Yeremi 10:6 - Bibeli Gusunɔn Gari

⁶ Mɑ Yeremi u Gusunɔ siɑrɑ u nɛɛ, Yinni Gusunɔ, ɑ kpɑ̃. Goo sɑri wi u kɑ nun weenɛ. Mɑ ɑ yĩsiru yɑrɑ wunɛn dɑm sɑɑbu.

Yeremi 10:6 ပူးပေါင်းရင်းမြစ်များ

Sɑmuɛli II 7:22

Gɑ̃ɑnu kpuro ye sɑ nuɑ ɑ kuɑ, ɡeemɑ, yɑ sɔ̃ɔsimɔ mɑ ɑ kpɑ̃. Goo sɑri wi u sɑ̃ɑ nɡe wunɛ. Wunɛ turowɑ ɑ sɑ̃ɑ Gusunɔ.

Bɑndun Gɑri I 16:25

Domi Yinni Gusunɔ u kpɑ̃. Wiyɑ n weenɛ bu siɑrɑ. U bũnu kpuro nɑnum kere.

Nɛɛmi 4:14

Yen sɔ̃, ì n kɔbɑn swĩi nuɑ, i mɛnnɑmɑ nɛn mi berɑ ɡee i yen swĩi yi nuɑ. Gusunɔ bɛsɛn Yinni u koo sun sɑnnɑ.

Nɛɛmi 9:32

Gusunɔ bɛsɛn Yinni, ɑ kpɑ̃, ɑ mɑɑ dɑm mɔ. Wunɑ ɑ durom bɑkɑm mɔ. Mɑ ɑ wunɛn ɑrukɑwɑni nɛni ye ɑ kɑ sun bɔkuɑ. A bɛsɛn wɑhɑlɑ mɛɛrio ye sɑ mɔ̀ bɛsɛ kɑ bɛsɛn sinɑmbu kɑ ben sinɑ ɑsɑkpɔbu kɑ wunɛn sɔmɔbu kɑ bɛsɛn yɑ̃ku kowobu sɑɑ Asirin sinɑmbun wɑɑtin di sere n kɑ ɡisɔ ɡirɑri.

Womusu 145:3

Yinni Gusunɔ, ɑ kpɑ̃. Wunɑ n weenɛ bu siɑrɑ. Wunɛn kpɑ̃ɑru tɑ ǹ nɔru mɔ.

Womusu 147:5

Bɛsɛn Yinni u kpɑ̃, u mɑɑ dɑm mɔ. Win bwisi kun nɔru mɔ.

Womusu 35:10

Kpɑ sɑɑ nɛn ɡɔ̃ru sɔɔn di, n nɛɛ, ɡoo sɑri wi u dɑm mɔ nɡe wunɛ. Domi ɑ nɛ wɔnwɔndo yɑrɑ sɑɑ wi u mɑn dɑm keren nɔmɑn di.

Womusu 48:1

Womu ɡe Koren bibu bɑ kuɑ. Ge wee.

Womusu 96:4

Domi wi, Yinni Gusunɔ u kpɑ̃. Wiyɑ bɑ koo bɛɛrɛ wɛ̃. U bũnu kpuro dɑm kere.

Yɑribu 15:11

Yinni Gusunɔ, mbɑ n kɑ nun weenɛ ye tɔmbɑ sɑ̃ɑmɔ kpuro sɔɔ. Mbɑ n kɑ nun dɛɛrɑru nɛ, wunɛ wi ɑ nɑnum mɔ. Mbɑ n kɑ nun weenɛ, wunɛ wi bɑ koo siɑrɑ. Mbɑ n kɑ nun weenɛ, wunɛ wi ɑ rɑ sɔm mɑɑmɑɑkiɡinu ko.

Yɑribu 8:10

Bɑ nu ɡurɑ bɑ mɛnnɑ mɛnnɑ. Mɑ nin nuburɑ yibɑ tem mɛ sɔɔ.

Yɑribu 9:14

Domi tɛ̃, n ǹ mɔ win bwɑ̃ɑbu kɑ win tɔmbu tɔnɑ kon wɑhɑlɑ doke ye yɑ koo nɛn dɑm bɑkɑm sɔ̃ɔsi. Kɑ win tiiwɑ kpɑ u ɡiɑ mɑ ɡoo sɑri nɡe nɛ hɑnduniɑ sɔɔ.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 40:18

Wɑrɑ i ko kɑ Gusunɔ weesinɑ. Mbɑ i ko nɛɛ, u kɑ weenɛ.

Esɑi 40:25

Gusunɔ Dɛɛro u nɛɛ, wɑrɑ tɔmbɑ kɑ nùn weesinɑmɔ.

Esɑi 46:5

Wɑrɑ i ko kɑ mɑn sweenɑ, kpɑ i nùn ko nɛn sɑɑrɑ. Wɑrɑ mɑɑ sɑ̃ɑ nɡe nɛ. Bũu?

Esɑi 46:9

I yɑɑyo ye yɑ rɑɑ koorɑ yellu. Domi nɛnɑ Gusunɔ. Goo mɑɑ sɑri nɡe nɛ.

Yeremi 10:16

Gusunɔ, Isirelibɑn Yinni u ǹ sɑ̃ɑ nɡe ni. Domi wiyɑ u kpuro tɑkɑ kuɑ. Wiyɑ u sɑ̃ɑ win tɔmbun ɑrumɑni. Win yĩsirɑ Gusunɔ, wɔllu kɑ tem Yinni.

Yeremi 32:18

A rɑ bwesenu durom kue sere kɑ nin bibun bibɔ. Adɑmɑ bɑɑbɑbɑ bɑ̀ n torɑ, ɑ rɑ ben bibu sɛɛyɑsie torɑ nin sɔ̃. Gusunɔ, ɑ sɑ̃ɑwɑ Yinni boko, mɑ ɑ dɑm mɔ. Wunɛn yĩsirɑ wɔllu kɑ tem Yinni.

Dɑniɛli 4:3

Yen sɔ̃nɑ nɑ woodɑ yɑrɑ nɑ nɛɛ, Bɑbilonin bwisiɡibu kpuro bu mɛnnɑmɑ nɛn mi kpɑ bu mɑn dosu ɡe tubusiɑ.

Dɑniɛli 4:34

Tɛ̃, nɛ Nɛbukɑnɛsɑɑ, nɑ wɔllun sinɑ boko siɑrɑ kɑ bɛɛrɛ. Nɑ nùn wɔlle suɑ. Domi ye u mɔ̀ kpuro yɑ sɑ̃ɑwɑ ɡeɑ. Win swɛɛ kpuro yi sɑ̃ɑwɑ dee dee. U koo mɑm kpĩ u be bɑ tii suɑmɔ kɑwɑ.

Mɑlɑsi 1:11

Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Korinti I 8:6

kɑ mɛ, bɛsɛn mi, Gusunɔ turowɑ wɑ̃ɑ. Wiyɑ sɑ̃ɑ Bɑɑbɑ wìn min di ɡɑ̃ɑnu kpuro nu nɑɑmɔ. Win sɔ̃nɑ sɑ mɑɑ wɑ̃ɑ. Yinni turowɑ mɑɑ wɑ̃ɑ. Wiyɑ Yesu Kirisi wìn min di ɡɑ̃ɑnu kpuro nu koorɑ. Win sɑɑbuwɑ sɑ mɑɑ wɑ̃ɑru mɔ.

Sɔ̃ɔsiru 32:31

Adɑmɑ yibɛrɛ ben tii bɑ yɛ̃ mɑ ben bũu wi u bu kɔ̃su u ǹ wi, Gusunɔ Isirelibɑn Yinni dɑm turɑ.

Sɔ̃ɔsiru 33:26

Yerɑ Mɔwisi u kpɑm ɡeruɑ u nɛɛ, bɛɛ Isirelibɑ, i n yɛ̃ mɑ Yinni ɡoo sɑri nɡe Gusunɔ. Wee u wɔllu sɔni u kɑ sisi bɛɛn mi kɑ win yiiko bɑkɑ. Guru wirɑ u duɑ u kɑ wee u bɛɛ somi.