Yeremi 11:20 - Bibeli Gusunɔn Gari

²⁰ Adɑmɑ wunɛ Gusunɔ, wɔllu kɑ tem Yinni, ɑ sɑ̃ɑwɑ wi u rɑ siri dee dee. Wunɑ ɑ tɔnun ɡɔ̃ru kɑ win bwisikunu yɛ̃. Wunɑ nɑ nɛn weeweenu nɔmu sɔndiɑ. Nɑ mɑrɑwɑ n wɑ mɔru ye kɑɑ bu kɔsiɑ.

Yeremi 11:20 ပူးပေါင်းရင်းမြစ်များ

Torubu 18:25

N ǹ weenɛ ɑ tɔn ɡeobu kɑ tɔn kɔ̃sobu kpeerɑsiɑ sɑnnu kpɑ be kpuro bu ɑre tee wɑ. Yen bweserɑ kun kɑ nun weenɛ. Wunɛ wi kɑɑ hɑnduniɑ kpuro siri, ɑ ǹ kɑɑ ko ye n wɑ̃?

Sinɑmbu II 19:14

Ye Asirin sinɑ bokon sɔmɔ be, bɑ turɑ Esekiɑsin mi, yerɑ bɑ nùn tireru wɛ̃ tè sɔɔ ben yinnin ɡɑri wɑ̃ɑ. Mɑ Esekiɑsi u tu ɡɑrɑ. Yen biru u dɑ Gusunɔn sɑ̃ɑ yerɔ mɑ u tu dɛriɑ mi.

Bɑndun Gɑri I 28:9

Mɑ u mɑɑ nɛɛ, wunɛ mɑɑ Sɑlomɔɔ nɛn bii, ɑ Gusunɔ, nɛ wunɛn tundon Yinni ɡio kpɑ ɑ nùn sɑ̃ kɑ wunɛn ɡɔ̃ru kpuro kɑ wunɛn bwɛ̃rɑ kpuro. Domi wiyɑ u rɑ tɔmbun ɡɔ̃rusu kɑ ben bwisikunu wɛ̃ɛri. À n nùn kɑsu, u koo de ɑ nùn wɑ. Adɑmɑ ɑ̀ n nùn deri, u koo mɑɑ nun deriwɑ sere kɑ bɑɑdommɑɔ.

Bɑndun Gɑri I 29:17

Gusunɔ nɛn Yinni, nɑ yɛ̃ mɑ wunɑ ɑ rɑ tɔnun ɡɔ̃ru wɛ̃ɛri, ɑ rɑ mɑɑ ɡem kɑ̃. Wee nɑ kɑ nun kɛ̃ɛ nini nɑɑwɑ kɑ ɡɔ̃ru dɛɛrɔ. Nɑ mɑɑ wɑ wunɛn tɔn be bɑ wɑ̃ɑ mini, bɑ nun kɛ̃nu wɛ̃ɛmɔ kɑ nuku dobu.

Yoobu 5:8

Adɑmɑ nɛ Elifɑsi, ǹ n nɛn sɔ̃n nɑ, Gusunɔwɑ kon somiru kɑnɑ. Kpɑ n nùn nɛn wɑhɑlɑ kpuro sɔ̃.

Womusu 139:23

Gusunɔ, ɑ mɑn wɛ̃ɛrio kpɑ ɑ nɛn ɡɔ̃ru ɡiɑ. A nɛn lɑɑkɑri mɛɛrio kpɑ ɑ nɛn bwisikunu tubu.

Womusu 35:2

A tɛrɛ piibu kɑ bɑkɑru suo, kpɑ ɑ nɑ ɑ mɑn somi.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Womusu 57:1

Womu ɡe Dɑfidi u wom kowobun wiruɡii kuɑ. U womu ɡeni kuɑwɑ sɑnɑm mɛ Sɔɔlu u nùn nɑɑ ɡire u ɡo. Mɑ u dɑ u kukuɑ kpee bɑɑ sɔɔ. Ge wee.

Womusu 58:10

Kɑɑ bu ɡurɑwɑ fuuku kɑ woo ɡunɑ sere bu kɑ nɛɛ, weke te bɑ swɛ̃n koru tɑ dɔ̃ɔ wɑ tɑ swĩɑ, bɑɑ dɑ̃ɑ yɑ̀ n ɡbere.

Womusu 7:10

A de tɔn kɔ̃sobun dɑɑ yu nɔru ko, kpɑ ɑ de ɡemɡibu bu kuurɑ. Yinni Gusunɔ, ɑ sɑ̃ɑwɑ ɡemɡii. Wunɑ ɑ rɑ tɔnun ɡɔ̃run ɡɑri wɛ̃ɛri.

Womusu 7:8

Yinni Gusunɔ, wee ɑ sɔ̃ wunɛn sinɑ ɡɔnɑɔ. A de bwesenu nu mɛnnɑmɑ mi. A de ɑ nu siri mi.

Womusu 7:9

Yinni Gusunɔ, wunɑ kɑɑ tɔmbu siri. A mɑn sirio nɡe mɛ nɛn dɛɛrɑrɑ nɛ. A mɑn nɛn ɡem wɛ̃ɛyɔ.

Womusu 98:9

Domi u wee u hɑnduniɑɡibu siri. U koo bu siriwɑ ɡem sɔɔ.

Yeremi 12:1

Yinni Gusunɔ, ɑ sɑ̃ɑwɑ ɡemɡii bɑɑdommɑ, nɑ ǹ kpɛ̃ n nun siribu soku. Adɑmɑ kɑ mɛ, nɑ kĩ n nun ɡɑ̃ɑnu bikiɑ wunɛn ɡem mɛ sɔɔ. Ye nɑ bikiɑmɔ wee. Mbɑn sɔ̃nɑ durumɡiin wɑ̃ɑru tɑ rɑ n kuurɑmɔ. Mbɑn sɔ̃nɑ ɑ rɑ de be bɑ ǹ nun nɑɑnɛ sɑ̃ɑ bɑ n wɑ̃ɑ bɔri yɛndu sɔɔ.

Yeremi 12:3

Yinni Gusunɔ, ɑ mɑn yɛ̃. A mɑn wɑɑmɔ mɑ ɑ nɛn ɡɔ̃ru wɛ̃ɛrɑ, ɑ wɑ mɑ ɡɑ wɑ̃ɑ kɑ wunɛ. A tɔn kɔ̃so be wunɔ nɡe yɑ̃ɑ ni bɑ rɑ mwɛ bu sɑke. A bu sɔɔru koowo ɑ yi tɔ̃ɔ te bɑ koo tɔmbu ɡon sɔ̃.

Yeremi 15:15

Yerɑ Yeremi u Yinni Gusunɔ wisɑ u nɛɛ, ɑ kpuro yɛ̃. A mɑn yɑɑyo. A ku mɑn duɑri. A be bɑ mɑn nɔni sɔ̃ɔmɔ mɔru kɔsio. A ku mɑn ɡo, wunɛ wi ɑ suuru mɔ. A yɛ̃ mɑ wunɛn sɔ̃nɑ nɑ sekuru sɔɔwɑ.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Yeremi 17:18

A de be bɑ mɑn nɔni sɔ̃ɔmɔ bu sekuru wɑ. Kpɑ nɛ, nɑ kun tu wɑ. A de bu diiri, kpɑ nɛ, nɑ n wɑ̃ɑ kɑ toro sindu. A de nɔni swɑ̃ɑru tu bu deemɑ, kpɑ ɑ bu sɛɛyɑsiɑ n kpɑ̃.

Yeremi 20:12

Wunɛ Gusunɔ wɔllu kɑ tem Yinni, wunɛ wi ɑ rɑ tɔnu wɛ̃ɛri, ɑ kɑ wɑ ù n sɑ̃ɑ ɡemɡii, kpɑ ɑ n win bwisikunu kɑ win ɡɔ̃run ɡɑri yɛ̃, wunɑ kon de ɑ nɛn yibɛrɛbɑ mɔru kɔsie. Domi wunɑ nɑ tii nɔmu sɔndiɑ.

Swĩi 3:58

Yinni ɑ mɑn siriɑ mɑ ɑ nɛn wɑ̃ɑru yɑkiɑ.

Swĩi 3:59

A wɑ kɔ̃sɑ ye bɑ mɑn kuɑ, ɑ mɑn sirio.

Swĩi 3:64

Yinni Gusunɔ, nɑ yɛ̃ mɑ kɑɑ bu kɔsie nɡe mɛ ben kookoosu nɛ.

Esekiɛli 11:5

Mɑ Yinni Gusunɔn Hunde u nùn yɔɔwɑ u nɛɛ, ɑ bu sɔ̃ɔwɔ ɑ nɛɛ, nɛ, Yinni Gusunɔ nɑ yɛ̃ ye be Isirelibɑ bɑ bwisikumɔ kɑ ye bɑ ɡerumɔ.

Gɔrobun Kookoosu 17:31

Domi u tɔ̃ru yi tè sɔɔ u koo hɑnduniɑɡibu kpuro siri dee dee kɑ durɔ win sɑɑbu wi u ɡɔsɑ, mɑ u nùn bɑɑwure sɔ̃ɔsi ye u nùn seeyɑ ɡɔrin di.

Filipi 4:6

I ku wururɑ ɡɑ̃ɑnun sɔ̃, ɑdɑmɑ bɑɑyere sɔɔ i n dɑ Gusunɔ kɑnɛ kɑ siɑrɑbu kpɑ i nùn bikiɑ yèn bukɑtɑ i mɔ.

Timɔte II 4:14

Alesɑndu seko wi, u mɑn kɔ̃sɑ kuɑ ɡem ɡem. Yinni u koo nùn kɔsie ye u kuɑ.

Piɛɛ I 2:23

Ye bɑ nùn wɔnwɑ u ǹ wɔmburu kɔsie. Ye bɑ nùn nɔni sɔ̃ɔwɑ u ǹ bu bɔ̃rusi, ɑdɑmɑ u tii Gusunɔ wi u rɑ siri dee dee wɛ̃wɑ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.

Sɑmuɛli I 16:7

Adɑmɑ Yinni Gusunɔ u Sɑmuɛli sɔ̃ɔwɑ u nɛɛ, ɑ ku win wɑsin burɑm mɛɛri, ǹ kun mɛ win ɡunum, n ǹ wi, nɑ ɡɔsɑ. Domi nɛ, Yinni Gusunɔ, nɑ ku rɑ wɑsin burɑm mɛɛri nɡe tɔnu. Gɔ̃ruwɑ nɑ rɑ mɛɛri.

Sɑmuɛli I 24:15

Weren sɔ̃nɑ wunɛ Isirelibɑn sunɔ ɑ yɑrimɑ. Wɑrɑ ɑ nɑɑ ɡire. Nɛ wi nɑ sɑ̃ɑ nɡe bɔ̃ɔ ɡoru? Ǹ kun mɛ nɡe ɡoo dɛ̃ɛ?