀.

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 12:11

Bɑ tem mɛ ɡɔsiɑ nɡe tem sɑɑrɑm. Wee mu sɑ̃ɑre nɡe tɔnu wi u ɡɔɔ sumɔ u nuki sɑnkire. Tem mɛ kpuro mu kɑm kuɑ. Goo sɑri wi u mɛn weeweenu kuɑ.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Yeremi 18:22

A de tɑbu kowo wuunu nu bu wɔri. Kpɑ wuri yi nɔɔrɑ ben yɛnusɔ. Domi bɑ dɔkɔ kpiriru ɡbɑ bu kɑ mɑn kpɛ̃ɛ te sɔɔ. Bɑ mɑn yinɑ bɛriɑ nɛn swɑɑ sɔɔ.

Yeremi 4:28

Yen sɔ̃, tem mu ko n ɡɔɔ wooru sɔ̃, kpɑ wɔllu tu yɑm tĩrɑ. Domi u himbɑ yi kɔ, u ǹ mɑɑ biru wurɔ.

Yeremi 46:12

Bwesenu kpuro nu koo nɔ nɡe mɛ bɑ bɛɛ sekuru doke. Domi bɑ koo bɛɛn dɛsirun kuuki nɔ bɑɑmɑ. Bɛɛn tɑbu durɔbu bɑ ko n bɑ̃ɑrimɔwɑ. Bɑ̀ n yinnɑ, bɑ koo wɔrukuwɑ sɑnnu.

Yeremi 8:21

Nɛn tɔmbu bɑ nɔni sɔ̃ɔre. Ben nɔni swɑ̃ɑ te, tɑ mɑn bɔkɑnɑ. Nɑ nɑnde, nɑ nuki sɑnkire.

Swĩi 2:8

Yinni Gusunɔ u ɡɔ̃ru doke u Yerusɑlɛmun ɡbɑ̃rɑnu kɔsuku. Wee u nu kɔsukɑ kpuro mɑm mɑm. Yɑ kuɑ wɔnwɔndu bɑɑmɑ kpuro. Gbɑ̃rɑnu yiru ye kpuro yɑ kuɑ bɑnsu.

Swĩi 2:9

Yen kɔnnɔsu su numɑ temɔ. Sin dɑ̃ɑ ye bɑ rɑ kɑ su sɛ̃suku yɑ bɔɔkirɑ. Mɑ bɑ yen sinɑ boko kɑ yen wiruɡibu ɡurɑ bɑ kɑ dɑ tem tukumɔ. Woodɑ mɑɑ sɑri. Bɑɑ Gusunɔn sɔmɔbu bɑ ǹ mɑɑ kɑ̃sinu wɑɑmɔ win min di.

Swĩi 5:10

Gɔ̃ɔrun sɔ̃ bɛsɛn wɑsi swĩɑ nɡe pɛ̃ɛ wɔ̃ɔ yeru.

Osee 4:3

Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Yoɛli 1:10

Gbeɑ kpuro yɑ kɑm kuɑ. Mɑ yen tem mu sɑɑrɑ. Alikɑmɑ sɑri, resɛm kɑ ɡum mɑɑ sɑri.

Yoɛli 1:11

Gbee wukobu bɑ sɔ̃ biti sɔɔ. Be bɑ rɑ resɛm yewe, weeweenɑ bɑ mɔ̀. Domi dĩɑ bimi sɑri. Dĩɑnu kpuro nu kɑm kuɑ.

Yoɛli 1:14

I tɔ̃ru ɡɑru wunɔ tè sɔɔ i ko i nɔɔ bɔke. I tɔmbu kpuro mɛnnɔ sere kɑ durɔ tɔkɔnɔ Gusunɔ bɛsɛn Yinnin sɑ̃ɑ yerɔ, kpɑ i nùn kɑnɑ.

Yoɛli 2:6

Tɔmbu kpuro bɑ rɑ n nɑndewɑ yì n tunumɑ. Kpɑ ben wuswɑɑ yu burisinɑ.

Asee 1:11

Nɑ derɑ ɡbeburɑ kuɑ bɛɛn tem kpuro sɔɔ kɑ ɡuunɔ. Mɑ ɑlikɑmɑ kɑ resɛm kɑ olifi kpuro yɑ ɡberɑ. Dĩɑ ni tem mu rɑ kpiisie ɡesi kpuro, nu ɡberɑwɑ. Mɑ tɔmbu kɑ yɑɑ sɑbenu nɔni sɔ̃ɔre. Mɑ bɛɛn sɔmɑ ye i mɔ̀ kpuro yɑ kuɑ kɑm.

Sɑkɑri 7:13

Sɑnɑm mɛ nɑ bu sokɑ, bɑ ǹ wisɑ. Yen sɔ̃nɑ nɛn tii nɑ ǹ mɑɑ bu wisɑ sɑnɑm mɛ bɑ mɑn somiru kɑnɑ.

Sɑmuɛli I 5:12

Wuu ɡen tɔn durɔ be bɑ ǹ ɡu, bwisinu bu wisiwɑ kpuro sere ben wuri yi wɔllu ɡirɑri.

Sɑmuɛli I 9:16

siɑ ɑmɑdɑɑre kon Bɛnyɑmɛɛbɑn turo ɡɔrimɑ wunɛn mi, kpɑ ɑ nùn ɡum tɑ̃re wirɔ domi nɑ nùn ɡɔsɑ u kɑ ko nɛn tɔmbu Isirelibɑn sunɔ. Wiyɑ u koo bu wɔrɑ Filisitibɑn nɔmɑn di. Domi nɑ ben wuri nuɑ mɑ nɑ bu mɛɛrimɑ nɑ ben wɑhɑlɑ wɑ.