Yeremi 13:16 - Bibeli Gusunɔn Gari

¹⁶ I Gusunɔ bɛɛn Yinni bɛɛrɛ wɛ̃ɛyɔ u sere kɑ yɑm wɔ̃kuru nɑ te tɑ koo de i sokukirɑ ɡuunu wɔllɔ. Mɛyɑ i yɑm bururɑm mɑrɑ, ɑdɑmɑ u koo de mu tĩrɑ mɑm mɑm kpɑ mu ɡɔsiɑ yɑm wɔ̃ku bɑkɑru nɡe te tɑ wɑ̃ɑ ɡɔribun wɑ̃ɑ yerɔ.

Yeremi 13:16 ပူးပေါင်းရင်းမြစ်များ

Yoobu 3:5

Gɔribun wɑ̃ɑ yerun yɑm wɔ̃ku bɑkɑru tu tu wukiri, kpɑ ɡuru wiru tɑ n tu wukiri. Yen dɔmɑ te, suru kɑ sɔ̃ɔ bu mwɑɑnɑ kpɑ bɛrum mu n wɑ̃ɑ tem sɔɔ.

Womusu 107:10

Gɑbu bɑ rɑɑ wɑ̃ɑ yɑm wɔ̃kuru sɔɔ sere ɡɔribun wɑ̃ɑ yerɔ bɑ yoru dimɔ, mɑ bɑ kɑ bu yɔni bɔkuɑ

Womusu 107:14

U bu yɑrɑ yɑm wɔ̃ku te, kɑ ɡɔribun wɑ̃ɑ yee ten min di, mɑ u ben yorun yɔni yi kusiɑ.

Womusu 29:2

I win yĩsiru wɔlle suo, kpɑ i yiirɑ win wuswɑɑɔ win dɛɛrɑrun sɔ̃.

Womusu 44:19

Bɛsɛn ɡɔ̃ru ɡɑ ǹ sĩire wunɛn min di, sɑ ǹ mɑɑ ɡɛre wunɛn swɑɑn di.

Yɑribu 10:21

Yen biru Yinni Gusunɔ u Mɔwisi sɔ̃ɔwɑ u nɛɛ, ɑ wunɛn dɛkɑ tĩiyɔ wɔllɔ kpɑ yɑm wɔ̃ku sinumɡiru tu Eɡibitin tem wukiri, sere bu tu bɑbɑ.

Mɔnnu 4:19

Adɑmɑ tɔn kɔ̃sobun kookoosu su sɑ̃ɑwɑ nɡe yɑm wɔ̃kuru. Bɑ ǹ yɛ̃ yèn sɔ̃ bɑ sokurɑmɔ.

Wɑɑsu kowo 11:8

Tɔnu ɑ̀ n tɛ wɑ̃ɑru sɔɔ, ɑ nuku dobu koowo yen sɔ̃, kpɑ ɑ n yɑɑye mɑ nuku sɑnkirɑnun tɔ̃nu wɑ̃ɑ nu dɑbi. Adɑmɑ ye yɑ koorɑmɔ kpuro yɑ tubum sɛ̃.

Esɑi 5:30

Sɑɑ ye sɔɔ, kukiribu koo nɔɔrɑ Isirelibɑ sɔɔ nɡe nim wɔ̃ku ɡe woo bɔkɔ ɡɑ seeyɑ. Bɑ̀ n tem mɛ mɛɛrɑ, yɑm wɔ̃kurɑ bɑ koo wɑ kɑ nuku sɑnkirɑ bɑkɑnu, kpɑ wɔllu tu tĩrɑ ɡuru wii bɑkɑrun sɔ̃.

Esɑi 59:10

Sɑ sĩimɔ sɑ bɑ̃ɑrimɔ nɡe wɔ̃ko wi u ɡɑnɑ bɑbi. Mɑ sɑ sokikirɑmɔ sɔ̃ɔ sɔɔ nɡe wi u wɑ̃ɑ yɑm wɔ̃kuru sɔɔ. Bɑɑ mɛ sɑ bwɑ̃ɑ do, bɛsɛ kɑ ɡonu sɑ kuɑ tiɑ.

Esɑi 59:9

Isirelibɑ bɑ nɛɛ, bɛsɛn torɑnun sɔ̃nɑ wunɛ Yinni Gusunɔn fɑɑbɑ yɑ tɛɛmɔ yèn nɔɔ mwɛɛru ɑ sun kuɑ. Sɑ yɑm bururɑm mɑrɑ, ɑdɑmɑ yɑm wɔ̃kuru sɔɔrɑ sɑ sĩimɔ kɑ tɛ̃. Sɑ mɑrɑ sɔ̃ɔ u yɑri, ɑdɑmɑ yɑm mu tĩriwɑ sere kɑ ɡisɔ.

Esɑi 60:2

Wee yɑm wɔ̃kurɑ tem kɑ tɔn tukobu wukiri. Adɑmɑ wunɛ, nɛn yiiko yɑ nun yɑm bururɑsie nɡe sɔ̃ɔ.

Esɑi 8:22

ǹ kun mɛ temɔ, kpɑ bu deemɑ yɑm wɔ̃kuru kɑ nuku sɑnkirɑnɑ kpuro. Ben ɡoo kun kisirɑmɔ yɑm wɔ̃ku bɑkɑ ten min di.

Yeremi 14:19

Yinni Gusunɔ, ɑ bɛsɛ Yudɑbɑ biru kisiwɑ mɑm mɑm? A sun bwɛ̃rɑ yɑrɑwɑ? Mbɑn sɔ̃nɑ ɑ sun sɛɛyɑsiɑmɔ ɑ mɛɛrɑ mɔ̀ ye yɑ ǹ bɛkurɑmɔ. Sɑ bɔri yɛndu mɑrɑ, ɑdɑmɑ sɑ ǹ tu wɑ. Sɑ mɑrɑ ɑ sun bɛkiɑ, ɑdɑmɑ nɔni swɑ̃ɑru sɔɔrɑ sɑ wɑ̃ɑ.

Yeremi 2:6

Bɑ ǹ tii bikie bu nɛɛ, mɑnɑ wi, Yinni Gusunɔ u wɑ̃ɑ, wi, wi u bu yɑrɑmɑ Eɡibitin di. Mɑnɑ u wɑ̃ɑ, wi, wi u kɑ bu dɑ ɡbɑburɔ mi ɡɑ̃ɑnu ku rɑ kpi. Gbɑbu te sɔɔ, nim sɑri, dɔkɔ kpirinɑ nu yibɑ, wɑ̃ɑrɑ mɑɑ sɛ̃ mi. Yen sɔ̃nɑ ɡoo kun wɑ̃ɑ mi, ɡoo ku rɑ mɑɑ sĩ mi.

Yeremi 23:12

Yen sɔ̃nɑ ben swɑɑ yɑ koo wɔriɑ, kpɑ yu bu yɑm tĩre. U koo de bu bu bɔriɑ, kpɑ bu wɔruku sɑɑ ye u koo bu sɛɛyɑsiɑ u de wɑhɑlɑ yu bu deemɑ. Wi, Yinni Gusunɔwɑ u yeni ɡeruɑ.

Yeremi 4:23

Nɑ tem mɛɛrɑ mɑ mu sɑ̃ɑ bitɑm, ɡɑ̃ɑnu sɑri mɛn wɔllɔ. Nɑ mɑɑ wɔllu mɛɛrɑ, nɑ deemɑ yɑm bururɑm sɑri mi.

Yeremi 50:6

Be, nɛn tɔmbu, wee bɑ sɑ̃ɑ nɡe yɑ̃ɑ ɡɔ̃ɔ ɡe ɡɑ rɑɑ kɔ̃ɔre. Ben kpɑrobɑ rɑɑ bu kɔ̃ bɑ derɑ bɑ sirenɛ ɡuunu wɔllɔ bɑ ɡɑsirimɔ ɡee kɑ ɡiɔ, sere bɑ ben wɑ̃ɑ yeru duɑri.

Yeremi 6:21

Yen sɔ̃nɑ kon bu sokurɑtiɑ dokeɑ, kpɑ bɑɑbɑbɑ kɑ ben bibu, tɔnu mɑɑ kɑ win bɔrɔ bu sokurɑ mi bu ɡbi.

Yeremi 8:15

Wee, sɑ tɑmɑɑ wɑ̃ɑrɑ koo kɔsi, ɑdɑmɑ yɑ ǹ koore. Sɑ tɑmɑɑ sɑɑ ɡɑɑ wee yè sɔɔ bɛsɛn nɔni swɑ̃ɑru tɑ koo kpe, ɑdɑmɑ nɑndɑbɑ bu sun deemɑ.

Swĩi 4:17

Sɑ swɑɑ mɛɛrɑ sɑ wɑsirɑ su kɑ wɑ mìn di somirɑ koo sun nɑɑwɑ. Sɑ rɑɑ bweseru ɡɑru mɛɛrɑ te sɑ yĩiyɔ tɑ koo sun fɑɑbɑ ko. Wee, tɑ ǹ sun fɑɑbɑ kue.

Esekiɛli 21:15

Yɑ bɑllimɔ, yerɑ bɑ koo kɑ tɔmbu ɡo. I tɑmɑɑ bɛɛn bɑndu tɑ ǹ kpeemɔ ,

Esekiɛli 34:12

Kon nu mɛnnɑwɑ nɡe mɛ yɑ̃ɑ kpɑro u rɑ win yɑ̃ɑnu mɛnnɛ nù n yɑrinɑ. Tɔ̃ɔ te nu yɑrinɑ tɑ sɑ̃ɑwɑ yɑm wɔ̃ku bɑkɑru. Kon dɑ n nu kɑsuwɑ bɑɑmɑ mi nu yɑrinɛ.

Esekiɛli 36:15

U ǹ mɑɑ derimɔ i bwese tukunun wɔmɑ nɔ. Bɑ ǹ mɑɑ bɛɛ sekuru dokemɔ. Mɛyɑ i ǹ mɑɑ derimɔ bɛɛn tɔmbu bu kɑm ko. Wi, Yinni Gusunɔwɑ u yeni ɡeruɑ.

Yoɛli 2:2

Tɔ̃ɔ te, tɑ tĩriwɑ. Tɑ ɡuru wiru kɑ bukɔ sɔɔwɑ. Mɑ twee wuurɑ wee yi dɑbi, yi mɑɑ dɑm mɔ. Yin wuu te, tɑ tĩriwɑ nɡe yɑm wɔ̃kurɑ ɡuuru wukiri. Sɑ ǹ yen bweseru wɑɑre. Sɑ ǹ mɑɑ yen bweseru wɑsi.

Amɔsu 4:13

Domi nɛnɑ nɑ ɡuunu mɔmɑ, mɑ nɑ woo tɑkɑ kuɑ. Nɑ rɑ nɛn bwisikunu tɔnu ɡiɑsie. Nɑ rɑ mɑɑ yɑm bururɑm ɡɔsie yɑm wɔ̃kuru, kpɑ nɑ n sĩimɔ ɡuunu wɔllɔ. Nɛn yĩsirɑ Gusunɔ wɔllu kɑ tem Yinni.

Amɔsu 5:18

Bɔ̃rurobɑ bɛɛ be i Yinni Gusunɔn siribun tɔ̃ru mɑrɑ. Mbɑ i yĩiyɔ i wɑ tɔ̃ɔ te sɔɔ. I n yɛ̃ mɑ tɑ ko n sɑ̃ɑwɑ yɑm wɔ̃kuru, n ǹ mɔ yɑm bururɑm.

Mɑlɑsi 2:2

Ì n mɑɑ yinɑ i ye mɛm nɔɔwɑ kpɑ i kun mɑn bɛɛrɛ wɛ̃, kon bɛɛ bɔ̃rusi. Kpɑ domɑ te i rɑɑ mɔ, tu ɡɔsiɑ bɔ̃ri. Domi i ǹ nɛn woodɑbɑ ɡɑrisi ɡɑ̃ɑnu bɛɛn ɡɔ̃ruɔ.

Yohɑnu 12:35

Yesu u bu wisɑ u nɛɛ, sɑɑ fiiko sɔɔrɑ yɑm bururɑm mu wɑ̃ɑ bɛɛn suunu sɔɔ. I n sĩimɔ sɑɑ ye i yɑm bururɑm mɔ kpɑ yɑm mu ku rɑɑ bɛɛ tĩre. Domi wi u sĩimɔ yɑm wɔ̃kuru sɔɔ u ku rɑ n yɛ̃ mi u dɔɔ.

Yosue 7:19

Yosue u Akɑni sɔ̃ɔwɑ u nɛɛ, nɛn bii, ɑ Gusunɔ Isirelibɑn Yinni bɛɛrɛ wɛ̃ɛyɔ, kpɑ ɑ ɡem ɡere. A mɑn sɔ̃ɔwɔ ye ɑ kuɑ. A ku mɑn yen ɡɑɑ beruɑ.

Piɛɛ I 2:8

Mɑ ɡɑm ɡum bɑ kpɑm nɛɛ, “Kpee terɑ tɑ tɔmbu sokurɑsiɑmɔ. Teyɑ tɑ mɑɑ bu surɑmɔ.” Bɑ sokurɑ yèn sɔ̃ bɑ yinɑ bu ɡɑri yi nɑɑnɛ doke. Yeyɑ Gusunɔ u rɑɑ ɡɔru doke ben sɔ̃.

Sɑmuɛli I 6:5

Yen sɔ̃nɑ i ko i bwisinun weenɑsinu ko kɑ ɡunɔ ni nu tem sɑnkumɔn weenɑsinu, kpɑ i Isirelibɑn Yinni bɛɛrɛ wɛ̃. Sɔrɔkudo u koo win nɔmɑn bunum kɑwɑ u bɛɛ wɑhɑlɑ wunɑri bɛɛ kɑ bɛɛn bũnu kɑ bɛɛn tem min di.