Yeremi 11:12 - Bibeli Gusunɔn Gari

¹² Yudɑbɑ kɑ Yerusɑlɛmuɡibu bɑ koo dɑ bu bũnu soku ni bɑ yɑ̃kunu koosimɔ. Adɑmɑ bũu ni, nu ǹ bu fɑɑbɑ mɔ̀ wɑhɑlɑn sɑɑ sɔɔ.

Yeremi 11:12 ပူးပေါင်းရင်းမြစ်များ

Bɑndun Gɑri II 28:22

Sɑnɑm mɛ u wɑ̃ɑ nuku sɑnkirɑnu sɔɔ, kɑ mɛ, u Yinni Gusunɔ mɛm nɔɔbu sɑriru koosimɔwɑ u dɔɔ.

Esɑi 45:20

Yinni Gusunɔ u nɛɛ, yen sɔ̃, i mɛnnɑmɑ. I susimɑ bɛɛ be i kpikiru suɑ tɑbun di. Be bɑ bwɑ̃ɑroku dɑ̃ɑɡinu sɔɔwɑ, mɑ bɑ bũu sokumɔ wi u ǹ kpɛ̃ u bu fɑɑbɑ ko, bɑ ǹ yɛ̃ru mɔ.

Esɑi 46:7

Bɑ̀ n ɡu seru sɔndi bɑ kɑ dɑ bɑ yi mi ɡɑ ko n wɑ̃ɑ, ɡɑ ku rɑ kesi ɡen yii yerun di. Bɑ̀ n nɔɔɡiru suɑ bɑ ɡu sokɑ, ɡɑ ku rɑ wure. Gɑ ku rɑ mɑɑ bu yɑre nɔni swɑ̃ɑrun di.

Yeremi 18:15

Adɑmɑ nɛn tɔmbu bɑ mɑn duɑri bɑ dɑ bɑ bũnu turɑre dɔ̃ɔ dokeɑmmɛ. Yɑ derɑ bɑ ǹ yɛ̃ ye bɑ mɔ̀ ben swɛɛ sɔɔ. Bɑ ben yellun swɑɑ dosu derimɔ, mɑ bɑ swɑɑ kisi swĩi.

Yeremi 2:28

Bɛɛ Yudɑbɑ, bɛɛn bwɑ̃ɑroku ni i tii sekuɑ nu kɑ bɛɛn wusu ɡeeru nɛ mi, mɑnɑ nu wɑ̃ɑ. Nu seewo nu bɛɛ fɑɑbɑ ko wɑhɑlɑn sɑɑ sɔɔ nù n koo kpĩ.

Yeremi 44:8

I kĩwɑ i nɛn mɔru seeyɑ kɑ bɛɛn bũu yɑ̃ku kookoo si i mɔ̀ Eɡibitiɔ mi i wɑ̃ɑ? I kĩwɑ i tii kɑm ko, kpɑ i ko bɔ̃riɡibu kɑ sekuruɡibu hɑnduniɑ ye sɔɔ?

Sɔ̃ɔsiru 32:37

Sɑɑ ye sɔɔ, u koo bikiɑ u nɛɛ, mɑnɑ bɛɛn bũu dɑmɡii ni, nu wɑ̃ɑ, nìn mi i kuku yeru kɑsu,

Sɔ̃ɔsiru 32:38

ni i rɑ yɑɑ ɡumɡiɑ ɡoowe, kpɑ i nu tɑm wɛ̃ nu nɔ. I nu sokuo nu nɑ nu bɛɛ somi tɛ̃. I de nu duki nɑ nu bɛɛ fɑɑbɑ ko.

Kpɑrobu 10:14

I doo i bũu ni i sɑ̃ɑmɔ mi fɑɑbɑ kɑnɑ nu bɛɛ wɔrɑ nɔni swɑ̃ɑ ten min di.