Yeremi 10:12 - Bibeli Gusunɔn Gari

¹² Yinni Gusunɔwɑ u tem tɑkɑ kuɑ kɑ win dɑm, kɑ win yɛ̃ru, mɑ u wɔllu tɛriɑ kɑ win bwisi.

Yeremi 10:12 ပူးပေါင်းရင်းမြစ်များ

Torubu 1:1

Sɑnɑm mɛ Gusunɔ u hɑnduniɑ toruɑ, u wɔllu kɑ tem tɑkɑ kuɑ.

Torubu 2:5

dɑ̃ru ɡɑrɑ kun ɡinɑ kpiɑ tem sɔɔ, yɑkɑsu ɡɑsu kun mɑɑ kpiɑ domi Yinni Gusunɔ kun ɡinɑ ɡurɑ nɛɛsie sɑnɑm mɛ. Tɔnu mɑɑ sɑri wi u koo tem mɛ wuku.

Bɑndun Gɑri I 16:26

Bwese tukunun bũnu nu sɑ̃ɑwɑ kɑm dirum. Adɑmɑ Yinni Gusunɔwɑ u wɔllu kuɑ.

Yoobu 26:7

Wiyɑ u sɔ̃ɔ yɛ̃sɑn nɔm ɡeu doke wom dirum sɔɔ. Mɑ u tem bwɛ̃ kɑm dirum sɔɔ.

Yoobu 37:18

Kɑɑ kpĩ ɑ wɔllu tɛriɑ nɡe wi, kpɑ tɑ n dɑm mɔ nɡe diɡi ye bɑ kuɑ kɑ sisu?

Yoobu 9:8

Wi turowɑ u wɔllu tɛriɑ. Mɑ u sĩimɔ nim kurenun wɔllɔ.

Womusu 104:2

A rɑ tii yɑm bururɑm wukiri nɡe bekuru. A rɑ wɔllu tɛrie nɡe beku bɑkɑru.

Womusu 104:24

Yinni Gusunɔ, wunɛn sɔmɑ yɑ dɑbi. A ye kpuro kuɑ kɑ lɑɑkɑri. Wunɛn tɑkɑ koorɑ yɑ wɑ̃ɑ tem sɔɔ kpuro.

Womusu 119:90

Wunɛn bɔrɔkiniru tɑ ko n mɑɑ wɑ̃ɑwɑ sere kɑ bɑɑdommɑɔ. Wunɑ ɑ tem swĩi mɑ ɑ mu sire dim dim.

Womusu 24:2

Wunɑ ɑ tem kpɛɛkpɛɛku swĩi nim wɔ̃ku sɔɔ. Wunɑ ɑ mu bɔnu kuɑ kɑ dɑɑnu.

Womusu 33:6

Win nɔɔn ɡɑriyɑ wɔllɑ kɑ tɑkɑ koorɑ, kɑ ɡɑ̃ɑ ni nu wɑ̃ɑ te sɔɔ kpuro.

Womusu 65:7

Wunɑ ɑ dɑm mɔ. Kɑ dɑm mɛyɑ ɑ kɑ ɡuunu swĩi nin ɑyenɔ.

Womusu 78:69

Guuru miyɑ u win sɑ̃ɑ yeru bɑnɑ tɑ dɑm mɔ nɡe wɔllu kɑ tem mɛ u swĩi sere kɑ bɑɑdommɑɔ.

Womusu 93:1

Yinni Gusunɔ, ɑ bɑndu dii, mɑ ɑ wunɛn yiiko sebuɑ nɡe yɑberu. Mɑ ɑ dɑm sɛ̃ke nɡe kpɑkɑ. A mɑɑ derɑ tem mu dɑm mɔ, mu ǹ yĩirimɔ.

Mɔnnu 3:19

Bwisiyɑ Yinni Gusunɔ u kɑ hɑnduniɑ tɑkɑ kuɑ. Win yɛ̃rɑ u kɑ wɔllu kuɑ.

Mɔnnu 30:4

Wɑrɑ u wɔllu dɑɑre. Wɑrɑ u sɑrɑmɑre wɔllun di. Wɑrɑ u woo nɔmɑ nɛnure. Wɑrɑ u nim kurusire win yɑ̃nu sɔɔ. Wɑrɑ u tem nɔɔ burɑ yenu kuɑ. Amɔnɑ win yĩsiru. Amɔnɑ win biin yĩsiru. A yɛ̃?

Esɑi 37:16

Gusunɔ, bɛsɛ Isirelibɑn Yinni, wunɛ wi ɑ sɔ̃ wɔllun kɔ̃sobu yirun suunu sɔɔ, wunɛ turowɑ ɑ sɑ̃ɑ sinɑmbu kpuron Yinni. Wunɑ ɑ wɔllu kɑ tem tɑkɑ kuɑ, mɑ ɑ sɑ̃ɑ mɛn Yinni.

Esɑi 40:22

Gusunɔwɑ u ɡu swĩi, wi, wi u wɑ̃ɑ wɔllɔ u tɔmbu mɛɛrɑ bɑ sɑ̃ɑ nɡe twee. U wɔllu tɛriɑ nɡe beku te tɑ ǹ bunu. U tu dɛmiɑ nɡe kuu bekuruɡiru u kɑ win wɑ̃ɑ yeru kuɑ.

Esɑi 42:5

Yinni Gusunɔ wi u wɔllu kuɑ u tɛriɑ, mɑ u tem kuɑ kɑ ye yɑ kpiɑ mɛ sɔɔ, mɑ u derɑ tɔmbu kɑ sere hunde koni be bɑ wɑ̃ɑ tem sɔɔ bɑ wɛ̃siɑmɔ, wiyɑ u win sɔm kowo sɔ̃ɔwɑ u nɛɛ,

Esɑi 44:24

Nɛ, Yinni Gusunɔ, nɑ sɑ̃ɑwɑ wunɛn fɑɑbɑ koowo. Nɛnɑ nɑ nun mɔmɑ bɑ sere nun mɑrɑ. Amɛniwɑ nɑ ɡeruɑ. Nɑ nɛɛ, nɛnɑ nɑ ɡɑ̃ɑnu kpuro kuɑ. Nɛ turowɑ nɑ mɑɑ wɔllu kɑ tem tɛriɑ.

Esɑi 45:12

Nɛnɑ nɑ tem kuɑ mɑ nɑ tɔnu tɑkɑ kuɑ u n kɑ wɑ̃ɑ mɛ sɔɔ. Nɛn nɔmuwɑ ɡɑ mɑɑ wɔllu tɛriɑ, mɑ nɑ sɔ̃ɔ kɑ suru kɑ kperi yi yi mi.

Esɑi 45:18

Yinni Gusunɔ turowɑ u sɑ̃ɑ Gusunɔ. Wiyɑ u wɔllu tɑkɑ kuɑ, mɑ u tem kuɑ. U ǹ mɑɑ dere mu n wɑ̃ɑ dirum, kpɑ hunde konibɑ bɑ n kɑ wɑ̃ɑ mɛ sɔɔ. Wiyɑ u ɡeruɑ u nɛɛ, wiyɑ Yinni Gusunɔ. Goo mɑɑ sɑri nɡe wi.

Esɑi 48:13

Nɛnɑ nɑ tem kuɑ, mɑ nɑ wɔllu tɛriɑ. Yen bɑɑyeren yĩsirɑ nɑ sokɑ, mɑ yɑ koorɑ yɑnde.

Esɑi 49:8

Sɑɑ yɑ̀ n turɑ n kɑ nun fɑɑbɑ ko, kon nun durom kuɑ kpɑ n nun somi. Kon nun kɔ̃su kpɑ n kɑ tɔmbu kpuro ɑrukɑwɑni bɔke sɑɑ wunɛn min di. Kon de ɑ wunɛn tem sɔmɛ kpɑ ɑ kpɑm wunɛn tɔmbu ben tem wesiɑ mɛ mu bɑnsu sɑ̃ɑ tɛ̃.

Yeremi 10:13

Wiyɑ u rɑ de bukɔ ɡu se wɔllɔ, kpɑ u woo seeyɑmɑ sɑɑ ɡen wɑ̃ɑ yerun di, kpɑ ɡuru winu nu nim kpɑɑsinɑ, kpɑ ɡuru mɑɑkinu nu koorɑ, kpɑ ɡurɑ yu nɛ.

Yeremi 10:16

Gusunɔ, Isirelibɑn Yinni u ǹ sɑ̃ɑ nɡe ni. Domi wiyɑ u kpuro tɑkɑ kuɑ. Wiyɑ u sɑ̃ɑ win tɔmbun ɑrumɑni. Win yĩsirɑ Gusunɔ, wɔllu kɑ tem Yinni.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yeremi 27:5

nɛnɑ nɑ tem tɑkɑ kuɑ kɑ tɔmbu kɑ yɛɛ yi yi wɑ̃ɑ mɛ sɔɔ, kɑ nɛn dɑm bɑkɑm. Wi nɑ kĩ, wiyɑ nɑ rɑ mu wɛ̃.

Yeremi 32:17

Yinni Gusunɔ, ɑ wɔllu kɑ tem kuɑ wunɛn dɑm bɑkɑm kɑ wunɛn yiikon sɑɑbu. Gɑ̃ɑnu sɑri ni ɑ kpɑnɛ.

Sɑkɑri 12:1

Gɑri yi Yinni Gusunɔ u ɡeruɑ Isirelibɑn sɔ̃ wee. Wi, wi u wɔllu kɑ tem mɔmɑ, mɑ u mɑɑ tɔnu hunde dokeɑ

Yohɑnu 1:3

Sɑɑ yin min diyɑ bɑɑyere yɑ tɑkɑ koorɑ, bɑ ǹ ɡɑ̃ɑnu ɡɑnu tɑkɑ kue yin biru.

Kolose 1:16

Domi win min diyɑ Gusunɔ u bɑɑyere tɑkɑ kuɑ ye yɑ wɑ̃ɑ wɔllɔ kɑ temɔ, ye sɑ kɑ nɔni wɑɑmɔ kɑ ye sɑ ǹ wɑɑmɔ, nɡe wɔllun sinɑmbu kɑ wiruɡibu kɑ yiikoɡibu kɑ sere dɑmɡibu. Gusunɔ u kpuro tɑkɑ kuɑ sɑɑ win min di, u mɑɑ ye kuɑ win sɔ̃.