Yeremi 11:16 - Bibeli Gusunɔn Gari

¹⁶ Yellu i sɑ̃ɑ nɡe nɛn dɑ̃ɑ ɡeeru, te tɑ kpɑre tɑ mɑɑ bii ɡeenu mɑrumɔ. Adɑmɑ tɛ̃ kon dɑ̃ɑ te kɑ ten kɑ̃ɑsi kpuro dɔ̃ɔ mɛni subɑru sɔɔ.

Yeremi 11:16 ပူးပေါင်းရင်းမြစ်များ

Yoobu 8:16

Bɑ ko n sɑ̃ɑwɑ nɡe dɑ̃ɑ beku te tɑ yɔ̃ sɔ̃ɔ sɔɔ, mɑ ten kɑ̃ɑsi tɛriɑ mi bɑ tu duurɑ.

Womusu 52:8

Be bɑ Gusunɔ nɑɑnɛ sɑ̃ɑ, bɑ koo nun wɑ, kpɑ biti bu mwɑ bu nun yɛ̃ɛ bu nɛɛ,

Womusu 80:16

A resɛm dɑ̃ɑ te nɔɔrio te, te tɑ sɑ̃ɑ nɡe wunɛn bii wi ɑ ɡɔsɑ.

Womusu 80:17

Wee bɑ resɛm bɔɔrɑ bɑ dɔ̃ɔ mɛni. A bu mɔru kɔsieyo bu ɡbi.

Womusu 83:2

Gusunɔ, ɑ ku mɑri, ɑ ku mɑɑ wɛ̃rɑ.

Esɑi 27:11

Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.

Yeremi 2:21

Yellu, nɑ bɛɛn bweseru duurɑwɑ nɡe resɛm dɑ̃ɑ ɡeeru te tɑ kpuro kere, ɑdɑmɑ tɛ̃, i kɔsɑ i kuɑ nɡe resɛm dɑ̃ɑ te tɑ yinɑ.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Osee 14:6

Ko nɑ n sɑ̃ɑwɑ nɡe kɑkoru be, Isirelibɑn sɔ̃. Bɑ ko n wɑ̃wɑ nɡe dɑ̃ɑ wɛ̃su, kpɑ bu nuuru ɡirɑ nɡe dɑ̃ɑ ni nu wɑ̃ɑ Libɑniɔ.

Mɑteu 3:10

Wee, bɑ ɡbɑ̃ɑ wɑsi kɔ bu kɑ dɑ̃ɑ wukiri. Dɑ̃ru bɑɑtere te tɑ ǹ bii ɡeenu mɑrumɔ terɑ bɑ koo burɑ kpɑ bu doke dɔ̃ɔ sɔɔ.

Yohɑnu 15:6

Bɑɑwure wi u kun kɑ mɑn mɑninɛ, bɑ koo nùn wunɑwɑ bu kɔ̃ nɡe kɑ̃ɑsi kpɑ u dɛrurɑ. Yen biru bɑ koo kɑ̃ɑsi yi mɛnnɑ bu dɔ̃ɔ doke, kpɑ yi dɔ̃ɔ mwɑ.

Sɔ̃ɔsiru 28:40

I ko i n olifin dɑ̃ɑ mɔ bɛɛn tem beri berikɑ kpuro sɔɔ. Adɑmɑ i ǹ yen ɡum wɑsi, domi ye kpuro yɑ koo dɛllɑ yu wɔrukuwɑ yɑ kun ye.

Kɑ̃siru 11:4

Seedɑ diobu yiru ye, bɑ sɑ̃ɑ olifin dɑ̃nu yiru ye, kɑ dɑbunu yiru ni nu yɔ̃ Gusunɔ tem kpuron Yinnin wuswɑɑɔ.