Yeremi 14:18 - Bibeli Gusunɔn Gari

¹⁸ Nɑ̀ n yɑrɑ nɑ dɑ yɑkɑsɔ, nɑ rɑ tɔn be bɑ ɡo tɑbu sɔɔn ɡonu wɑwɑ nu kpĩ. Nɑ̀ n mɑɑ wurɑmɑ wuuɔ, kpɑ n deemɑ tɔmbɑ bɑrɔ ɡɔ̃ɔrun sɑɑbu. Gusunɔn sɔmɔbu kɑ yɑ̃ku kowobu bɑ rɑ n den sirenɛwɑ tem mɛ sɔɔ. Bɑ ǹ yɛ̃ ye bɑ mɔ̀.

Yeremi 14:18 ပူးပေါင်းရင်းမြစ်များ

Esɑi 28:7

Adɑmɑ tɛ̃, bɑɑ kɑ Gusunɔn sɔmɔbu kɑ yɑ̃ku kowobu, tɑm bɔɔbɔm mu bu tirekirɑmɔ mɑ bɑ bɑ̃ɑrimɔ mɛn sɔ̃, sere Gusunɔn sɔmɔbu bɑ ǹ mɑɑ win ɡɑri mɔ̀ dee dee. Yɑ̃ku kowobun tii bɑ ǹ mɑɑ kpɛ̃ bu siri dee dee.

Yeremi 2:8

Ben yɑ̃ku kowobu bɑ ǹ bikie bu nɛɛ, mɑnɑ Yinni Gusunɔ u wɑ̃ɑ. Mɛyɑ mɑɑ woodɑ yɛ̃robu bɑ ǹ nùn ɡie. Ben wiruɡibu bɑ nùn seesi. Bũu wi bɑ mɔ̀ Bɑɑli, win ɡɑriyɑ Gusunɔn sɔmɔbu bɑ swĩi bɑ kɑ ɡɑri mɔ̀. Mɑ bɑ dɑ bɑ bũnu sɑ̃wɑ ni nu ǹ bu ɑrufɑɑni ɡɑɑ wɛ̃ɛmɔ.

Yeremi 23:21

Yinni Gusunɔ u nɛɛ, sɔmɔ be, bɑ duki dɑ, bɑɑ mɛ nɑ ǹ bu ɡɔre. Bɑ mɑɑ ɡɑri ɡeruɑ, bɑɑ mɛ nɑ ǹ kɑ bu ɡɑri kue.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Yeremi 6:13

Domi sɑɑ bwɛ̃ɛbwɛ̃ɛbun di sere kɑ dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire. Nɛn sɔmɔbu kɑ yɑ̃ku kowobun tii, bɑ rɑ n weesu mɔ̀wɑ.

Yeremi 6:25

Goo u ku rɑɑ yɑri u dɑ swɛɛɔ. Goo ku rɑɑ mɑɑ yɑri u dɑ yɑkɑsɔ. Domi yibɛrɛbɑ bɑ wɑ̃ɑ mi, bɑ ben tɑkobibɑ nɛni. Tɔmbɑ bɛrum soore bɑɑmɑ.

Yeremi 8:10

Yen sɔ̃nɑ nɛ, Yinni Gusunɔ, kon de yibɛrɛbɑ bu ben kurɔbu kɑ ben ɡbeɑ mwɛɛri. Domi sɑɑ ben bwɛ̃ɛbwɛ̃ɛbun di n kɑ ɡirɑri ben dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire kɑ tɑki. Nɛn sɔmɔbu kɑ yɑ̃ku kowobu, weesɑ bɑ rɑ n mɔ̀.

Swĩi 1:20

Yinni Gusunɔ, ɑ nɛn nɔni swɑ̃ɑru mɛɛrio, nɛn bwɛ̃rɑ kun kpĩ. Nɑ nuki sɑnkire too, domi nɑ ǹ nun mɛm nɔɔwɛ. Tɔɔwɔ tɑbu sun dimɔ. Mɑ wuun sɔɔwɔ ɡɔɔ wɑ̃ɑ.

Swĩi 2:19

A seewo ɑ wuri ko wɔ̃kuru, ɑ wunɛn ɡɔ̃ru kpuro kusiɑ Yinni Gusunɔn wuswɑɑɔ. A nɔmɑ yiiyo ɑ nùn kɑnɑ wunɛn bibun sɔ̃ be bɑ ɡbimɔ swɛɛ sɔɔ ɡɔ̃ɔrun sɔ̃.

Swĩi 4:9

Be bɑ ɡbimɔ tɑbu sɔɔ, ben ɡɔɔ burɑm bo n kere be bɑ rɑ nɔni sɔ̃ɔre bu woorɑ ɡɔ̃ɔrun sɔ̃ bu sere ɡbi.

Esekiɛli 7:15

Yinni Gusunɔ u mɑɑ Esekiɛli sɔ̃ɔwɑ u nɛɛ, tɑbu ko n wɑ̃ɑwɑ swɛɛ sɔɔ kpɑ bɑrɑnu kɑ ɡɔ̃ɔnu nu n wɑ̃ɑ yɛnusɔ. Tɔmbu bɑ koo ɡbi tɑbu sɔɔ yɑkɑsɔ. Be bɑ mɑɑ wɑ̃ɑ wuu sɔɔ bɑ koo ɡbiwɑ ɡɔ̃ɔru kɑ bɑrɑnun sɔ̃.

Amɔsu 4:6

N wee nɑ derɑ ɡɔ̃ɔrɑ duɑ bɛɛn wuu mɑrosu kpuro sɔɔ. Mɑ i dĩɑnu biɑ bɛɛn yɛnusu kpuro sɔɔ. Adɑmɑ kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Misee 3:11

Mɑ i nɔm birɑn kɛ̃nu mwɑɑmɔ i sere siri. Yɑ̃ku kowobu bɑ rɑ ɡinɑ tɔmbu ɡobi mwɑɑriwɑ bu sere woodɑ sɔ̃ɔsi, kpɑ Gusunɔn sɔmɔbu bu ɡobi mwɑ bu sere win ɡɑri ɡere. Kpɑ bɑ n sere mɔ̀ bɑ sɑ̃ɑwɑ Gusunɔn tɔmbu. Gɑ̃ɑnu kun bu deemɑmɔ yèn sɔ̃ u kɑ bu wɑ̃ɑ.

Sɔ̃ɔsiru 28:36

Mɛyɑ u koo de bu bɛɛ mwɛɛri kɑ bɛɛn sunɔ wi i ko i ko bɛɛn wiruɡii bu kɑ dɑ tem tukumɔ bwese te bɛɛ kɑ bɛsɛn bɑɑbɑbɑ i ǹ yɛ̃ mi, kpɑ i bũnu sɑ̃ mi, ni bɑ kuɑ kɑ dɑ̃ɑ kɑ mɑɑ kpenu.

Sɔ̃ɔsiru 28:64

Nɡe mɛyɑ u koo de i yɑrinɑ i n wɑ̃ɑ hɑnduniɑn bwesenu kpuro sɔɔ. Miyɑ i ko i bũnu sɑ̃ ni bɛɛ kɑ bɛsɛn bɑɑbɑbɑ i ǹ dɑɑ yɛ̃ ni bɑ kɑ dɑ̃ɑ kɑ kpenu kuɑ.

Piɛɛ II 2:3

Keu koosio weesuɡii ben binɛn sɔ̃, bɑ koo bɛɛ tɑki di kɑ ben ɡɑri yi bɑ bwisikɑ bɑ sekɑ. Adɑmɑ sɑɑ tɛɛbun di ben siri kowo sɔɔru sɑ̃ɑ u kɑ bu siri. Wi u koo mɑɑ bu kɑm koosiɑ u ǹ dò.