Yeremi 10:25 - Bibeli Gusunɔn Gari

²⁵ A wunɛn mɔru sureo bwese ni nu ǹ nun mɛm nɔɔwɑmmɛn mi, ni, ni nu ǹ nun sɑ̃ɑmɔ. Domi nu wunɛn tɔmbu Yɑkɔbun bweseru kpeerɑsiɑmɔ, nu ben tem bɑnsu koosiɑmɔ.

Yeremi 10:25 ပူးပေါင်းရင်းမြစ်များ

Yoobu 18:21

Nɡe mɛyɑ tɔn kɔ̃sobu kɑ be bɑ ǹ Gusunɔ yɛ̃n wɑ̃ɑ yeru tɑ ko n sɑ̃ɑ.

Womusu 14:4

Ye u wɑ mɛ, yerɑ u tii bikiɑ u nɛɛ, kɔ̃sɑn kowo be, bɑ ǹ yɛ̃ru mɔ? Wee bɑ nɛn tɔmbu ɡbɛnimɔ, ben ɡoo kun mɑn sɑ̃ɑmɔ.

Womusu 147:20

U ǹ bweseru ɡɑru kue mɛ. Ten ɡɑru tɑ ǹ mɑɑ win woodɑbɑ yɛ̃. Yen sɔ̃, i Yinni Gusunɔ siɑro.

Womusu 27:2

Nɛn yibɛrɛbɑ bɑ̀ n mɑn wɔrimɑ bu kɑ mɑn ɡo, bɑ ǹ mɑn wɑsi. Kɔ̃sɑn kowobu bɑ̀ n mɑn susimɑ bu kɑ mɑn nɔni sɔ̃, ɡɑ̃ɑnu kun mɑn mɔ̀. Be kpurowɑ bɑ koo wɔruku.

Womusu 69:24

A ben nɔni wukirio bu ku mɑɑ kɑ yɑm wɑ, kpɑ ben dɑm mu dwiiyɑ.

Esɑi 43:22

Adɑmɑ bɛɛ Isirelibɑ, bɛɛ be i sɑ̃ɑ Yɑkɔbun bweseru, i kɑ mɑn wɑsirɑ, i ku rɑ mɑɑ mɑn sɑ̃.

Esɑi 64:7

Kɑ yen de, Yinni, wunɑ ɑ sɑ̃ɑ bɛsɛn bɑɑbɑ. Sɑ sɑ̃ɑwɑ nɡe sɔndu, wunɑ ɑ sun mɔmɑ kɑ wunɛn nɔmɑ.

Esɑi 9:12

Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Yeremi 11:1

Gɑri yiniwɑ Yinni Gusunɔ u Yeremi sɔ̃ɔwɑ. U nɛɛ,

Yeremi 30:16

Adɑmɑ be bɑ bɛɛ wɔri bɑ di, kon ben tii wɔriwɑ n di. Be bɑ sɑ̃ɑ bɛɛn yibɛrɛbɑ kpuro bɑ koo bu yoru mwɛɛriwɑ. Be bɑ bɛɛn yɑ̃nu ɡurɑmɔ, kon de bu mɑɑ ben tiin yɑ̃nu ɡurɑ.

Yeremi 50:17

Yinni Gusunɔ u nɛɛ, Isirelibɑ bɑ sɑ̃ɑwɑ nɡe yɑ̃ɑ ni nu kɔ̃ɔrɑ mɑ ɡbee sinɑnsu su nu nɑɑ swĩi. Asirin sinɑ bokowɑ u ɡbiɑ u nu wɔri u ɡurɑ, mɑ Bɑbilonin sinɑ boko u mɑɑ nɑ u nu wɔri u kɔsukɑ.

Yeremi 50:7

Yibɛrɛ be bɑ bu wɔri ɡesi, bɑ rɑ bu ɡurewɑ. Kpɑ yibɛrɛ be, bu nɛɛ, bɑ ǹ kɔ̃sɑ kue. Be, Isireli ben tiiwɑ bɑ Yinni Gusunɔ torɑri, wi, wi u sɑ̃ɑ ɡemɡii kɑ wi ben sikɑdobɑ bɑ nɑɑnɛ sɑ̃ɑ.

Yeremi 8:16

Wee sɑ yibɛrɛbɑn dumin wɔkinu nɔɔmɔ Dɑnun berɑ ɡiɑ. Mɑ yi wuri mɔ̀, yi tem kpuro nɛni mu diirimɔ. Yibɛrɛ be, bɑ dĩɑnu ɡurɑmɔ bɑ ɡbeɑ mwɑɑmɔ, kɑ sere Yerusɑlɛmu kɑ yen tɔmbu.

Swĩi 2:22

A nɛn yibɛrɛ be nɑ nɑsie sokusiɑ bɑɑmɑn di bɑ mɛnnɑ nɡe tɔ̃ɔ bɑkɑrun sɑɑ. Yen dɔmɑ te, ɡoo kun kisire. Goo kun mɑɑ seewe bii be nɑ kĩ nɑ seeyɑ sɔɔ. A derɑ nɛn yibɛrɛ u bu ɡo kpuro.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Sofoni 3:8

Yen sɔ̃, wi, Yinni Gusunɔ u nɛɛ, i nùn mɑruo tɔ̃ɔ tè sɔɔ u koo se u bɛɛ wɔrimɑ. Domi u ɡɔ̃ru doke u bwesenu kɑ nin sinɑmbu mɛnnɑ u bu win mɔru sɔ̃ɔsi kɑ yen dɑm. Kpɑ n sɑ̃ɑre nɡe bɑ tem mɛ kpuro dɔ̃ɔ doke win mɔrun sɔ̃.

Sɑkɑri 1:15

Mɛyɑ u kɑ bwese ni nu tii sue mɔru mɔ̀. Yellu u rɑɑ kɑ nu mɔru kuɑ fiiko. Mɑ nu Yerusɑlɛmu kɔ̃sɑ kuɑ.

Yohɑnu 17:25

Bɑɑbɑ ɡemɡii, hɑnduniɑɡibɑ kun nun yɛ̃, ɑdɑmɑ nɛ nɑ nun yɛ̃, mɑ beni bɑ tubɑ mɑ wunɑ ɑ mɑn ɡɔrimɑ.

Gɔrobun Kookoosu 17:23

Domi sɑnɑm mɛ nɑ bɔsu bɛɛn wuu mi, nɑ ɡɑ̃ɑ dɑbinu mɛɛrimɔ ni i sɑ̃ɑmɔ, nɑ turɑru ɡɑru wɑ tèn mi bɑ yoruɑ, Gusunɔ wi sɑ kun yɛ̃. Tɛ̃ Gusunɔ wi, wi bɛɛ i sɑ̃ɑmɔ yɛ̃ru sɑriru sɔɔ mi, wiyɑ nɑ bɛɛ tubusiɑmɔ.

Korinti I 15:34

I de bɛɛn lɑɑkɑri ɡeɑ yu wurɑmɑ nɡe mɛ n weenɛ, kpɑ i kookoo kɔ̃susu deri. Bɛɛn ɡɑbu bɑ ǹ Gusunɔ yɛ̃. Nɑ yeni ɡerumɔ mɑ bɛɛn sekurɑ.

Tɛsɑlonikɑ I 4:5

n ǹ mɑɑ mɔ kɑ wɑsin binɛn kĩru nɡe mɛ tɔn tukobu bɑ mɔ̀ be bɑ kun Gusunɔ yɛ̃.

Tɛsɑlonikɑ II 1:8

Yesu wiyɑ u koo bu sɛɛyɑsiɑ be bɑ kun Gusunɔ yɛ̃, kɑ be bɑ kun wi, Yinni Yesun Lɑbɑɑri ɡeɑ wure.

Kɑ̃siru 16:1

Yerɑ nɑ nɔɔɡiru ɡɑru nuɑ sɑɑ sɑ̃ɑ yee ten min di tɑ wɔllun ɡɔrɑdo be sɔ̃ɔwɑ tɑ nɛɛ, bu doo bu Gusunɔn mɔrun yorukunu nɔɔbɑ yiru wisi hɑnduniɑ sɔɔ.