Yeremi 10:15 - Bibeli Gusunɔn Gari

¹⁵ Bɑ nu kuɑwɑ bu kɑ tɔmbu nɔni wɔ̃ke. Nu ǹ sɑ̃ɑ ɡɑ̃ɑnu. Nu koo kɑm ko sɔ̃ɔ teeru, dɔmɑ te Yinni Gusunɔ u koo nu siri.

Yeremi 10:15 ပူးပေါင်းရင်းမြစ်များ

Womusu 115:9

Bɛɛ Isirelibɑ, i bɛɛn nɑɑnɛ dokeo Yinni Gusunɔ sɔɔ. U sɑ̃ɑwɑ bɛɛn fɑɑbɑ kowo kɑ bɛɛn tɛrɛru.

Esɑi 41:24

Adɑmɑ i ǹ kpɛ̃ i ɡɑ̃ɑnu ko. Bɛɛ kɑ bɛɛn sɔmɑ kpuro i sɑ̃ɑwɑ kɑm dirum. Wi u mɑɑ bɛɛ sɑ̃ɑmɔ ɡoo kun win mɛm kĩ.

Esɑi 41:29

Domi ni kɑ nin sɔmɑ nu sɑ̃ɑwɑ kɑm dirum. Nin bwɑ̃ɑrokunu nu mɑɑ sɑ̃ɑwɑ wom dirum.

Esɑi 57:12

Adɑmɑ kon bɛɛ sɔ̃ɔsi mɑ bɛɛn kookoo si i rɑɑ tɑmɑɑ su dee dee sɑ̃ɑ mi, su ǹ bɛɛ ɑrufɑɑni ɡɑɑ mɔ̀.

Yeremi 10:11

Bɛɛ bwese tukunu, i swɑɑ dɑkio i nɔ, bɛɛn bũu ni, nu ǹ wɔllu kɑ tem tɑkɑ kue. Nin tii nu koo kɑm kowɑ mɑm mɑm.

Yeremi 10:8

Be kpuro bɑ ǹ bwisi mɔ. Ben yɛ̃ru tɑ sɑ̃ɑwɑ kɑm. Domi dɑ̃rɑ bɑ rɑ dɑ̃ku bɑ n sɑ̃ɑmɔ.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yeremi 18:15

Adɑmɑ nɛn tɔmbu bɑ mɑn duɑri bɑ dɑ bɑ bũnu turɑre dɔ̃ɔ dokeɑmmɛ. Yɑ derɑ bɑ ǹ yɛ̃ ye bɑ mɔ̀ ben swɛɛ sɔɔ. Bɑ ben yellun swɑɑ dosu derimɔ, mɑ bɑ swɑɑ kisi swĩi.

Yeremi 43:12

Kpɑ u ben bũu diɑ dɔ̃ɔ mɛni, kpɑ u bũu nin tii ɡurɑ kpɑ u mɑɑ ben yɑ̃nu ɡurɑ yɑ kun nùn sɛ̃sie kpɑ u yɑri min di kɑ bɔri yɛndu, nɡe mɛ nɑɑ kpɑro u rɑ win kpɑrɑ yɑberu sebe u n doonɔ.

Yeremi 50:2

i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Yeremi 51:18

Nu sɑ̃ɑwɑ kɑm dirum mɛ mu tɔmbu nɔni wɔ̃kumɔ. Ni kpuro nu koo doonɑwɑ sɑnɑm mɛ Yinni Gusunɔ u koo nu sɛɛyɑsiɑ.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Osee 9:7

Sɑɑ yɑ turɑ yè sɔɔ Yinni Gusunɔ u koo siri. Sɑɑ yɑ tunumɑ yè sɔɔ u koo bɑɑwure kɔsiɑ ye u kuɑ. Bɛɛ Isirelibɑ i ko ye wɑ. Wee bɛɛn torɑnu kɑ bɛɛn tusirun kpɑ̃ɑrun sɔ̃, i rɑ n tɑmɑɑ Gusunɔn sɔmɔ u wiirɑwɑ. Wi, wi Yinni Gusunɔ u kɑ ɡɑri kuɑ u tɑm nɔrɑwɑ. N deemɑ bɛɛ, i torewɑ n kpɑ̃, mɑ i nùn tusɑ.

Yonɑsi 2:8

Sɑnɑm mɛ nɑ kom yɑɑ biɑ nɑ wunɛ Yinni Gusunɔ yɑɑyɑ, mɑ ɑ nɛn kɑnɑru nuɑ wunɛn sɑ̃ɑ yee dɛɛrɑrun mi.

Sɑkɑri 13:2

Yen tɔ̃ɔ te, nɛ, Gusunɔ wɔllu kɑ tem Yinni kon bũnun yĩsinu kpeerɑsiɑ tem mɛ sɔɔ kpɑ bu ku rɑɑ mɑɑ nu yɑɑyɑ. Kon mɑɑ nɛn sɔmɔ weesuɡii be bɑ bũu sɑ̃ɑrun kĩru mɔ mi wunɑ.

Gɔrobun Kookoosu 14:15

durɔ bɛɛ, mbɑn sɔ̃nɑ i yeni mɔ̀. Bɛsɛn tii tɔmbɑ nɡe bɛɛ. Sɑ bɛɛ Lɑbɑɑri ɡeɑ tubusiɑmɔwɑ, kpɑ i kɑ ɡɔ̃ru ɡɔsiɑ sɑ̃ɑ kɑmɡirun di i wurɑ Gusunɔ Yinni wɑson mi, wi u wɔllu kɑ tem kɑ nim wɔ̃ku tɑkɑ kuɑ, kɑ yɑbu kpuro ye yɑ wɑ̃ɑ ye sɔɔ.

Sɔ̃ɔsiru 32:21

Bɑ win mɔru kɑ win nisinu seeyɑ ben bũu ni bɑ sokumɔ Gusunɔn sɔ̃, ni nu ǹ sɑ̃ɑ ɡɑ̃ɑnu. Yen sɔ̃nɑ u nɛɛ, wi, u koo mɑɑ bwese wiirɑruɡiru sokusiɑ u kɑ ben mɔru seeyɑ, kpɑ u ben nisinu seeyɑ kɑ bwese te, te bɑ ǹ ɡɑrisi ɡɑ̃ɑnu.

Sɑmuɛli I 12:21

I ku ɡɛrɑ i bũnu swĩi. Nu ǹ ɑrufɑɑni ɡɑɑ mɔ, nu ǹ mɑɑ kpɛ̃ nu bɛɛ fɑɑbɑ ko, domi kɑmɑ nu sɑ̃ɑ.

Sɑmuɛli I 5:4

Sisiru bɑ mɑɑ seewɑ buru buru yellu bɑ deemɑ wee, bũu wi, u wɔrumɛ u kibɑri Yinni Gusunɔn woodɑn kpɑkoro ten wuswɑɑɔ, mɑ win wiru kɑ nɔmɑ kpuro yɑ bɔtikire yɑ yii dii kɔnnɔwɔ. Win kuseru tɔnɑwɑ tɑ tie.