Yeremi 11:19 - Bibeli Gusunɔn Gari

¹⁹ Nɑ rɑɑ bu nɑɑnɛ sɑ̃ɑwɑ nɡe yɑ̃ɑ te bɑ kɑ dɔɔ bu ɡo. Nɑ ǹ yɛ̃ kɔ̃sɑ bɑ mɑn bwisikusimɔ, bɑ mɔ̀, bu de bu dɑ̃ɑ te surɑ kɑ ten mɑrum. Bu tu wunɑ wɑsobun suunu sɔɔn di kpɑ bu ku mɑɑ ten yĩsiru nɔ.

Yeremi 11:19 ပူးပေါင်းရင်းမြစ်များ

Yoobu 28:13

Tɔnu kun yin ɡobin ɡeeru yɛ̃. Domi yi ǹ wɑ̃ɑ hɑnduniɑ yeni sɔɔ.

Womusu 109:13

Bu win bibun bweseru ɡoowo, kpɑ win yĩsiru tu ɡbi.

Womusu 112:6

Domi ɡeeɡii kun sokurɑmɔ pɑi. Bɑ ko n nùn yɑɑyewɑ kɑ bɑɑdommɑɔ.

Womusu 116:9

Kon sĩ win wuswɑɑɔ hɑnduniɑ ye sɔɔ.

Womusu 142:5

A mɛɛrio nɔm ɡeuɔ ɑ wɑ mɑ ɡoo sɑri wi u kɑ mɑn yɔ̃. Nɑ ǹ kuku yeru mɔ. Goo sɑri wi u mɑɑ nɛn bwisikunu mɔ̀.

Womusu 27:13

Nɑ yĩiyɔbu mɔ mɑ kon Yinnin durom dendɑ, wɑsobun suunu sɔɔ.

Womusu 31:13

Tɔmbɑ mɑn duɑri nɡe wi u ɡu. Nɑ sɑ̃ɑwɑ nɡe ɡɑ̃ɑ ni bɑ kɔ̃.

Womusu 35:15

Adɑmɑ be, bɑ rɑ mɛnnɛwɑ bu nuku dobu ko, sɑnɑm mɛ nɑ sokurɑ. Bɑ rɑ mɛnnɛwɑ nɛn biru bu kɑ mɑn kɔ̃sɑ bwisikusi, kpɑ bɑ n mɑn yɑɑ kɑsikimɔ bɑɑdommɑ.

Womusu 52:5

ɑ rɑ kɔ̃sɑ kɑ̃ n kere ɡeɑ, kpɑ ɑ n weesu kĩ n kere ɡem.

Womusu 83:4

Wee bɑ kɔ̃sɑ wesiɑnɑmɔ wunɛn tɔmbun sɔ̃. Bɑ nɔɔ tiɑ mɔ̀ be ɑ kɔ̃sun sɔ̃.

Mɔnnu 10:7

Bɑ ku rɑ ɡemɡii duɑri, ɑdɑmɑ tɔn kɔ̃so, bɑ rɑ nùn duɑriwɑ sere kɑ win yĩsirɔ.

Mɔnnu 24:15

A ku ɡemɡiin yɛnu yinɑ bɛriɑ. A ku win wɑ̃ɑ yeru wɔri ɑ mwɑ.

Mɔnnu 7:22

Mii mii, mɑ u nùn swĩi nɡe nɑɑ ye bɑ dɔɔ bu ɡo, ǹ kun mɛ kpɑsɑ ye yɑ dukɑ dɔɔ yu yinɑ mwɑɑrɑ,

Esɑi 32:7

Tɔn kɔ̃son kookoosu kpuro su ku rɑ n wɑ̃. U rɑ kpunɑɑ dɑbinu kowɑ u kɑ bwɛ̃ɛbwɛ̃ɛ kɑm koosiɑ kɑ weesu, bɑɑ bwɛ̃ɛbwɛ̃ɛ wi, ù n ɡem mɔ.

Esɑi 38:11

Nɑ nɛɛ, nɑ ǹ mɑɑ Yinni Gusunɔ wɑsi hɑnduniɑ yeni sɔɔ. Mɛyɑ nɑ ǹ mɑɑ ɡoo wɑsi tem mɛni sɔɔ mi wɑsobɑ wɑ̃ɑ.

Yeremi 18:18

Yerɑ tɔn be, bɑ nɛɛ, su Yeremi nɔɔ tiɑ kuɑ su nùn mwɑ. Domi woodɑ kun ɡbimɔ bɑɑ yɑ̃ku kowobu bɑ̀ kun wɑ̃ɑ. Bwisi kun kpeemɔ bɑɑ bwisiɡibu bɑ̀ kun wɑ̃ɑ. Gusunɔn ɡɑri kun ɡbimɔ yèn sɔ̃ win sɔmɔbɑ sɑri. Ǹ n mɛn nɑ, i nɑ su nùn wɔri su yɑɑ kɑsiki, kpɑ su ku mɑɑ win ɡɑri nɔ su sere yi lɑɑkɑri ko.

Yeremi 20:10

Nɑ nɔɔmɔ tɔn dɑbinu nu mɑn kɔ̃sɑ bwisikusimɔ. Bɑ mɔ̀, nɑndɑbu wɑ̃ɑ bɑɑmɑ. Su kɑ win ɡɑri dɑ wiruɡibun mi. Be bɑ rɑɑ kɑ mɑn nɔɔ tiɑ sɑ̃ɑ bɑ mɛɛrimɔ nɑ̀ n kon sokurɑ. Bɑ mɔ̀, sɔrɔkudo kon de bu mɑn sɑmbɑ ko. Kpɑ bu wɑ bu mɑn mwɑ bu mɔru kɔsie.

Yeremi 26:8

Ye u ɡɑri yi ɡeruɑ u kpɑ yi Yinni Gusunɔ u nùn yiire u tɔn be kpuro sɔ̃ mi, yerɑ yɑ̃ku kowo be, kɑ Gusunɔn sɔmɔ be, kɑ sere wuun tɔn be bɑ tie kpuro bɑ nɑ bɑ nùn sɛ̃re. Bɑ ɡbɑ̃sukumɔ bɑ mɔ̀, kɑɑ ɡbiwɑ.

Swĩi 3:60

A wɑ mɔru ye bɑ mɑn kɔsiemɔ kɑ nɔɔ tiɑ ye bɑ mɔ̀ bu kɑ mɑn seesi.

Esekiɛli 32:24

Mɛyɑ mɑɑ Elɑmun sinɑ boko kɑ win tɑbu kowobu bɑ kpĩ. Mɑ win tɑbu kowobun sikinu wiɡiru sikerenɛ. Be kpurowɑ bɑ ɡo tɑbu sɔɔ be, be tɔmbɑ rɑɑ nɑsie. Bɑ ǹ Gusunɔ yɛ̃. Wee bɑ wɑ̃ɑ sikɑɔ sere tem sɔɔwɔ. Bɑ sekuru sɔɔwɑ ɡɔribun wɑ̃ɑ yeru mi.

Dɑniɛli 9:26

Sɑɑ nɔɔbɑ yirun nɔn wɑtɑ kɑ yiru ye, yɑ̀ n doonɑ, bɑ koo wiruɡii wi Gusunɔ u ɡɔsɑ ɡo. Goo sɑri wi u koo kɑ nùn yinɑ. Kpɑ sunɔ kpɑo kɑ win tɑbu kowobu bu wuu ɡe, kɑ sɑ̃ɑ yee te wisire bu kɔsuku kpɑ bɑ n ɑsɔrɔ mɔ̀ sere Gusunɔ u rɑ kɑ nùn kpeerɑsiɑ nɡe mɛ u yi.

Osee 9:8

Adɑmɑ sɔmɔ wi u bɛɛ kirɔ mɔ̀, u wɑ̃ɑ kɑ Gusunɔ. Kɑ mɛ, i nùn yinɑ bɛriɑmmɛ mi u dɔɔ kpuro. I rɑ mɑm nùn seesiwɑ Gusunɔ win Yinnin sɑ̃ɑ yerɔ.

Gbɑburu 1:14

kɑ Eliɑsɑfu, Dewɛlin bii, Gɑdin bweseru sɔɔ,