Yeremi 10:8 - Bibeli Gusunɔn Gari

⁸ Be kpuro bɑ ǹ bwisi mɔ. Ben yɛ̃ru tɑ sɑ̃ɑwɑ kɑm. Domi dɑ̃rɑ bɑ rɑ dɑ̃ku bɑ n sɑ̃ɑmɔ.

Yeremi 10:8 ပူးပေါင်းရင်းမြစ်များ

Womusu 115:8

Be bɑ bwɑ̃ɑroku ni mɔ̀ kɑ be bɑ ben nɑɑnɛ doke ni sɔɔ, bɑ sɑ̃ɑwɑ nɡe ni.

Womusu 135:18

Be bɑ nu sekumɔ kɑ be bɑ nu nɑɑnɛ sɑ̃ɑ, be kpuro bɑ sɑ̃ɑwɑ nɡe ni.

Esɑi 41:29

Domi ni kɑ nin sɔmɑ nu sɑ̃ɑwɑ kɑm dirum. Nin bwɑ̃ɑrokunu nu mɑɑ sɑ̃ɑwɑ wom dirum.

Esɑi 44:18

Adɑmɑ tɔn ben bweseru, bɑ ǹ yɛ̃ru mɔ, bɑ ǹ mɑɑ bwisi mɔ. Domi bɑ tii nɔni wɔ̃kuɑ bu ku kɑ yɑm wɑ. Mɛyɑ bɑ mɑɑ ben tiin bwisikunu sĩiyɑ, kpɑ ɡɑ̃ɑnu nu ku kɑ bu yeeri.

Esɑi 44:19

Bwɑ̃ɑroku dɑ̃ko wi, u ǹ lɑɑkɑri mɔ u kɑ tubu u sere nɛɛ, dɑ̃ɑ ten sukumɑ u dɔ̃ɔ doke u kɑ pɛ̃ɛ wɔ̃ɔwɑ mɑ u kɑ yɑɑ sɛ̃ɛwɑ u di. Ten sukum mɛ mu tie, mɑ u kɑ bwɑ̃ɑroku kuɑ. Wi wee u dɑ̃ɑ kpiriru yiirɑmmɛ.

Yeremi 10:14

Tɔnu ù n ye kpuro mɛɛrɑ, u rɑ biti soorewɑ. Sekuru tɑ rɑ mɑɑ sekobu mwɛwɑ bɑ̀ n ben bwɑ̃ɑroku ni wɑ. Domi nu ǹ kpɛ̃ nu ko mɛ, nu ǹ wɛ̃siɑru mɔ.

Yeremi 2:27

Domi i bũu dɑ̃ru sokumɔ bɛɛn bɑɑbɑ, mɑ i mɑɑ kperu sokumɔ bɛɛn mɛro. Wee bɛɛ Isirelibɑ kpuro i mɑn biru kisi, i ǹ mɑɑ mɑn mɛɛrimɔ. Adɑmɑ ì n wɑ̃ɑ wɑhɑlɑ sɔɔ, i rɑ nɛɛwɑ, n seemɑ n bɛɛ fɑɑbɑ ko.

Yeremi 4:22

Mɑ Yinni Gusunɔ u nɛɛ, wee, nɛn tɔmbu bɑ ǹ bwisi mɔ. Mɛyɑ bɑ ǹ mɑn yɛ̃. Bɑ sɑ̃ɑwɑ ɡɑri bɑkɑsu. Bɑ kɔ̃sɑn kobun bwisi mɔ, ɑdɑmɑ bɑ ǹ ɡeɑn kobu yɛ̃.

Yeremi 5:4

Mɑ nɑ nɛɛ, bɑ sɑ̃ɑwɑ nɡe bibu, bɑ mɔ̀wɑ nɡe ɡɑri bɑkɑsu. Domi bɑ ǹ wunɛn swɛɛ yɛ̃, bɑ ǹ mɑɑ wunɛn woodɑbɑ yɛ̃.

Osee 4:12

Dɑ̃ɑ kukun miyɑ bɑ rɑ bikiɑru de ɡu kɑ bu ɡɑri sɔ̃. Bũu ɡɑsiribu derɑ bɑ kɔ̃ɔrɑ mɑ bɑ kɑ mɑn tondɑ.

Yonɑsi 2:8

Sɑnɑm mɛ nɑ kom yɑɑ biɑ nɑ wunɛ Yinni Gusunɔ yɑɑyɑ, mɑ ɑ nɛn kɑnɑru nuɑ wunɛn sɑ̃ɑ yee dɛɛrɑrun mi.

Hɑbɑkuku 2:18

Arufɑɑni yerɑ̀ bwɑ̃ɑrokunu nu mɔ tɔnu u kɑ sinɑ u nu seku. Nu sɑ̃ɑwɑ ni bɑ sekɑ kɑ sisu, mɑ nu derɑ u weesu nɑɑnɛ sɑ̃ɑ. Mbɑn sɔ̃nɑ tɔnu u koo win nɑɑnɛ doke bwɑ̃ɑroku ni u sekɑ sɔɔ, ni, ni nu ǹ kpɛ̃ nu ɡɑri ɡere.

Sɑkɑri 10:2

Domi bũu nìn bwɑ̃ɑrokunu bɑ mɔ̀ Terɑfimu nu weesu mɔ̀. Sɔrobu bɑ kɑ̃si weesuɡinu wɑɑmɔ. Ben dosusu su sɑ̃ɑwɑ weesu. Sin nuku yɛmiɑsiɑbu sɑ̃ɑwɑ kɑm dirum. Yen sɔ̃nɑ bɑ sirenɛ nɡe yɑɑ sɑbenu. Bɑ wɔnwɔndu soore, domi bɑ ǹ kpɑro mɔ.