Yeremi 11:15 - Bibeli Gusunɔn Gari

¹⁵ Yinni Gusunɔ u mɑɑ nɛɛ, bɛɛ nɛn tɔn be nɑ kĩ, mbɑ i kɑsu nɛn sɑ̃ɑ yerɔ. Domi murɑfitirɑ i rɑ n mɔ̀. I tɑmɑɑ kon mɑɑ bɛɛn yɑ̃kunu mwɑ, kpɑ i kun mɑɑ nɔni sɔ̃ɔre? I tɑmɑɑ kon de i yɑri wɑhɑlɑn di?

Yeremi 11:15 ပူးပေါင်းရင်းမြစ်များ

Womusu 50:16

Adɑmɑ Gusunɔ u kɔ̃sɑn kowo sɔ̃ɔmɔ u mɔ̀, mbɑn sɔ̃nɑ ɑ nɛn woodɑbɑ siɑmɔ mɑ ɑ nɛn ɑrukɑwɑnin ɡɑri ɡerumɔ,

Womusu 60:5

A derɑ wunɛn tɔmbɑ nɔni sɔ̃ɔrɑ, mɑ bɑ tɑm nɔrɑ mu ben wiru ɡɔsiɑ.

Mɔnnu 10:23

Gɑri bɔkɔn mi, kɔ̃sɑn kobu bu sɑ̃ɑwɑ nɡe dweebu. Nɡe mɛyɑ lɑɑkɑri yɑ mɑɑ sɑ̃ɑ bwisiɡiin mi.

Mɔnnu 15:8

Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 2:14

Kɔ̃sɑn kobu bu rɑ bu nuku dobu wɛ̃, kpɑ bɑ n yɛ̃ɛrimɔ torɑnun sɔ̃.

Mɔnnu 21:27

Tɔn kɔ̃son yɑ̃kuru tɑ ku rɑ Gusunɔ wɛ̃re. Kɑɑ sere ɡere te u kɑ bwisiku kɔ̃sunu mɔ̀?

Mɔnnu 26:18

Wi u win winsim nɔni wɔ̃kumɔ u mɔ̀, nɑ kɑ nun dweebu mɔ̀wɑ, yɛ̃ro u sɑ̃ɑwɑ nɡe wiiro wi u dɔ̃ɔ kɑ sɛ̃ɛnu kɑ dɔ̃ɔ kpenu kɔ̃ɔmɔ ni nu koo tɔmbu ɡo.

Mɔnnu 28:9

Wi u yinɑ u Gusunɔn woodɑ swɑɑ dɑki, Gusunɔ u rɑ yɛ̃ro yinɛwɑ sere kɑ win kɑnɑrɔ.

Esɑi 50:1

Yinni Gusunɔ u mɑɑ nɛɛ, bɛɛ Yudɑbɑ, mɑnɑ tirerɑ wɑ̃ɑ te tɑ sɔ̃ɔsimɔ mɑ nɑ bɛɛn mɛro Yerusɑlɛmu yinɑ. Bèn dibu nɑ nɛni, ben wɑrɑ nɑ bɛɛ wɛ̃. Sɑri. Bɛɛn durum sɔ̃nɑ nɑ bɛɛ dɔrɑ. Bɛɛn torɑnun sɔ̃nɑ nɑ mɑɑ bɛɛn mɛro yinɑ.

Yeremi 12:7

Yinni Gusunɔ u nɛɛ, nɑ nɛn sɑ̃ɑ yeru deri. Nɑ nɛn tɔmbu biru kisi, be, be bɑ sɑ̃ɑ nɛn ɑrumɑni. Wee be, be nɑ kĩ mi, nɑ bu yibɛrɛbɑ nɔmu sɔndiɑ.

Yeremi 13:27

Nɑ wɑɑmɔ sɑkɑrɑru kɑ kuuki yi ɑ mɔ̀, sɑnɑm mɛ ɑ bũnu ɡɑsirimɔ ɑ sɑ̃ɑmɔ ɡuunu wɔllɔ kɑ yɑkɑsɔ. Yɑ sɑ̃ɑwɑ ɡɑ̃ɑ kɔ̃sunu nɛn nɔni sɔɔ. Yen sɔ̃, wunɛ Yerusɑlɛmu, kɑɑ kɑm ko ɑ̀ kun tii dɛɛrɑsie. Sɑɑ yerɑ̀ ɑ mɑrɑ, ɑ kɑ tii dɛɛrɑsiɑ.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 2:2

n doo n bɛɛ Yerusɑlɛmuɡibu sɔ̃ n nɛɛ, u yɑɑye nɡe mɛ i nùn kĩɑ yellu nɡe kurɔ kpɑo, i kɑ nùn swĩi ɡbɑbu tèn mi ɡɑ̃ɑnu ku rɑ kpi.

Yeremi 23:11

Gusunɔn sɔmɔbu kɑ yɑ̃ku kowobu bɑ sɑnkire, u wɑ mɑ bɑ nuku kɔ̃su kom mɔ̀ sere kɑ win sɑ̃ɑ yerɔ.

Yeremi 3:14

Bu wurɑmɑ nɛn mi, be, bii mɛm nɔɔ sɑribɑ. Domi nɑ sɑ̃ɑwɑ ben Yinni. Kon be bɑ tie yɑrɑmɑ wuu sìn mi bɑ wɑ̃ɑ kpuron di, bɑɑ ǹ n tɔn turon nɑ, ǹ kun mɛ yiru. Kpɑ n kɑ bu wurɑmɑ nɛn mi Siɔniɔ.

Yeremi 3:8

Isirelibɑ bɑ tem mɛ disi doke ben bũu ɡɑsiribun sɔ̃ kɑ ben sekuru sɑrirun sɔ̃ te bɑɑwure u ɡerumɔ. Mɑ bɑ bũu sɑ̃ɑmɔ kpenu kɑ dɑ̃nun nuurɔ. Yen sɔ̃nɑ nɑ bu yinɑ mɑ nɑ bu yinɑbun tireru wɛ̃. Kɑ mɛ, nɑ wɑ Yudɑbɑ bɑ ǹ bɛrum kue. Bɑ dɑwɑ bɑ bũnu ɡɑsirɑ ben tii. Bɑ ǹ wurɑmɛ nɛn mi kɑ ben ɡɔ̃ru kpuro. Weesu sɔɔrɑ bɑ yɔ̃.

Osee 3:1

Mɑ Osee u nɛɛ, Yinni Gusunɔ u mɑn sɔ̃ɔwɑ u nɛɛ, n doo n kpɑm nɛn kurɔ wi kĩɑ wi ɡoo u kĩɑ mɑ u sekuru sɑriru mɔ̀. N kurɔ wi kĩɔ nɡe mɛ wi, Yinni Gusunɔ u Isirelibɑ kĩ, bɑɑ mɛ bɑ nùn biru kisi bɑ dɑ bɑ bũnu sɑ̃ɑmɔ mɑ bɑ resɛm kirɑnu kĩ ni bɑ rɑ kɑ bũu ni sɑ̃.

Mɑteu 22:11

Ye sunɔ wi, u duɑ u kɑ bu wɑ be bɑ dim nɑ, u durɔ ɡoo wɑ wi u kun kurɔ kpɑɑ yɑ̃nu doke.

Romu 11:28

Sɑ̀ n Lɑbɑɑri ɡeɑn ɡɑri lɑɑkɑri kuɑ, bɑ sɑ̃ɑ Gusunɔn yibɛrɛbɑ bɛɛn sɔ̃. Adɑmɑ sɑ̀ n Gusunɔn ɡɔsiru lɑɑkɑri kuɑ, bɑ sɑ̃ɑ win kĩnɑsibu ben sikɑdobɑn sɔ̃.

Korinti I 13:6

Wi u tɔnu kĩ u ku rɑ yɛ̃ɛri kɔ̃sɑn sɔ̃ mɑ n kun mɔ ɡem sɔ̃.

Titu 1:15

Gɑ̃ɑnu bɑɑnire nu dɛɛre be bɑ dɛɛren mi, ɑdɑmɑ ɡɑ̃ɑnu sɑri ni nu dɛɛre disinuɡibu kɑ nɑɑnɛ doke sɑriruɡibun mi, yèn sɔ̃ ben bwisikunu kɑ ben ɡɔ̃rusu kun dɛɛre.

Yɑkɔbu 4:16

Adɑmɑ tɛ̃ i woo kɑnɑmɔ i tii suɑmɔ. Woo kɑnɑ bin bweseru kpuro bu ǹ wɑ̃.