Yeremi 10:5 - Bibeli Gusunɔn Gari

⁵ Bwɑ̃ɑrokunu nu rɑ n sɑ̃ɑwɑ nɡe nɑre ye bɑ rɑ ko ɡberɔ. Nu ǹ ɡɑri mɔ̀, bɑ rɑ n nu sɔɔwɑwɑ, domi nu ǹ kpɛ̃ nu kɑ tii sĩ. Yen sɔ̃, i ku nin bɛrum ko. Nu ǹ kpɛ̃ nu bɛɛ kɔ̃sɑ ǹ kun mɛ ɡeɑ kuɑ.

Yeremi 10:5 ပူးပေါင်းရင်းမြစ်များ

Sinɑmbu I 18:26

Mɑ bɑ nɑɑ kinɛ te bɑ bu wɛ̃ mi ɡo. Yerɑ bɑ bũu wi sokɑ sɑɑ bururun di sere sɔ̃ɔ u kɑ nɑ wiru wɔllɔ. Bɑ mɔ̀, Bɑɑli, ɑ sun wurɑrio! Mɑ bɑ yɑɑmɔ bɑ kɑ ben yɑ̃ku yerun turɑ te sikerenɑmɔ. Adɑmɑ bɑ ǹ nɔɔ ɡɑɡu nuɑ. Bɑ ǹ mɑɑ wisibu ɡɑbu wɑ.

Bɑndun Gɑri II 25:15

Yerɑ Yinni Gusunɔ u kɑ Amɑsiɑ mɔru kuɑ. Mɑ u nùn win sɔmɔ ɡoo ɡɔriɑmɑ. U nùn bikiɑ u nɛɛ, mbɑn sɔ̃nɑ ɑ Edɔmubɑn bũnu ɡurɑmɑ, ni, ni nu ǹ kpĩɑ nu bu wɔre wunɛn nɔmɑn di.

Esɑi 16:12

Mɔɑbubɑ bɑ dɑɑmɔ ɡunɡunu wɔllɔ kɑm sɔɔ. Bɑ dumɔ ben bũu sɑ̃ɑ yerɔ bu kɑ domɑru ko. Adɑmɑ bɑ ǹ somiru wɑsi.

Esɑi 45:20

Yinni Gusunɔ u nɛɛ, yen sɔ̃, i mɛnnɑmɑ. I susimɑ bɛɛ be i kpikiru suɑ tɑbun di. Be bɑ bwɑ̃ɑroku dɑ̃ɑɡinu sɔɔwɑ, mɑ bɑ bũu sokumɔ wi u ǹ kpɛ̃ u bu fɑɑbɑ ko, bɑ ǹ yɛ̃ru mɔ.

Esɑi 46:1

Bũu wi bɑ mɔ̀ Bɛli, win dɑm kpeemɔ. Wi bɑ mɑɑ mɔ̀ Nɛbo, u ǹ mɑɑ do. Bɑ rɑ rɑɑ nu sɑ̃, ɑdɑmɑ tɛ̃, nu kuɑ kubɑ ni yɑɑ sɑbenu sɔɔwɑ. Yɑɑ sɑbe ni, nu mɑɑ wɑsirɑ sɔmu nin sɔ̃.

Esɑi 46:7

Bɑ̀ n ɡu seru sɔndi bɑ kɑ dɑ bɑ yi mi ɡɑ ko n wɑ̃ɑ, ɡɑ ku rɑ kesi ɡen yii yerun di. Bɑ̀ n nɔɔɡiru suɑ bɑ ɡu sokɑ, ɡɑ ku rɑ wure. Gɑ ku rɑ mɑɑ bu yɑre nɔni swɑ̃ɑrun di.

Yeremi 10:14

Tɔnu ù n ye kpuro mɛɛrɑ, u rɑ biti soorewɑ. Sekuru tɑ rɑ mɑɑ sekobu mwɛwɑ bɑ̀ n ben bwɑ̃ɑroku ni wɑ. Domi nu ǹ kpɛ̃ nu ko mɛ, nu ǹ wɛ̃siɑru mɔ.

Hɑbɑkuku 2:19

Bɔ̃rurowɑ wi u dɑ̃ɑ kuku sɔ̃ɔmɔ u mɔ̀, ɡu seewo, mɑ u kperu sɔ̃ɔmɔ u mɔ̀, tu dom yɑndo. Yen ɡɑɑ yɑ koo kpĩ yu nùn bwisi kɛ̃? Geemɑ, u nu wurɑ kɑ sii ɡeesu pote. Adɑmɑ nu ǹ hunde mɔ, nu n sere wɑ̃ɑru mɔ.

Korinti I 12:2

I yɛ̃ mɑ sɑnɑm mɛ i ǹ Gusunɔ yɛ̃, bɑ rɑ n bɛɛ ɡɑwewɑ bũnun yirɑɔ, ni nu ku rɑ ɡɑri ɡere.

Korinti I 8:4

Tɛ̃ dĩɑ ni bɑ kɑ bũu yɑ̃kuru kuɑ, ɑmɛniwɑ nin dibun ɡɑri sɑ̃ɑ. Sɑ yɛ̃ mɑ bũu kun ɡɑ̃ɑnu hɑnduniɑ sɔɔ. Sɑ mɑɑ yɛ̃ mɑ Gusunɔ turowɑ wɑ̃ɑ.

Sɔ̃ɔsiru 4:28

Miyɑ i ko i bũnu sɑ̃ ni tɔmbɑ kuɑ kɑ dɑ̃ɑ ǹ kun mɛ kɑ kpenu ni nu ku rɑ yɑm wɑ, nu ku rɑ ɡɑri nɔ, nu ku rɑ mɑɑ nuburu nɔ.