Yeremi 10:22 - Bibeli Gusunɔn Gari

²² Wee dɑmu ɡɑɡu ɡɑ nɔɔrɑmɔ. Tɔn dɑbirɑ wee sɑɑ sɔ̃ɔ yɛ̃sɑn nɔm ɡeu ɡiɑn di, bu kɑ Yudɑbɑn wusu kpeerɑsiɑ, kpɑ su ko ɡbeeku bɔ̃nun wɑ̃ɑ yeru.

Yeremi 10:22 ပူးပေါင်းရင်းမြစ်များ

Esɑi 34:13

Kikisu kɑ sɑ̃ki kɑ ɑwĩi yi koo kpi ben sinɑ kpɑɑnɔ kɑ ben kuku yenɔ, kpɑ nu ko purukɑnu kɑ tɑɑtɑɑnun wɑ̃ɑ yenu,

Yeremi 1:14

Mɑ Yinni Gusunɔ u nɛɛ, ɡeemɑ sɑɑ sɔ̃ɔ yɛ̃sɑn nɔm ɡeu ɡiɑn diyɑ wɑhɑlɑ yɑ koo nɑ yu tem mɛn tɔmbu kpuro wɔri.

Yeremi 1:15

U koo sinɑm be bɑ wɑ̃ɑ sɔ̃ɔ yɛ̃sɑn nɔm ɡeu ɡiɑ seeyɑmɑ bu nɑ bu Yerusɑlɛmu kɑ Yudɑn wuu si su tie tɑbu wɔri kpɑ bu Yerusɑlɛmu ye tɑrusi bu sinɑ yen ɡbɑ̃rɑ kɔnnɔsɔ nɡe siri kowobu.

Yeremi 2:15

Wee bɑ bɛɛ kukirisi nɡe ɡbee sinɑnsu. Bɑ bɛɛn tem yɑ̃nu ɡurɑ, mɑ bɑ bɛɛn wusu dɔ̃ɔ mɛniki, ɡoo mɑɑ sɑri mi.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 4:15

I swɑɑ dɑkio ɡɑri yi bɑ kɑ nɑ Dɑnun tem di kɑ Efɑrɑimun ɡuunun di bɑ nɛɛ, kɔ̃sɑ wee.

Yeremi 4:6

Bu ɡidi bɔrɑ sueyo Siɔni ɡiɑ bu duki yɑkuro bu ku yɔ̃rɑ. Domi Gusunɔ u koo de kɔ̃sɑ yu nɑ sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 49:33

Hɑsorin wuu ɡɑ koo ko bɑnsu, kpɑ ɡɑ n sɑ̃ɑ ɡbeeku bɔ̃nun wɑ̃ɑ yeru sere kɑ bɑɑdommɑɔ. Goo kun mɑɑ sinɑmɔ mi.

Yeremi 5:15

Tɛ̃ bɛɛ nɛn tɔmbu, Isirelibɑ, kon bɛɛ bweseru ɡɑru suremɑ tontonden di. Bwese te, tɑ dɑm mɔ tɑ rɑɑ mɑɑ wɑ̃ɑwɑ sɑɑ yellun di. I ǹ mɑɑ ten bɑrum nɔɔmɔ.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 6:22

Yinni Gusunɔ u nɛɛ, wee bweseru ɡɑrɑ sisi sɑɑ sɔ̃ɔ yɛ̃sɑn nɔm ɡeu ɡiɑn di mi n tomɑ. Bwese ten tɔmbu bɑ dɑm mɔ.

Yeremi 9:11

Wɑrɑ u bwisi mɔ u kɑ ye tubusiɑ. Yinni Gusunɔ ù n kɑ yɛ̃ro ɡɑri kuɑ, u ɡeruo yèn sɔ̃ tem mɛ, mu kuɑ bɑnsu mi ɡoo ku rɑ mɑɑ sɑre.

Swĩi 1:4

Yerusɑlɛmu yɑ wɑ̃ɑ nuku sɑnkirɑnu sɔɔ, domi bɑ ku rɑ mɑɑ yen swɛɛ sĩ bu tɔ̃ɔ bɑkɑru nɑ. Goo kun mɑɑ wɑ̃ɑ yen ɡbɑ̃rɑ kɔnnɔwɔ. Yen yɑ̃ku kowobu bɑ weeweenu mɔ̀. Yen wɔndiɑbɑn nuki sɑnkirɑ. Yen tii yɑ wɑ̃ɑ nuku sɑnkirɑ bɑkɑru sɔɔ.

Esekiɛli 12:19

Kpɑ ɑ Isirelibɑ sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, be, Yerusɑlɛmuɡibu bɑ koo ben dĩɑnu diwɑ kɑ bɛrum kpɑ bu nim nɔ kɑ nuku sɑnkirɑnu. Domi ben tem mu kuɑ bɑnsu. Gɑ̃ɑ ni nu wɑ̃ɑ mi kpuro, nu koo kɑm kowɑ ben tɔn dɑm dɔrebun sɔ̃.

Mɑlɑsi 1:3

mɑ nɑ Esɑu yinɑ. Nɑ derɑ ɡɑ̃ɑnu sɑri win tem ɡuunɔ. Mɑ nɑ derɑ ɡbeeku yɛɛ kɔ̃si yibɑ tem mɛ sɔɔ.