Yeremi 10:16 - Bibeli Gusunɔn Gari

¹⁶ Gusunɔ, Isirelibɑn Yinni u ǹ sɑ̃ɑ nɡe ni. Domi wiyɑ u kpuro tɑkɑ kuɑ. Wiyɑ u sɑ̃ɑ win tɔmbun ɑrumɑni. Win yĩsirɑ Gusunɔ, wɔllu kɑ tem Yinni.

Yeremi 10:16 ပူးပေါင်းရင်းမြစ်များ

Womusu 119:57

Nɑ mɑɑ wure nɑ ɡerumɔ, Yinni Gusunɔ, nɛɡiɑ n wunɛn ɡere mɛm nɔɔwɑ.

Womusu 135:4

Yinni Gusunɔ u tii Isirelibɑ Yɑkɔbun bweseru ɡɔsiɑ bɑ n kɑ sɑ̃ɑ wiɡibu.

Womusu 142:5

A mɛɛrio nɔm ɡeuɔ ɑ wɑ mɑ ɡoo sɑri wi u kɑ mɑn yɔ̃. Nɑ ǹ kuku yeru mɔ. Goo sɑri wi u mɑɑ nɛn bwisikunu mɔ̀.

Womusu 33:6

Win nɔɔn ɡɑriyɑ wɔllɑ kɑ tɑkɑ koorɑ, kɑ ɡɑ̃ɑ ni nu wɑ̃ɑ te sɔɔ kpuro.

Womusu 73:26

Nɛn wɑsi kɑ nɛn bwisikunu kpuro koo doonɑ. Adɑmɑ wunɛ Yinni Gusunɔ, wunɑ ɑ rɑ mɑn dɑm kɛ̃. A sɑ̃ɑwɑ nɛn dukiɑ sere kɑ bɑɑdommɑɔ.

Womusu 74:2

A bɛsɛ wunɛn tɔmbu yɑɑyo, bɛsɛ be ɑ yɑkiɑ sɑɑ yellun di. A bɛsɛn bwese kɛri yɑɑyo yi yi kuɑ wunɛɡii. A Siɔnin ɡuu te yɑɑyo tèn mi wunɛn wɑ̃ɑ yerɑ rɑɑ wɑ̃ɑ.

Yɑribu 19:5

Tɛ̃, ì n nɛn ɡere nuɑ, ì kun nɛn ɑrukɑwɑni kusie, i ko ko nɛn tiin tɔmbu n tɔmbu kpuro kere. Hɑnduniɑ kpuro sɑ̃ɑwɑ nɛɡiɑ,

Yɑribu 34:9

Mɑ u nɛɛ, Yinni, ɑ̀ n kɑ mɑn nɔnu ɡeu mɛɛrɑ, nɑ nun kɑnɑmɔ, ɑ de ɑ kɑ sun dɑ. Wee, tɔn be, swɑɑ tɑobɑ. Adɑmɑ ɑ sun bɛsɛn dɑɑ kɔ̃sɑ kɑ bɛsɛn durum suuru kuo kpɑ ɑ sun ko wunɛɡibu.

Mɔnnu 16:4

Yinni Gusunɔ u kpuro kuɑ win himbɑ yu kɑ yibiɑrɑ, sere mɑm kɑ tɔn kɔ̃sobɔ, be u koo kɑm koosiɑ.

Esɑi 19:25

Gusunɔ, wɔllu kɑ tem Yinni, u koo bu domɑru kuɑ u nɛɛ, domɑruɡibɑ bɛɛ, nɛn tɔmbu Eɡibitiɡibu. Domɑruɡibɑ bɛɛ, Asiriɡibu, bɛɛ be nɑ mɔmɑ. Domɑruɡibɑ bɛɛ Isirelibɑ, bɛɛ be nɑ ɡɔsɑ nɑ tii yiiyɑ.

Esɑi 45:7

Nɛnɑ nɑ rɑ de yɑm bururɑm kɑ yɑm wɔ̃kurɑ n wɑ̃ɑ. Nɛnɑ nɑ rɑ mɑɑ de ɑlɑfiɑ kɑ wɑhɑlɑ yɑ n wɑ̃ɑ. Nɛ, Yinni Gusunɔwɑ nɑ rɑ ye kpuro ko.

Esɑi 47:4

Nɛn yĩsirɑ Gusunɔ, wɔllu kɑ tem Yinni. Nɑ mɑɑ sɑ̃ɑ Isirelibɑn Yinni dɛɛro, wi u bu fɑɑbɑ mɔ̀.

Esɑi 47:6

Wee, nɑ rɑɑ kɑ nɛn tɔmbu mɔru kuɑ, nɑ bu ɡɑrisi nɡe disi, be, be bɑ sɑ̃ɑ nɛɡibu. Mɑ nɑ nun bu nɔmu bɛriɑ. Adɑmɑ ɑ ǹ bu wɔnwɔndu kue, sere ɑ mɑm ben durɔ tɔkɔnu yoru diisiɑ.

Esɑi 51:15

Nɛnɑ Gusunɔ bɛɛn Yinni, nɛ wi nɑ rɑ de nim wɔ̃kun nim mu se kpɑ mu kukiri. Nɛn yĩsirɑ Gusunɔ, wɔllu kɑ tem Yinni.

Esɑi 54:5

Domi nɛ, wunɛn tɑkɑ kowo nɑ sɑ̃ɑwɑ nɡe wunɛn durɔ. Nɛn yĩsirɑ Gusunɔ, wɔllu kɑ tem Yinni, kɑ Isirelibɑn Yinni Dɛɛro, kɑ hɑnduniɑ kpuron Yinni. Nɛnɑ nɑ nun yɑkiɑ.

Yeremi 10:12

Yinni Gusunɔwɑ u tem tɑkɑ kuɑ kɑ win dɑm, kɑ win yɛ̃ru, mɑ u wɔllu tɛriɑ kɑ win bwisi.

Yeremi 10:6

Mɑ Yeremi u Gusunɔ siɑrɑ u nɛɛ, Yinni Gusunɔ, ɑ kpɑ̃. Goo sɑri wi u kɑ nun weenɛ. Mɑ ɑ yĩsiru yɑrɑ wunɛn dɑm sɑɑbu.

Yeremi 31:35

Yinni Gusunɔwɑ u sɔ̃ɔ kuɑ u kɑ yɑm dɛɛrɑsiɑ sɔ̃ɔ sɔɔ. Mɑ u suru kɑ kperi yi yi, yi kɑ yɑm dɛɛrɑsiɑ wɔ̃kuru. U rɑ mɑɑ de nim kurenu nu se nim wɔ̃kun di, kpɑ nu wɔki. Win yĩsirɑ Yinni Gusunɔ wi u wɔllu kɑ tem mɔ. Wiyɑ u ɡeruɑ u nɛɛ,

Yeremi 32:18

A rɑ bwesenu durom kue sere kɑ nin bibun bibɔ. Adɑmɑ bɑɑbɑbɑ bɑ̀ n torɑ, ɑ rɑ ben bibu sɛɛyɑsie torɑ nin sɔ̃. Gusunɔ, ɑ sɑ̃ɑwɑ Yinni boko, mɑ ɑ dɑm mɔ. Wunɛn yĩsirɑ wɔllu kɑ tem Yinni.

Yeremi 33:2

U nɛɛ, nɛ wi nɑ rɑ n wɑ̃ɑ, nɛ wi nɑ tem tɑkɑ kuɑ mɑ nɑ mu nɛni, nɛnɑ nɑ nɛɛ,

Yeremi 46:18

Nɛ Gusunɔ, wɔllu kɑ tem Yinni, nɛ wi nɑ sɑ̃ɑ sinɑ boko, sere kɑ nɛn wɑ̃ɑru, nɡe mɛ bɑ yɛ̃ mɑ ɡuu te bɑ mɔ̀ Tɑbori tɑ ɡuu ni nu tie ɡunum kere, kɑ nɡe mɛ bɑ yɛ̃ mɑ ɡuu te bɑ mɔ̀ Kɑɑmɛli tɑ wɑ̃ɑ nim wɔ̃kun bɔkuɔ, nɡe mɛyɑ bɑ n yɛ̃ kɑm kɑm mɑ yibɛrɛbɑ bɑ koo nɑ bu bu wɔri.

Yeremi 50:34

Adɑmɑ nɛ, ben yɑkio, nɑ dɑm mɔ. Nɛn yĩsirɑ Gusunɔ, wɔllu kɑ tem Yinni. Kon kɑ bu yinɑ kpɑ n ben tem bɔri yɛndu wɛ̃, kpɑ n Bɑbiloniɡibu burisinɑ.

Yeremi 51:19

Adɑmɑ Gusunɔ u ǹ sɑ̃ɑ nɡe bwɑ̃ɑroku ni. U sɑ̃ɑwɑ Isirelibɑn ɑrumɑni. Wiyɑ u kpuro tɑkɑ kuɑ, wiyɑ u mɑɑ Isirelibɑ mɔ. Win yĩsirɑ Gusunɔ, wɔllu kɑ tem Yinni.

Swĩi 3:24

Nɑ nɛɛ, Yinni Gusunɔ u sɑ̃ɑwɑ nɛɡii. Yen sɔ̃nɑ nɑ yĩiyɔbu mɔ wi sɔɔ.

Amɔsu 4:13

Domi nɛnɑ nɑ ɡuunu mɔmɑ, mɑ nɑ woo tɑkɑ kuɑ. Nɑ rɑ nɛn bwisikunu tɔnu ɡiɑsie. Nɑ rɑ mɑɑ yɑm bururɑm ɡɔsie yɑm wɔ̃kuru, kpɑ nɑ n sĩimɔ ɡuunu wɔllɔ. Nɛn yĩsirɑ Gusunɔ wɔllu kɑ tem Yinni.

Sɑkɑri 2:12

Domi wi, Gusunɔ wɔllu kɑ tem Yinni u nɛɛ, yenibɑn biru, Yerusɑlɛmun bɛɛrɛ yɑ koo wurɑmɑ. Wee u mɑn ɡɔriɔ bwese ni nu bɛɛn yɑ̃nu ɡurɑn mi. U nɛɛ, nù n mɑɑ bɛɛ bɑbɑ, yɑ sɑ̃ɑwɑ nɡe win tiin nɔniyɑ nu bɑbɑ.

Sɔ̃ɔsiru 32:9

Adɑmɑ u tii Isirelibɑ yiiyɑ, be bɑ sɑ̃ɑ Yɑkɔbun bweseru.