Yeremi 13:24 - Bibeli Gusunɔn Gari

²⁴ Yen sɔ̃, kon bɛɛ yɑrinɑsiɑwɑ nɡe mɛ woo ɡɑ rɑ yɑkɑsu yɑrinɑsie ɡbɑburɔ.

Yeremi 13:24 ပူးပေါင်းရင်းမြစ်များ

Womusu 1:4

Adɑmɑ tɔn kɔ̃so kun doo nɔɔru wɑsi. U ǹ sɑ̃ɑ nɡe dɑ̃ɑ te. Yɑkɑ ɡbebusɑ u kɑ weenɛ si woo ɡɑ rɑ yɑrinɑsie.

Esɑi 17:13

Bɑ kukirimɔ nɡe dɑɑ bɑkɑrun nim. Adɑmɑ Yinni Gusunɔ u bu ɡerusi, mɑ bɑ duki yɑrinɑ n tomɑ, nɡe yɑkɑ si woo ɡɑ suɑ ɡɑ kɑ doonɑ, ǹ kun mɛ, nɡe tuɑ ye woo ɡunɑ yɑ seeyɑ.

Esɑi 41:16

I ko nu sɑrɑwɑ nɡe dobi, woo ɡu kɑ nu doonɑ, kpɑ woo ɡunɑ yu nu yɑrinɑsiɑ, kpɑ i nuku dobu wɑ nɛn min di, nɛ, wi nɑ sɑ̃ɑ bɛɛn Yinni Dɛɛro, kpɑ i mɑn bɛɛrɛ wɛ̃.

Yeremi 18:17

Yen sɔ̃nɑ kon de bu yɑrinɑ yibɛrɛbɑn wuswɑɑɔ nɡe tuɑ ye sɔ̃ɔ yɑri yerun woo ɡɑ yɑrinɑsiɑ. Kon bu biru kisi. Nɑ ǹ bu mɛɛrimɔ sɑnɑm mɛ bɑ nɔni sɔ̃ɔre.

Yeremi 9:16

Nɛ, Gusunɔ wɔllu kɑ tem Yinniwɑ nɑ yeni ɡeruɑ. Yeremi u nɛɛ, i doo i tɔn kurɔ be bɑ rɑ ɡɔɔ swĩ kɑsumɑ. I doo i yen ɡonibɑ sokumɑ

Swĩi 1:15

Yinni Gusunɔ u nɛn tɑbu kowobu sururɑ. U tɑbu durɔbu mɛnnɑ bu kɑ nɛn ɑluwɑɑsibɑ kɑm koosiɑ. U nɛ, Yerusɑlɛmu tɑɑkɑ nɡe mɛ bɑ rɑ resɛm tɑɑku.

Esekiɛli 17:21

Win tɑbu kowo be bɑ koo duki su, kon bu nɑɑ swĩiwɑ n ɡo kɑ tɑkobi. Be bɑ tiɑrɑ kpɑ bu yɑrinɑ nɡe woo. Sɑɑ ye sɔɔ, bɑ koo ɡiɑ mɑ nɛnɑ nɑ yeni ɡeruɑ.

Esekiɛli 5:12

Bɑ̀ n bu bɔnu kuɑ subenu itɑ, sube teeru tɑ koo ɡbiwɑ Yerusɑlɛmun nukurɔ, bɑrɑru kɑ ɡɔ̃ɔrun sɔ̃, kpɑ suberu yiruseru tu mɑɑ ɡbi tɑbu sɔɔ Yerusɑlɛmun biruɔ. Kpɑ n mɑɑ sube te tɑ tie mini yɑrinɑsiɑ hɑnduniɑn ɡoonu nnɛ kpuro sɔɔ. Kon bu tɑkobi suesiwɑ.

Esekiɛli 5:2

Kpɑ ɑ sube teeru suɑ ɑ dɔ̃ɔ doke Yerusɑlɛmun suunu sɔɔ sɑnɑm mɛ yen tɑrusibun tɔ̃rɑ yibɑ. Yen biru kpɑ ɑ mɑɑ sube teeru suɑ ɑ n kɑ tu kɔ̃ɔ ɡe soomɔ ɑ kɑ wuu ɡe sikerenɑ. Yenibɑn biru kpɑ ɑ mɑɑ suberu itɑse suɑ ɑ pusi yɑm kpuro, yen biruwɑ kon bu tɑkobi suesi.

Esekiɛli 6:8

Adɑmɑ kon de bu kisirɑ tɑbun di, kpɑ bɑ n yɑrinɛ tem tukumɔ.

Osee 13:3

Yen sɔ̃nɑ bɑ koo doonɑ nɡe bururun kɑkoru ǹ kun mɛ nɡe dirum. Bɑ sɑ̃ɑ nɡe yɑkɑ si bɑ ɡurɑ bɑ yɑri doo soo yerun di su kɑ woo doonɔ ǹ kun mɛ nɡe wii si su yɑrimɔ ɡbɑburun di.

Sɑ̃ɑrun Woodɑ 26:33

Kon de bu bɛɛ tɑbu wɔri kpɑ i yɑrinɑ i dɑ tem tukumɔ. Kpɑ bɛɛn wusu su ko bɑnsu.

Sofoni 2:2

Yinni Gusunɔn himbɑ yu sere koorɑ. Kpɑ tɔ̃ɔ te, tu ku rɑɑ bɛɛ sɑmbɑ ko nɡe doo sɑko ɡe ɡɑ kɑ woo doonɔ. I de i sinɑ i bwisiku Yinni Gusunɔn mɔru bɑkɑ yen tɔ̃ru tu sere tunumɑ tu bɛɛ deemɑ.

Luku 21:24

Bɑ koo bu sɔ̃siri kɑ tɑkobi, kpɑ bu bu yoru mwɑ tem bɑɑmɑ. Bwese tukunu koo mɑɑ Yerusɑlɛmu tɑɑku sere nin sɑɑ yu kɑ turi.

Sɔ̃ɔsiru 28:64

Nɡe mɛyɑ u koo de i yɑrinɑ i n wɑ̃ɑ hɑnduniɑn bwesenu kpuro sɔɔ. Miyɑ i ko i bũnu sɑ̃ ni bɛɛ kɑ bɛsɛn bɑɑbɑbɑ i ǹ dɑɑ yɛ̃ ni bɑ kɑ dɑ̃ɑ kɑ kpenu kuɑ.

Sɔ̃ɔsiru 32:26

U koo bu kɑm koosiɑwɑ mɑm mɑm sere ɡoo kun mɑɑ bu yɑɑyɑmɔ.

Sɔ̃ɔsiru 4:27

Yinni Gusunɔ u koo de i n yɑrinɛwɑ bwese tukunun suunu sɔɔ kpɑ i kun dɑbi yɑ̃ɑtem mi u derɑ i yoru dimɔ.