Yeremi 12:13 - Bibeli Gusunɔn Gari

¹³ Wee bɑ dĩɑnu duurɑ, mɑ sɑ̃ki kpiɑ. Bɑ tii wɑhɑlɑ kuɑ kɑm. Sekurɑ bɑ ɡɑ̃ nɛ, Yinni Gusunɔn mɔrun sɔ̃.

Yeremi 12:13 ပူးပေါင်းရင်းမြစ်များ

Womusu 78:62

U kɑ win tɔmbu mɔru kuɑ, mɑ u derɑ bɑ bu ɡo tɑbu sɔɔ.

Esɑi 55:2

Mbɑn sɔ̃nɑ i bɛɛn ɡobi dimɔ ye yɑ ǹ ɑrufɑɑni mɔ sɔɔ. Mbɑn sɔ̃nɑ i bɛɛn sɔmburun ɑre dimɔ ye yɑ ǹ bɛɛ debumɔ sɔɔ. I mɑn swɑɑ dɑkio kpɑ i wɑ i di ye yɑ ɡeɑ sɑ̃ɑ, kpɑ bɛɛn bwɛ̃rɑ yu yɛmiɑ dĩɑ duronun sɔ̃.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Yeremi 4:26

Nɑ tem mɛɛrɑ mɛ mu rɑɑ sɑ̃ɑ tem ɡem. Nɑ deemɑ wee, mu kuɑ tem sɑɑrɑm. Mɑ wuu si su wɑ̃ɑ mi, su wɔrukɑ. Yinni Gusunɔwɑ u ye kuɑ win mɔrun sɑɑbu.

Yeremi 9:5

Bɑ rɑ tii wɛ̃ kɔ̃sɑn kobu kɑ weesu sɔɔ sere bɑ yinɑ bu mɑn wurɑ.

Osee 8:7

Wee i woo duurɑ, yen sɔ̃nɑ i ko i woo bɔkɔ ɡɛ̃. Mɔndu ɡɑrɑ nɛɛ, dobi bɛm sɑri ku rɑ n som mɔ. I n mɑɑ yɛ̃ mɑ bɛɛn ɡbeɑn dĩɑnu nù n dɑɑ ɡeɑ kuɑ, sɔbɑ bɑ koo nu ɡurɑ.

Sɑ̃ɑrun Woodɑ 26:16

wee ye kon bɛɛ kuɑ. Kon bɛɛ bɛrum tiɑ kpɑ n de wɑsi sun bɑkɑru tu bɛɛ wɔri i woorɑ sere bɛɛn nɔni yi tondɑ kpɑ i n wɑhɑlɑ mɔ̀. Kɑm sɔɔrɑ i ko i bɛɛn dĩɑnu duure. Domi bɛɛn yibɛrɛbɑrɑ bɑ koo nu di.

Sɑ̃ɑrun Woodɑ 26:20

I ko i bɛɛn dɑm dɔrɑwɑ kɑm sɔɔ. Domi tem mu ǹ dĩɑnu mɔ̀. Mɛyɑ dɑ̃nu nu ǹ mɑɑ mɑrumɔ.

Misee 6:15

I ko i duure, ɑdɑmɑ i ǹ ɡɛ̃ɛmɔ. I ko i olifi ɡɑmɑ, ɑdɑmɑ i ǹ wɑsi i yen ɡum sɑwɑ. I ko i resɛm tɑm wĩɑ, ɑdɑmɑ i ǹ wɑsi i mu nɔ.

Hɑbɑkuku 2:13

Ye tɔmbɑ mɔ̀ kpuro, yɑ koo dɔ̃ɔ mwɑɑrɑ. Bɑ tii nɔwiɑ mɔ̀wɑ kɑm sɔɔ. Gusunɔ wɔllu kɑ tem Yinniwɑ u koo ye kpuro kɑm koosiɑ.

Asee 1:6

Wee i dĩɑnu duurumɔ too, ɑdɑmɑ fiikowɑ i ɡɛ̃ɛmɔ. I dimɔ, ɑdɑmɑ i ǹ debumɔ. I nɔrumɔ, ɑdɑmɑ bɛɛn nɔru kun kpeemɔ. I yɑ̃nu dokemɔ, ɑdɑmɑ nu ǹ bɛɛ wooru ɡirɑmmɛ. Ì n bɛɛn kɔsiɑru mwɑ, tɑ rɑ doonɛwɑ nɡe te bɑ doke bɔɔ ɡɛ̃ɛre sɔɔ.

Asee 1:9

I tɑmɑɑ i ko i dĩɑnu wɑwɑ too bɛɛn ɡbeɑn di. Adɑmɑ wee fiikowɑ i wɑ. Fiiko ye i wɑ i kɑ dɑ yɛnuɔ mi, mɑ nɑ ye wom wure nɑ yɑrinɑsiɑ. Mbɑn sɔ̃. Yèn sɔ̃ i nɛn sɑ̃ɑ yeru deri tɑ kuɑ bɑnsu. Mɑ bɑɑwure u sɛnde u kɑ win tiin diru bɑni. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Romu 6:21

Are yirɑ̀ i rɑɑ wɑ yè sɔɔ sekurɑ bɛɛ mɔ̀ tɛ̃. Yen wii ɡoberu mɑɑ ɡɔɔwɑ.

Sɔ̃ɔsiru 28:38

Dĩɑ bwese bɑkɑrɑ i ko i kɑ dɑ ɡbeɑɔ i duure, ɑdɑmɑ nin fiikowɑ i ko i wɑ i ɡɛ̃, domi twee yi koo nɑ yi nu di.