Yeremi 12:14 - Bibeli Gusunɔn Gari

¹⁴ Yinni Gusunɔ u nɛɛ, bwese ni nu kɑ Isirelibɑ sikerenɛ, nu sɑ̃ɑwɑ tɔn kɔ̃sobu. Nu tem mɛ mwɑ mɛ nɛ, Yinni Gusunɔ nɑ Isirelibɑ wɛ̃ mu n sɑ̃ɑ ben tubi. Wee ye nɑ ɡerumɔ bwese nin sɔ̃. Nɑ nɛɛ, kon nu wukɑ sɑɑ nin tem di, kpɑ n Yudɑbɑ wunɑ nin suunu sɔɔn di.

Yeremi 12:14 ပူးပေါင်းရင်းမြစ်များ

Womusu 105:15

U nɛɛ, i ku be nɑ ɡɔsɑ bɑbɑ. I ku be, nɛn sɔmɔbu kɔ̃sɑ kuɑ.

Womusu 106:47

Gusunɔ bɛsɛn Yinni, ɑ sun fɑɑbɑ koowo. A sun wunɔ bwese tukunun suunu sɔɔn di, kpɑ ɑ sun mɛnnɑ, su wɑ su wunɛn yĩsi dɛɛrɑru tɔmɑ, kpɑ sɑ n yɛ̃ɛrimɔ su kɑ nun sɑ̃.

Yeremi 2:3

Bɛɛ Isirelibɑ, i rɑɑ wɑ̃ɑwɑ wi turon sɔ̃. I sɑ̃ɑwɑ win ɑrumɑni ye u tii ɡɔsiɑ. Wi u nɑ u bɛɛ ɡurɑ, wɑhɑlɑ yɑ rɑ yɛ̃ro deemɛwɑ. Wi, Yinni Gusunɔwɑ u yeni ɡeruɑ.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 3:18

Sɑɑ ye sɔɔ, Yudɑbɑ kɑ Isirelibɑ bɑ koo mɛnnɑ bu ko tiɑ. Domi bɑ koo wurɑmɑ sɑnnu sɑɑ sɔ̃ɔ yɛ̃sɑn nɔm ɡeu ɡiɑn di. Kpɑ bu sinɑ tem mɛ sɔɔ mɛ nɑ ben bɑɑbɑbɑ wɛ̃ bɑ tubi di.

Yeremi 32:37

wee, kon yen tɔmbu mɛnnɑ bu wurɑ ye sɔɔ. Domi nɑ rɑɑ kɑ bu mɔru kuɑ ɡem ɡem, mɑ nɑ bu yɑrinɑsiɑ bɑɑmɑ, ɑdɑmɑ kon de bu wurɑmɑ mini kpɑ bɑ n wɑ̃ɑ bɔri yɛndu sɔɔ.

Yeremi 48:1

Wee ye Gusunɔ Isirelibɑn Yinni wi u wɔllu kɑ tem mɔ, u ɡeruɑ Mɔɑbubɑn sɔ̃. U nɛɛ, Nɛbo yɑ kɑm kuɑ domi wee bɑ yen yɑ̃nu ɡurɑ. Kiriɑtɑimu yɑ wɑ̃ɑ sekuru sɔɔ domi bɑ ye mwɑ. Misiɡɑbu yɑ wɑ̃ɑ sekuru sɔɔ, domi bɑ ye kɔsukɑ.

Yeremi 48:47

Adɑmɑ sɑɑ ɡɑɑ sisi yè sɔɔ kon kɑ Mɔɑbu be bɑ yoru mwɛɛrɑ mi wurɑmɑ ben temɔ. Nɛ, Yinni Gusunɔwɑ nɑ yeni ɡeruɑ. Nɡe mɛyɑ kon kɑ Mɔɑbubɑ sɛɛyɑsiɑ.

Yeremi 49:1

Wee ye Yinni Gusunɔ u ɡeruɑ Amɔnibɑn sɔ̃. U nɛɛ, mbɑn sɔ̃nɑ bũu wi bɑ mɔ̀ Mɑlikɔmu u Gɑdin tem mwɑ. Mbɑn sɔ̃nɑ win tɔmbu Amɔnibɑ bɑ Isirelibɑn wusu wɔrɑ. Isirelibɑ bɑ ǹ bibu mɔwɑ be bɑ koo mu tubi di?

Yeremi 49:7

Wee ye Gusunɔ, wɔllu kɑ tem Yinni u ɡeruɑ Edɔmubɑn sɔ̃. U nɛɛ, bwisi yi kpɑwɑ Temɑniɔ? Ben bwisiɡibun bwisi yi kpɑwɑ? Mɑnɑ yi kpuro yi doonɑ.

Esekiɛli 28:25

Amɛniwɑ nɛ, Yinni Gusunɔ nɑ mɑɑ ɡeruɑ. Nɑ nɛɛ, sɑnɑm mɛ kon Isirelibɑ mɛnnɑmɑ bwese tukunun suunu sɔɔn di mi bɑ yɑrinɛ, kon sɔ̃ɔsi bwese tuku nin nɔni biru mɑ nɑ sɑ̃ɑwɑ Dɛɛro. Sɑɑ ye sɔɔrɑ Isirelibɑ bɑ koo dɑ bu sinɑ ben temɔ mɛ nɑ ben bɑɑbɑ Yɑkɔbu wɛ̃.

Esekiɛli 28:26

Bɑ koo sinɑ bɔri yɛndu sɔɔ. Bɑ koo diɑ bɑni kpɑ bu resɛmbɑ duure. Bɑ ko n wɑ̃ɑ bɔri yɛndu sɔɔ domi kon be bɑ kɑ bu sikerenɛ bɑ bu ɡɛmɑ siri n sɛɛyɑsiɑ. Sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Gusunɔ ben Yinni.

Esekiɛli 36:24

Kon bu wunɑ bwese nin suunu sɔɔn di n bu mɛnnɑ n kɑ wurɑmɑ ben temɔ.

Esekiɛli 36:5

Wi, Yinni Gusunɔ u ɡeruɑ u nɛɛ, kɑ nisi bɑkɑnɑ u kɑ Edɔmubɑ kpuro ɡɑri mɔ̀ kɑ bwese ni nu tie, ni nu tii win tem wɛ̃ kɑ nuku dobu kɑ win ɡɛndu mɑ nu kɑ mɛn yɑ̃nu kpuro ɡurɑ.

Esekiɛli 37:21

A mɑɑ bu sɔ̃ɔwɔ ɑ nɛɛ, wee, kon Isirelibɑ mɛnnɑmɑ beri berikɑn di mi bɑ yɑrinɛ bwesenu sɔɔ, kpɑ n de bu wurɑmɑ ben temɔ.

Sɑkɑri 1:15

Mɛyɑ u kɑ bwese ni nu tii sue mɔru mɔ̀. Yellu u rɑɑ kɑ nu mɔru kuɑ fiiko. Mɑ nu Yerusɑlɛmu kɔ̃sɑ kuɑ.

Sɑkɑri 2:8

Mɑ u nùn sɔ̃ɔwɑ u nɛɛ, ɑ dukɑ doo ɑ ɑluwɑɑsi wi sɔ̃ ɑ nɛɛ, Yerusɑlɛmu yɑ koo ko wuu ɡè bɑ ǹ mɑɑ ɡbɑ̃rɑru toosimɔ. Domi ɡen tɔmbu kɑ ɡen yɑɑ sɑbenu koo dɑbiɑ.

Sɔ̃ɔsiru 28:63

Nɡe mɛ Yinni Gusunɔ u rɑɑ bɛɛ durom kuɑ, u bɛɛ dɑbiɑsiɑ kɑ kĩru, nɡe mɛyɑ u koo mɑɑ bɛɛ yɑrɑ kɑ win kĩru tem mɛ u bɛɛ wɛ̃n di kpɑ i kɑm ko.

Sɔ̃ɔsiru 30:3

sɑɑ ye sɔɔrɑ wi, Yinni Gusunɔ u koo bɛɛ wɔnwɔndu kuɑ kpɑ u kɑ bɛɛ wurɑmɑ mìn di u rɑɑ bɛɛ yɑrinɑsiɑ i yoru dimɔ.