Yeremi 14:12 - Bibeli Gusunɔn Gari

¹² Domi bɑɑ bɑ̀ n nɔɔ bɔkuɑ, nɑ ǹ ben kɑnɑru nɔɔmɔ. Bɑ̀ n mɑɑ yɑ̃ku dɔ̃ɔ mwɑɑrɑruɡinu kɑ kɛ̃nu ɡɑnu kuɑ, nɑ ǹ nu mwɑɑmɔ. Kon de bu ɡbiwɑ ɡɔ̃ɔrun sɔ̃ kɑ kɛ̃si kɛ̃si bɑrɑrun sɔ̃ kɑ mɑɑ tɑbu sɔɔ.

Yeremi 14:12 ပူးပေါင်းရင်းမြစ်များ

Yoobu 27:9

Gusunɔ u koo nùn swɑɑ dɑki sɑnɑm mɛ nɔni swɑ̃ɑrɑ nùn deemɑ?

Mɔnnu 1:28

Sɑnɑm mɛyɑ i ko mɑn soku, ɑdɑmɑ nɑ ǹ bɛɛ wurɑrimɔ. I ko mɑn kɑsu, i ǹ mɑɑ mɑn wɑsi.

Mɔnnu 15:8

Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 21:27

Tɔn kɔ̃son yɑ̃kuru tɑ ku rɑ Gusunɔ wɛ̃re. Kɑɑ sere ɡere te u kɑ bwisiku kɔ̃sunu mɔ̀?

Mɔnnu 28:9

Wi u yinɑ u Gusunɔn woodɑ swɑɑ dɑki, Gusunɔ u rɑ yɛ̃ro yinɛwɑ sere kɑ win kɑnɑrɔ.

Esɑi 58:3

Adɑmɑ bɑ rɑ nɛɛ, mbɑn sɔ̃nɑ bɑ koo mɑɑ nɔɔ bɔke, domi nɑ ǹ bu mɛɛrɑ. Mbɑn sɔ̃nɑ bɑ tii wɑhɑlɑ mɔ̀, domi nɑ bu ɑtɑfiiru sɑ̃ɑ. Kpɑ n bu wisi n nɛɛ, bɑɑ ì n nɔɔ bɔkumɔ, bɛɛn tiin kĩrɑ i rɑ n mɔ̀, kpɑ i n bɛɛn sɔm kowobu dɑm dɔremɔ.

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 11:14

Adɑmɑ wunɛ Yeremi, ɑ ku kɑnɑru ko tɔn ben sɔ̃. Domi bɑɑ bɑ̀ n mɑn sokɑ ben wɑhɑlɑn sɑɑ sɔɔ, nɑ ǹ bu wurɑrimɔ.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 16:4

Bɑrɑrɑ tɑ koo bu ɡo. Bɑ ǹ bu ɡɔɔ swĩiyɑmmɛ. Bɑ ǹ mɑɑ bu sikumɔ. Bɑ koo kowɑ tɑɑki tem sɔɔ. Be bɑ tiɑ kpɑ bu bu ɡo tɑbu sɔɔ, ǹ kun mɛ, ɡɔ̃ɔru tu bu ɡo, kpɑ ɡbeeku yɛɛ kɑ ɡunɔsu ben ɡonu di.

Yeremi 21:6

u de bɑrɑ kɔ̃suru tu hunde konibɑ kpuro wɔri tu ɡo wuu ɡe sɔɔ, tɔmbu kɑ yɑɑ sɑbenu.

Yeremi 24:10

Kon bu tɑbu suremɑ kɑ ɡɔ̃ɔru kɑ bɑrɑnu sere bu kɑ ɡbi tem mɛ kpuro sɔɔ, mɛ nɑ be kɑ ben bɑɑbɑbɑ wɛ̃.

Yeremi 32:24

Wee tɛ̃ Bɑbiloniɡibu bɑ ɡunɡunu bɑnɑ bu kɑ wɑ bu wuu ɡe wɔri. Bɑ koo mɑɑ ɡu mwɑ, domi ɑ bu ɡu nɔmu bɛriɑ. Kɑɑ de bu ɡu kɑmiɑ kɑ tɑbu kɑ ɡɔ̃ɔru kɑ bɑrɑru. Mɛyɑ ye ɑ ɡeruɑ kpuro yɑ koorɑ, Yinni Gusunɔ, ɑ mɑɑ ye wɑɑmɔ.

Yeremi 6:20

Nɑ ǹ ben turɑre ye yɑ wee Sebɑn di ǹ kun mɛ dɑ̃ɑ kiku nubu duroruɡuu ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃. Nɑ ǹ ben yɑ̃ku dɔ̃ɔ mwɑɑrɑruɡinu kĩ. Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

Yeremi 8:13

Yinni Gusunɔ u nɛɛ, ɡbɑɑ wuko u rɑ win dĩɑnu ɡɛ̃wɑ u mɛnnɑ. Adɑmɑ wee, nɑ kĩ n nɛn dĩɑnu mɛnnɑ Isirelibɑn mi, mɑ nɑ deemɑ bɑ sɑ̃ɑwɑ nɡe resɛm ǹ kun mɛ nɡe fiɡie ye yɑ wurusu dɛllɑ yɑ ǹ binu mɔ. Yen sɔ̃nɑ kon bu deri swɑɑ sɑrobun sɔ̃.

Yeremi 9:16

Nɛ, Gusunɔ wɔllu kɑ tem Yinniwɑ nɑ yeni ɡeruɑ. Yeremi u nɛɛ, i doo i tɔn kurɔ be bɑ rɑ ɡɔɔ swĩ kɑsumɑ. I doo i yen ɡonibɑ sokumɑ

Esekiɛli 14:19

Ǹ kun mɛ nɑ̀ n derɑ bɑrɑrɑ duɑ tem mɛ sɔɔ, mɑ bɑ ɡbisukɑ be kɑ ben yɑɑ sɑbenɔ,

Esekiɛli 14:21

Yen biruwɑ Yinni Gusunɔ u nɛɛ, wee nɑ Yerusɑlɛmu wɑhɑlɑ bɑkɑ nnɛ yeni kpɛ̃ɛ n kɑ yen tɔmbu kɑ ben yɑɑ sɑbenu ɡo. Yerɑ tɑbu kɑ ɡɔ̃ɔru kɑ ɡbeeku yɛɛ ɡɔbi kɑ bɑrɑnu.

Esekiɛli 8:18

Nɛn tii kon bu ye bɑ kuɑ kɔsie kɑ nɛn mɔru bɑkɑ. Nɑ ǹ bu mɛɛrimɔ kɑ wɔnwɔndu. Bɑ koo wuri kowɑ kɑ dɑm bu kɑ mɑn somiru kɑnɑ. Adɑmɑ nɑ ǹ bu swɑɑ dɑkimɔ.

Osee 5:6

Sɑnɑm ɡɑm sisi mɛ̀ sɔɔ bɑ koo bikiɑru dɑ Yinni Gusunɔn mi, kpɑ bu kɑ nùn yɑ̃ɑnu kɑ kɛtɛbɑ yɑ̃kuru kuɑ. Adɑmɑ bɑ ǹ nùn wɑsi, domi u bu deri.

Amɔsu 5:21

Yinni Gusunɔ u nɛɛ, u bɛɛn tɔ̃ɔ bɑkɑ ni i rɑ nùn diiye tusɑ. U ǹ mɑm mɑɑ kĩ u bɛɛn mɛnnɔsun woo nɔ.

Misee 3:4

Yen sɔ̃nɑ ì n Yinni Gusunɔ kɑnɑ u bɛɛ somi, u ǹ bɛɛ wisimɔ. U koo bɛɛ biru kisiwɑ kɔ̃sɑ ye i kuɑ min sɔ̃.

Sɑkɑri 7:13

Sɑnɑm mɛ nɑ bu sokɑ, bɑ ǹ wisɑ. Yen sɔ̃nɑ nɛn tii nɑ ǹ mɑɑ bu wisɑ sɑnɑm mɛ bɑ mɑn somiru kɑnɑ.

Mɑlɑsi 1:10

N burɑm bo bɛɛn turo u dɑ u nɛn sɑ̃ɑ yerun ɡɑmbobɑ kɛnɛ. Kpɑ i ku kɑ dɔ̃ɔ sɔ̃re kɑm sɔɔ nɛn yɑ̃ku yerɔ. Nɑ ǹ nuku dobu mɔ bɛɛ sɔɔ. Mɛyɑ yɑ̃ku ni i mɑɑ mɑn kuɑmmɛ nu ǹ mɑn wɛ̃remɔ.

Mɑlɑsi 2:13

Wee ye i kpɑm mɔ̀. I sumɔ, i weeweenu mɔ̀, mɑ i Yinni Gusunɔn yɑ̃ku yeru nɔni yĩresu wisimɔ yèn sɔ̃ u ǹ mɑɑ bɛɛn yɑ̃kunu mwɑɑmɔ, u ǹ mɑɑ kĩ u kɛ̃ru ɡɑru mwɑ bɛɛn nɔmɑn di.

Kɑ̃siru 6:8

Nɑ mɛɛrɑ mɑ nɑ wɑ dum bɛrɔ wuruwɑ. Wi u ye sɔni, win yĩsirɑ Gɔɔ, mɑ ɡɔribun wɑ̃ɑ yerɑ nùn swĩi. Beyɑ bɑ yiiko wɛ̃ bu kɑ hɑnduniɑn bɔnu nnɛse ɡo kɑ tɑkobi, kɑ ɡɔ̃ɔru, kɑ bɑrɑnu, kɑ mɑɑ ɡbeeku yɛɛ yi yi wɑ̃ɑ tem mɛ sɔɔ.