Yeremi 12:1 - Bibeli Gusunɔn Gari

¹ Yinni Gusunɔ, ɑ sɑ̃ɑwɑ ɡemɡii bɑɑdommɑ, nɑ ǹ kpɛ̃ n nun siribu soku. Adɑmɑ kɑ mɛ, nɑ kĩ n nun ɡɑ̃ɑnu bikiɑ wunɛn ɡem mɛ sɔɔ. Ye nɑ bikiɑmɔ wee. Mbɑn sɔ̃nɑ durumɡiin wɑ̃ɑru tɑ rɑ n kuurɑmɔ. Mbɑn sɔ̃nɑ ɑ rɑ de be bɑ ǹ nun nɑɑnɛ sɑ̃ɑ bɑ n wɑ̃ɑ bɔri yɛndu sɔɔ.

Yeremi 12:1 ပူးပေါင်းရင်းမြစ်များ

Torubu 18:25

N ǹ weenɛ ɑ tɔn ɡeobu kɑ tɔn kɔ̃sobu kpeerɑsiɑ sɑnnu kpɑ be kpuro bu ɑre tee wɑ. Yen bweserɑ kun kɑ nun weenɛ. Wunɛ wi kɑɑ hɑnduniɑ kpuro siri, ɑ ǹ kɑɑ ko ye n wɑ̃?

Ɛsidɑrɑsi 9:15

Gusunɔ bɛsɛ Isirelibɑn Yinni, wunɑ ɑ sɑ̃ɑ ɡemɡii. Bɛsɛ sɑ sɑ̃ɑwɑ be bɑ tiɑrɑ Isirelibɑ sɔɔ. Bɛsɛ wee wunɛn wuswɑɑɔ sɑ torɑ. Sɑ ǹ mɑɑ kpɛ̃ sɑ n kɑ wɑ̃ɑ mɛ wunɛn wuswɑɑɔ.

Nɛɛmi 9:33

A sɑ̃ɑwɑ nɑɑnɛɡii. A mɑɑ kuɑwɑ dee dee ɡɑ̃ɑ ni nu sun deemɑ sɔɔ. Adɑmɑ bɛsɛ, sɑ kuɑwɑ nɑɑnɛ sɑriruɡibu.

Yoobu 12:6

Gbɛnɔbun yɛnu ɡɑ rɑ n wɑ̃ɑ ɑlɑfiɑ sɔɔ. Be bɑ Gusunɔ seesimɔ, bɑ rɑ n wɑ̃ɑ bɔri yɛndu sɔɔ. Bɑ rɑ n ben tiin dɑm sɑ̃ɑmɔ.

Yoobu 13:3

Adɑmɑ Yinni Gusunɔ Dɑm kpuroɡiiwɑ nɑ kĩ n ɡɑri sɔ̃. Wiyɑ kon weeweenu koosi.

Yoobu 24:12

Wuu mɑrosɔ ɡɑbɑ ɡɔɔ dɔɔ, bɑ wuri mɔ̀. Be bɑ mɛɛrɑ kuɑ bɑ weeweenu mɔ̀. Adɑmɑ Gusunɔ kun yen ɡɑɑ ɡɑrɑ.

Yoobu 24:23

Gɑsɔ u rɑ bu yĩiyɔbu wɛ̃, bɑ n kɑ wɑ̃ɑ bɔri yɛndu sɔɔ. Adɑmɑ u rɑ n ben sɑnu sɑnusu mɛɛrɑwɑ.

Yoobu 8:17

Tɑ rɑ ten ɡbini ɡire kpenun sɔɔwɔ, kpɑ ɡbini yi, yi bɔsu yi wɑ ye n wɑ̃ɑ mi.

Womusu 116:5

Gusunɔ bɛsɛn Yinni u sɑ̃ɑwɑ tɔn ɡeo kɑ ɡemɡii. Mɛyɑ win wɔnwɔndɑ kpɑ̃.

Womusu 119:137

Yinni Gusunɔ, ɑ sɑ̃ɑwɑ ɡemɡii. Wunɛn siribu bu rɑ n sɑ̃ɑwɑ dee dee.

Womusu 119:75

Yinni Gusunɔ, nɑ yɛ̃ mɑ wunɛn siribu bu sɑ̃ɑwɑ dee dee. Wunɛn bɔrɔkinirun sɔ̃nɑ ɑ mɑn sekuru doke.

Womusu 145:17

Yinni Gusunɔ, ɑ sɑ̃ɑwɑ ɡemɡii wunɛn swɛɛ kpuro sɔɔ. Mɛyɑ ɑ rɑ mɑɑ wunɛn wɔnwɔndu sɔ̃ɔsi sɔmɑ ye ɑ mɔ̀ kpuro sɔɔ.

Womusu 37:1

Dɑfidin womu. A ku tii nɔwiɑ ko tɔn kɔ̃sobun sɔ̃. A ku kɑ kɔ̃sɑn kowobu kinɛnu ko.

Womusu 37:35

Nɑ tɔn kɔ̃sobu wɑ kɑ ben dɑm kpuro, bɑ yɛki nɡe dɑ̃ɑ kɛriɡiru te tɑ kpɑre.

Womusu 51:4

A mɑn woburuo sɑ̃ɑ sɑ̃ɑ kpɑ ɑ nɛn kom kɔ̃sum wɔkɑ. A nɛn durum wunɔ kpɑ n sɑ̃rɑ.

Womusu 51:6

Wunɛ turowɑ nɑ torɑri, nɑ mɑɑ kuɑ ye yɑ ǹ nun dore. Yen sɔ̃, ɑ ɡem mɔ ye ɑ kɑ mɑn tɑɑrɛ wɛ̃. Wunɛn siribu bu dɛnde.

Womusu 92:7

Gɑri bɔkɔ ɡɑ ǹ kpɛ̃ ɡu nu tubu, mɛyɑ nu ǹ mɑɑ kpɛ̃ nu nùn yeeri.

Mɔnnu 1:32

Lɑɑkɑri sɑribɑn bwisi kɛ̃ɛ yinɑbu koo de bu ɡbi. Gɑri bɑkɑsun biti sɑrirɑ derɑ bɑ kɑm mɔ̀.

Wɑɑsu kowo 8:14

Gɑ̃ɑnu wɑ̃ɑ ni nu koorɑmɔ hɑnduniɑ ye sɔɔ mɑ nu tubum sɛ̃. Niyɑ, ye yɑ koo tɔn kɔ̃so deemɑ yerɑ yɑ rɑ mɑɑ ɡemɡii deemɛ. Ye yɑ koo mɑɑ ɡemɡii deemɑ, yerɑ yɑ rɑ mɑɑ tɔn kɔ̃so deemɛ. Yenin tii yɑ tubum sɛ̃.

Esɑi 41:21

Gusunɔ Isirelibɑn Yinni u nɛɛ, bɛɛ bũnu i kɑsuo nɡe mɛ i ko kɑ tii yinɑ. I sɔ̃ɔsimɑ nɡe mɛ i ko kɑ tii wɔrɑ.

Esɑi 48:8

Wee i ku rɑ mɑn swɑɑ dɑki. I ku rɑ mɑɑ kɑ̃ bu bɛɛ ɡɑ̃ɑnu sɔ̃ɔsi, domi sɑɑ yellun di, bɑ ǹ bɛɛ swɑɑ yɑbe. Nɑ yɛ̃ mɑ i ko ko nɑɑnɛ sɑribɑ, domi bu sere bɛɛ mɑ, bɑ bɛɛ sokɑ be bɑ koo mɑn seesi.

Yeremi 11:20

Adɑmɑ wunɛ Gusunɔ, wɔllu kɑ tem Yinni, ɑ sɑ̃ɑwɑ wi u rɑ siri dee dee. Wunɑ ɑ tɔnun ɡɔ̃ru kɑ win bwisikunu yɛ̃. Wunɑ nɑ nɛn weeweenu nɔmu sɔndiɑ. Nɑ mɑrɑwɑ n wɑ mɔru ye kɑɑ bu kɔsiɑ.

Yeremi 12:6

Domi wunɛn mɛro bisibu kɑ wunɛn yɛnuɡibu bɑ nun nɑɑnɛ sɑrirun kom kuɑmmɛ. Wee bɑ nun nɔɔɡiru suemɔ biruɔ. A ku bu nɑɑnɛ ko, bɑɑ bɑ̀ n nun ɡɑri dori sɔ̃ɔmɔ.

Yeremi 3:20

Adɑmɑ i mɑn tɔnu kɑm kom kuɑ nɡe mɛ kurɔ nɑɑnɛ sɑriruɡii u rɑ win durɔ kue. Nɛ, Yinni Gusunɔwɑ nɑ yeni ɡeruɑ.

Yeremi 3:7

Mɑ nɛ, Yinni Gusunɔ nɑ tii sɔ̃ɔwɑ nɑ nɛɛ, bɑ̀ n yenibɑ kpuro kuɑ, bɑ koo wurɑmɑ nɛn mi. Adɑmɑ bɑ ǹ wurɑmɛ. Ben mɛro bisibu, Yudɑn bweseru te tɑ sɑ̃ɑ nɡe kurɔ nɑɑnɛ sɑriruɡii, ben tii bɑ wɑ mɛ.

Yeremi 32:16

Sɑnɑm mɛ nɑ tem mɛn dwee tire ni Bɑruku, Nɛriyɑn bii wɛ̃ nɑ kpɑ, nɑ Yinni Gusunɔ kɑnɑ nɑ nɛɛ,

Yeremi 5:11

Mɛyɑ kon ko domi Isirelibɑ kɑ Yudɑbɑ bɑ ǹ kɑ nɛ turo yɔ̃re. Nɛ, Yinni Gusunɔwɑ nɑ yeni ɡeruɑ.

Yeremi 9:2

Yinni Gusunɔ u ɡeruɑ u nɛɛ, bɑ rɑ n nɔɔ dɛ̃ɛrɑwɑ bu kɑ weesu ko. Bɑ ku rɑ tem mɛ kpɑre dee dee ɡem sɔɔ, sere kɑ weesu. Wee siyɑ su kuɑ ben dɑm. Bɑ rɑ n nuku kɔ̃suru mɔ̀wɑ bɑ n dɔɔ. Mɛyɑ bɑ ku rɑ nɛ, Yinni Gusunɔ wure.

Swĩi 1:18

Yinni Gusunɔ u ɡem mɔ ye u kɑ kuɑ mɛ. Domi nɑ ǹ win ɡere mɛm nɔɔwɛ. Bɛɛ bwesenu kpuro, i swɑɑ dɑkio i nɔ, kpɑ i nɛn nuku sɑnkirɑnu wɑ. Nɛn wɔndiɑbɑ kɑ nɛn ɑluwɑɑsibɑ bɑ yoru dɑ tem tukumɔ.

Esekiɛli 18:25

Bɛɛ Isirelibɑ, i mɔ̀, nɛn ɡere ye, yɑ ǹ sɑ̃ɑ dee dee. I swɑɑ dɑkio i nɔ. Nɛn ɡerewɑ yɑ ǹ sɑ̃ɑ dee dee? Nɡe bɛɛyɑ i sɑkɑ sɑrɑmɔ.

Dɑniɛli 9:14

Gusunɔ bɛsɛn Yinni, wɑhɑlɑ ye ɑ nɛɛ, sɑ ko wɑ, yerɑ yɑ sun deemɑ. Ye ɑ kuɑ kpuro yɑ sɑ̃ɑwɑ dee dee. Bɛsɛrɑ sɑ ǹ nun mɛm nɔɔwɛ.

Dɑniɛli 9:7

Yinni Gusunɔ, ɑ sɑ̃ɑwɑ ɡemɡii. Bɛsɛrɑ sɑ torɑ. Mɑ sɑ wɑ̃ɑ sekuru sɔɔ ɡisɔ bɛsɛ Yudɑbɑ kɑ be bɑ wɑ̃ɑ Yerusɑlɛmuɔ kɑ Isirelibɑ kpuro be ɑ yɑrinɑsiɑ tontondeɔ kɑ turukuɔ yèn sɔ̃ sɑ ǹ nun mɛm nɔɔwɛ.

Osee 6:7

Bɑ nɛn ɑrukɑwɑni kusiɑ nɡe mɛ tɔmbu bɑ rɑ n kuɑnɑmmɛ. Wee bɑ mɑn tɔnu kɑndu kuɑ.

Hɑbɑkuku 1:4

Goo sɑri wi u woodɑ mɛm nɔɔwɑmmɛ. Bɑ ku rɑ tɔmbu ben ɡem wɛ̃ nɡe mɛ n weenɛ. Tɔn kɔ̃sowɑ u rɑ ɡemɡii siribu di.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Mɑlɑsi 2:17

I derɑ Yinni Gusunɔ u wɑsirɑ bɛɛn ɡɑrin sɔ̃. Adɑmɑ i ɡerumɔ i mɔ̀, yen yere sɔɔrɑ i derɑ u wɑsirɑ. Yerɑ sɑnɑm mɛ̀ sɔɔ i ɡerumɔ i mɔ̀, wi u kɔ̃sɑ mɔ̀, wiyɑ u wɑ̃ Yinni Gusunɔn nɔni sɔɔ. Yɛ̃rowɑ u rɑ nùn wɛ̃re. Ǹ kun mɛ, kpɑ i n mɔ̀, mɑnɑ Gusunɔ wi u rɑ siri dee dee mi, u wɑ̃ɑ.

Mɑlɑsi 3:15

Wee tɛ̃, i tɑmɑɑ be bɑ tii sue, berɑ bɑ dobu nɔɔmɔ. Mɛyɑ i mɑɑ nɛɛ, tɔn kɔ̃sobun ɑrumɑni yɑ mɑɑ kuurɑmɔ. Bɑɑ bɑ̀ n Gusunɔ seesi, u rɑ bu deriwɑ u kun kɔ̃sɑ ɡɑɑ kue.

Sɔ̃ɔsiru 32:4

Yinni Gusunɔ u sɑ̃ɑwɑ nɡe kperu. U rɑ kowɑ dee dee. Win siribu bu rɑ n dɛɛrewɑ. U sɑ̃ɑwɑ nɑɑnɛɡii, murɑfitiru sɑri win mi. U sɑ̃ɑwɑ ɡemɡii.